ألهاربه من الضياع

البارت الاول

# ساره _ فاضل _

#أحببتها _ رغم_الصعاب

مَا أَسْوَأُ أَن تفوتك الْحَيَاة بِسَبَب موقعك اَلَجُّغَرْافي

2017/12/29

الجو برد ومطر والكل بحالة سكون ومرتاحه ونايمه بفراشهه الدافي ألا أني مضطر أروح لشغلي ب6 الصبح ولاجن أعلامي وألي أسمي ومعروف المفروض اروح لشغلي ع راحتي بس ومدير البرامج ابو راس المربع المخليني بعقله ومالگالي الا برامج الاستطلاع الصباحيه ويوميه رايح للمساطر لو للأسواق الشعبيه وجيب الراس اليتحمل الضجه وشكاوي المواطنين بس والله حقهم أني أسمع وگلبي محترك همه شلون متحملين وضعهم التبعان
شنسوي مابليد حيله الله يباوعلهم

خل أكوم أغسل وابدل لا أتئخر ويروح عليه البث المباشر

خل أعرفكم ع نفسي قبل لا اروح لشغلي

أسمي وائل جواد
طبعآ الاسم مستعار لحفض اسم الشخصيه الحقيقيه

عمري 29اعلامي ومقدم برامج معروف بس ماعندي حض ويه القناة الاشتغل وياهم صار 6سنوات اشتغل وياهم وماكو غير بس الاستطلاع الصباحي وتغطيات الاعياد شالين حالي شل بيهم بس يلا تهون ع السنه الجديده يتخصصلي برنامج حواري خاص بيه وارتاح

أني الوحيد الأهلي وعندي اخت وحده عايشه ومزوجه  بالسويد ابوي انقتل بوقت الطائفيه وامي  جبيره ومقعده بسبب الصدمه المرت بيهه لان سبق وگلت والدي نقتل گدام عينهه  قتله القناص الي بذاك الوقت بغداد صارت غابه بسببه كلمن يطلع راسه من الباب يقتله ووالدي جان مضطر يطلع حته يجيب لأختي علاج وملحك يرجع قتله بالباب گدام عين امي لهسه الموقف كدام عيني ماأنسا  و لحد هسه. امي
تعبانه كلش ومجاي تتجاوز الصدمه جبتلهه هواي ممرضات وعاملات ومساعدات بس ولاوحده جرت عدل اخير شيء اتفقت ويه وحده تجي يوميه تنضف وترتب وتطبخ وانطيهه راتب وهاا بيهه مجال.ماشي حالهه ولو متعبتني بالتأخير

أحنه أصلنه موبغداد احنه بالأصل  ناصريه لاكن ولادتنه وتربيتنه ببغداد وعايشين ومتأقلميين بيتنه بمنطقه راقيه من اول مااجه والدي ووالدتي لبغداد ذبو كل اليملكونه واشترو والحمدلله منطقتنه حاليآ تعتبر من احلأ المناطق وشوي تعتبر أمان وهدوء أني دائمآ ممتواجد بلبيت بحكم عملي وهاذ الشيء متعبني

امي منا وشغلي منا. ومجاي  ألكي وقت النفسي هواي نصحوني اتزوج واجيب بنيه تسعدني وبنفس الوقت أدير بالهه ع امي والبيت بس اني احس نفسي مومال زواج بعدني مجاهز مااجيب بنيه واورطهه وياي. قابل بنات العالم لعبه لو خدم

وائل