نيران القلوب

البارت الرابع عشر

غزة:
البارت 14

بقلمي لجين علي

#نيران_القلوب

لا تنسون التصويت +متابعة الحساب

يل رحتي و لزمتي ايد غيري عساهن بالكسر ايدج و ايده
سنين اعشكج و حجايتج صارو لكلبي نشيده
رحتي وي ذاك لي عافج مكسوره و سافر لديره بعيده
و انا لسنين بقيت وياج و مخليتج وحيده
جنت احلم اعيش وياج و حبج بكلبي كل يوم ازيده
تالي من رجع رجعتي ويا و هدمتو أحلامي السعيده وصرت اشوف بدال أحلامي كوابيس تطعنوني بيهم بسيوفكم الغميجه
تمنيت الزمن يرجع ليورا و الراح ارجع اعيده
جان لا واسيتج و لا وكفت وياج و اشيل كلبي و اخلي بمكانه حديده

بقلمي غزة

منال لمن مراد كال جاين خاطبين بيسان البنات صرخن شنو بس بيسان مدنكه مستحيه يمه صدك تحجي

مراد اي والله اليوم اجوي وحجو وياي

جيهان ماجنت متوقعه راح يخطبها فرحت الها جنت اكو رايحن بس عمود يتقربون من مراد والله اذا رفضتي بيسان اكتلج كتله احجي بكلبي خزرتها

افنان بس فاك حلكي و مصدومه معقوله راح تعوفني وتروح

مراد يمه كالو اذا ماعندكم مانع وموافقين عمود يدزون النسوان يشوفون البنيه و ينتفقون
( ومن ذني السوالف العتك على كولت غزه )

منال اي يمه بس احنا بشهر صفر يكولون نحس مايصير خطبه و هذول الأمور

جيهان جا ليش هم مايعرفون صفر ونحس لو ماجليها من يمهم يعني مايعرفون

مراد مو هم سنه اكو ناس مايهتمون الهجي سوالف هذا نحس هذا مو زين ماعدهم هجي شي

جيهان حتى احنه سنه بس نهتم بهجي شي ونهتم بقول اهل البيت

مراد مو شرط كلمن وطبيعته انا اعرفه الدكتور شاكر كل سنه بمحرم يذبح ذبايح ويسوي مراسيم الحزن بعاشوراء امه جانت تسوي اقرايات تذكرن من جنتن اصغار ترحن هسه كبرتن كمتن ما ترحن دنكن من حجايتي

هو صح سني بس يحب اهل البيت وامه شيعيه لا تنسون هذا الشي رغم كل هذا بس يجوز مايأمنون بهجي سوالف مال نحس

البنات سكتن

مراد باوعت على بيسان ساكته ومدنكه كتله انتي بيسان شكولين الموضوع يخصج

بيسان باوعت على مراد من وجهه الكلام الي وسكتت

منال يمه عوفها بعده صغيره وتستحي

بيسان عزه فشله افلت احسن شردت للغرفتي

جيهان ولكم كرصوني هاي استحت لا لا اي اوي شبيج كرصت ايد لو عكرب

وجدان مو انتي كلتي كرصوني كرصتج

منال يمه ردلهم خبر وره صفر نرجعلكم خبر وكللهم مانحب ناخذ قرار بهذا الشهر