أنا لا أعيش يومي، أنا أنجو منه فقط. يا للتعاسة!
#ساره_فاضل
احببتها_رغم_الصعاب
وائل
هيه تحجي وأني حيل متعاطف وياها بس لحد الان مااعرف شنو المطلوب مني او بشنو أگدر اساعدهه. حتاريت والحيره متراد بهيج موقف
جاي تحجي وصلت بالحجي لمن جانت جوه المييز وأنجرت ضلت تبجي بدون صوت بس دموعهه يقهرن اقوئ گلب. ومنضرهه يهز كيان الرجال موهينه مره تبجي گدام الرجال. والصراحه حجيهه هز كياني هز
انطيتهه مي ومقبلت تشرب واصرت تكمل حديثهه. واني خليتهه براحتهه كلت نشوف وين نوصل بالحجي
مهره
أني نايمه كالعاده بالغرفه الزغيره البداخل المطبخ وخاله سليمه جانت متقبل انام بليل ع الجربايه جانت تفرشلي وتنومني جوه الميز خوفآ عليه
من الحيوانات اليجون بليل ودائمآ تكول نومة الكاع ارحم من النومه جوه الحيونات اليجون لهاذا البيت
نايمه بأمان الله
ومااحس الا ايد نمدت وجرتني حييل
من الفزه صرخت حييل وجان يطلع واحد سكران جرني من اثنين رجليه ومااعرف شوصف حالتي بذيج الساعه جنت ماعرف شلون اتصرف كل الگدرت اسوي ارفس برجلي واخاف اطلع صوت ليجون البقيه جان تطلع خاله سليمه من ورا وبيدهه خشبه جبيره وضربته كل قوتهه ع راسه وگع فوگي اني من الصدمه والخوفه تيبست ونشف الدم بعروگي جان ينغمي عليه وجان توخره خاله سليمه من فوگي وتفززني وگومتني وخلتني ع الكرسي وشربتني مي وغسلت وجهي وهاذا كله واني بغير عالم الهبطه دمرتني أنطتني المفتاح وكالت سدي الباب عليج ومالج شغل خليهه عليه اني اعرف شلون اسرب هاذا الجلب
كمت من مكاني واني ارجف مثل السعفه وأجدامي تخط خط دخلت للغرفه واني كلي ارجف سديت الباب عليه ورحت لجربايتي ومتديت غمضت عيوني وبقيت ابجي ع حالي وع وضعي وع حضي الجابني لهيج مكان مقرف وماكو مفر منه بس الله هوه اليخلصني بقيت ع نومتي نص ساعه وندكت الباب
اني من الگمزه ماتن رجليه وكلبي كام يدك سريع بس استجمعت قوتي وكلت خل اشوف منو وكمت من وره الباب گلت منوو جان تطلع خاله سليمه. فتحتلهه الباب واني كل مكان بجسمي يرجف وكتلهه هااا شصار شسويتي بهاي المصيبه جان تكول
سليمه
جريته وشمرته بالحديقه الي أباب البيت وخلصت منه
مهره
خاله خاف مات ونتورط. شلون
سليمه
لاتخافين العار ميموت بعده بي نفس شوي لهناك من يشوفونه يودونه للمستشفئ ولاتخافين لايذكرج ولايذكرني من يصحه
لان شوف عينج سكران وميندل دربه لايذكرنهه ولايعرفنه واحنه هم لاشايفينه ولانعرفه وخلص خلي الموضوع لاناخذ ونجيب بالسالفه انتي ارتاحي وذبيهه ع الله
مهره
ماعرف شو گلبي ناغزني وحاسه راح تصيرلنه مصيبه من وره هاذا الولد شكله موسهل بس الله يستر منه
أنت تقرأ
ألهاربه من الضياع
ChickLitﭑنـا الهَاربـۃ مـטּ ڪُل شِيء للاَشيء🖤 .. وطلعت بره كعدت ع الرصيف انتضر البنيه لان الساعه بال10كعدت انتضرهه واني عيني تراقب الرايح والجاي اكول هسه تجي وماكو صارت بال10ونص وماكو اخير شي كلت حدي ل11اذا ماجتي اروح وبعد الله يساعدهه اني سويت العليه صارت...
