"මිනර්වා උත්තමාවිය?" කවුදෝ කිව්වා...
________________
Jungkook POV:
මම තව ටිකක් හොඳට ඇස් දෙක ඇරලා බැලුවා. අද නම් වෙන්නේ කොහොමවත් සිද්ධ වෙන්න බැරි දේවල්මයි.
කැන්ටිමේ මේසෙකට උඩින් පාවෙමින් හිටියේ ඇත්තටම කාන්තාවක්. තව... මේ එයාගේ අතේ තිබුණා... මොකද්ද ඒකට කියන්නේ? ආ හරි හෙල්ලක් තිබුණා. ලස්සන රන්වන් එකක්. ඒ වගේම දැක්කම හොම්බට දෙකක් අනින්න හිතෙන මෙලෝ රහක් නැති යෝධ දුඹුරුපාට බකමූණෙකුත් හිටියා.
"අපගේ මිනර්වා උත්තමාවිය, ඔබ තුමිය කුමක්ද මෙහි කරන්නේ?" එක පාරම අර Assassin නායකයා බිම දණ ගහන ගමන් ඇහුවා.
"උත්තමාවිය..." එහෙම කියන ගමන්ම මාවයි ටේ හියොන්ග්වයි මෙච්චර වෙලා වවුලො දෙන්නෙක් වගේ උස්සගෙන හිටපු අනිත් කෙනා එකපාරම අපි දෙන්නවම බිමට අතෑරියා. මෙහෙමයි, ඔයාලා හොඳටම දන්නවනේ අඩි ගාණක් උඩ ඉඳලා එක පාරම බිමට අතෑරෙන එක එච්චර හොඳ දෙයක් නෙවෙයි කියලා. අපිව අල්ලගෙන හිටපු මනුස්සයා අපි දෙන්නව අතෑරලා බිම දණ ගහලා අර ගෑනු කෙනාට ආචාර කරනකොට මමයි ටේ හියොන්ග්නුයි පෙරේතයා පොළොවේ ගැහුවා වගේ හතර ගාතෙන් බිම ඇදගෙන වැටුණා. මගේ පශ්චාත් බාගෙ විතරක් ටිකක් දරුණුවට බිම ඇනගෙන මම අනූනවයෙන් බේරුණත් අනේ අර අවාසනාවන්තයා ජිමින් හියොන්ග්වත් පෙරලගෙනම තමයි බිම වැටිලා තියෙන්නේ. මේ පාරත් වැදිලා තියෙන්නේ කොන්දම තමයි. පව් හැබැයි.
"ඇ- ඇතීනා?" අපිට ටිකක් එහායින් බාගෙට ගල්වෙලා හිටපු තඹපාට කොණ්ඩයක් තිබුණ කෙල්ල කිව්වා.
"මම ඇතීනා නෙවෙයි දරුවෝ." ඒ ගෑනු කෙනා කිව්වා. එයා කතාකළේ කොරියන්වලින් නම් නෙවෙයි කියලා මට තේරුණා. ඒත් මට එයා කියපු දේවල් හොඳට තේරුණා. "මම මිනර්වා. ඇතීනාගේ රෝමානු ස්වරූපය." එයා එහෙම කියනකොටම එයාගේ සුදු පාට රෝමානු ගවුමට වඩා ටිකක් වෙනස් තඹ පාටට හුරු ගවුමක් ඇඳගෙන හෙල්ලක්, ඒ වගේම පලිහක් සහ බකමූණා වෙනුවට තව පියාපත් තියෙන පොඩි ගෑනු කෙනෙක්ගේ පිළිමයක් අල්ලගෙන ඉන්න ගෑනු කෙනෙකුගේ ස්වරූපයකට එයා මාරු වුණා. ඒත් එතන හිටපු කෙනාටත් ඒ මූණමයි තිබුණේ. එක ක්ෂණයකට ඇතිවුණ ඒ වෙනස් වීම ආපහු නැතිවෙලා ගිහින් පරණ කෙනාවම පේන්න පටන් ගත්තා.
YOU ARE READING
Descendants Of Olympus ║ᵇᵗˢ ˣ ʰᵉʳᵒᵉˢ ᵒᶠ ᵒˡʸᵐᵖᵘˢ ᶠᵃⁿᶠⁱᶜᵗⁱᵒⁿ║
Fanfictionබූසාන් ඉඳන් සෝල්වලට එන කොල්ලෝ තුන් දෙනාට අලුතෙන් මුණගැහෙන මිතුරන් එක්ක මොන වගේ ඉරණමකට මුහුණ දෙන්න වෙයිද?🤔 නපුරේ නැගී සිටීමත් එක්ක පර්සි ජැක්සන් ඇතුළු ඔහුගේ මිතුරන් සයදෙනාට මෙවර මොන ආකාරයේ වික්රමයක යෙදෙන්න සිද්ධ වෙයිද? ⚔️🛡️ ඔලිම්පස්හි උරුමකරුවන් ස...