#ساره_فاضل
#أحببتها _رغم _الصعاب
وائل
طلعت من المستشفئ مستعجل والف حسبه وحسبه أجت أبالي الدنيه تمطر مطر خفيف والجو عجاجه موطبيعيه اني بلا شيء مبراد وبسع ابرد من نسمة الهوئ رحت ركض لسيارتي بكراج المستشفئ
فتحت الصندوق بي ملابس وأحذيه مخليهن احتياط للشغل بسبب الجولات الميدانيه اروح كاشخ ارجع مطين وأخذ وياي شكم قطعه أحتياط خذت قمصله سوده جلد وجواهه. بطانه صوف وياخه. البطانه كلش جبيره توصل لعيوني لبست القمصله ورفعت الياخه. ع وجهي لان احس وجهي ثلج من البرد
طلعت بسيارتي واريد الطريق ينلف وأوصل للبيت أني اخذني الوقت ونسيت البنيه أبيتي وماعرفت شنو وضعهه ولاأتأكدت هيه فاتت للبيت لو لا
وصلت للبيت وعندي نسخه من المفاتيح. فتحت
الباب ع كيفي حته ماطلع صوت واخوف البنيه والوكت متأخر. مومال اطلع صوت وافزعهه دخلت جوه البيت أضلم بس اكو ضوه كلش خفيف بالصاله اباوع من بعيد البنيه نايمه ع القنفه المقابيل باب المطبخ وسبحان الخالقهه صدك عاشت أيده السماهه مهره مثل العابه نايمه وشعره الاسود اليشبه شعر الخيل ألاصيل نازل من ع القنفه ومتناثر بالكاع شكله يجنن وكلش جذابه انتبهت النفسي أدقق حيل بيهه أستغفرت ربي
و فتت ع كيف حته متحس عليه وجان تفز البنيه
هيه شافتني وهيه فضحتني فضيحه ماله تالي ضلت تصرخ بعلو صوتهه لحگولي حرامي ركضت عليهه لزمتهه وجتفتهه بئيد وبالأيد الثانيه سديت حلكهه لان صرختين بعد وتلم عليه المنطقه كلهه وانفضح
مهره أني كلت هاذا حرامي وهسه يكتلني لويسويلي شي موزين. لوواحد جاي وراي ماكلت لا ضليت اصرخ بعلو صوتي جان يركض عليه جتفني جتاف وسد حلگي وأني أسحب بنفسي اريد اخلص روحي جان يصيح بئذاني ولج كافي اني وائل خزيتنه سكتي رحمه للكعبه
أني هنا رخيت نفسي والتفتت علي بس من الهبطه مادريت بروحي ألا وائل يفزز بيه
وائل
مافرغت من رفساتهه وجلاليقهه هههه ألا لمن كلت اسمي هههه صدگ خبله اشو هاي كبل اندارت عليه ومبين عليه الهبطه خربت بين أديه
لاياربي اني عايز بلاوي شلتهه وخليته ع القنفه رحت بسرعه جبت مي ورشيت عله وجهه فزت مرعوبه وترجف وعيونهه مليانه خوف وحزن شكد ماجنت شايفهه طفله وخوافه وضحكت عليهه بس بعدين
انقهرت ع موقفهه وع الخوف البداخله الله اليعلم اشايفه بدنايهه لدرجه عيونهه كله قهر وحزن
يمعوده شجتج خزيتيني واني بسبب اصراخج خفت كلت راح المطقه تلم عليه واتخزه أشفتي جني شحال لومارجال شكدني شكبرني
مهره
بصوت ضعيف وحزين
موقصة جني لا بس خفت لايكون حرامي لوشخص ومن الوصخين الجنت اشوفهم لهاذا فزيت اذا ع الجني ارحم من الأوادم
وائل
يلا ماصار شيء
لاتخافين ولاترعبين
عذريني ألتهيت بالوالده ونسيت ارجعلج عفتج بلبيت ومافكرت بيج ولافكرت يجوز تخافين لوحدج لوتضوجين اعرف الببت جبير ومابي احد والجو كلش موزين هاي السوالف تخوف الأنسان وخاصه البنات اغلبجن يخاف من الصوت الرعد والبرق. وجماله أنتي نايمه بالصاله والمكان الواسع بطبيعة الحال يخوف ويحس البشر نفسه مشتت ومو بأمان
أنت تقرأ
ألهاربه من الضياع
Chick-Litﭑنـا الهَاربـۃ مـטּ ڪُل شِيء للاَشيء🖤 .. وطلعت بره كعدت ع الرصيف انتضر البنيه لان الساعه بال10كعدت انتضرهه واني عيني تراقب الرايح والجاي اكول هسه تجي وماكو صارت بال10ونص وماكو اخير شي كلت حدي ل11اذا ماجتي اروح وبعد الله يساعدهه اني سويت العليه صارت...
