نيران القلوب

البارت الثامن عشر

البارت الثامن عشر

بقلمي لجين علي

#نيران القلوب

لا تنسون التصويت

اغار عليج من كل ليشوفون اغار عليج من كل ليمرون اغار عليج من اهلج اغار عليج من نفسج هنيالهم اهلج احسدهم انا حيل يمهم انتي و يشوفوج الصبح و باليل عيونج سود مكحله و عطرج  هيل و طولج غصن ريحان و ضحكتج تهد الحيل و يحلات رسومج و شعرج لمن يميل بعز همي اشرد من الكل و اجي لكلبج دخيل لمثلي بهل دنيا يعشكون قليل احبج و اعشكج و انتي مراويتني الويل

                                            بقلمي غزة

فهد لمن مراد طاح على جتفي شفت  وجدان ظلت تصرخ بابا وخرت ايدي باوعت كلها دم شفت براسه متصاوب

وجدان ظليت اعيط واصيح راح ابويه راح

فهد عطت بسرعه فتحو السياره شلته وركبته بالسياره اجت الاطفاء دخلو للبيت وانا طلعت حمدان خويه بس جيب ام مراد للمستشفى و ودي امي للبيت
طلعت وياي وجدان و شهم

حمدان كبل ركضت لام فهد ركبتها بسياره اياد ومؤيد وجهاد بحالة صدمه لحد الان بيتهم من جهه احترك ومن جهه مراد ظل بالهم جهاد اجى وياي واياد ومؤيد بقو يشوفن شلون صار الحرك كبل رحنا لبيت فهد تلكتنه الشيخه سعاد

ام شهم يبوووو ولك شصار شلون يحترك البيت مصبيه وطاحت على راسنه الولد بيهم شي

حمدان باوعت على ام مراد ودنكت رحت نزلت ام فهد من السياره أهدي يمه هسه اجت الاطفاء والشرطه اجت للتحقيق خليت ام فهد على كرسي واجة رونق تبجي

رونق يمه يا بعد كلبي بيج شي انتي جنتي جوه مو
وابوس بيها كلت راحت امي راحت دنيتي

نور اي جانت جوه

رونق صخام بوجهي اخاف متاذيه

ام فهد الحمدلله مابيه شي ماتاذيت باوعت على ام مراد وبجيت سوده بوجهي اخاف الولد يصير بيه شي

منال انا اترخص منكم اكيد ابني كاعد ينتظرني لازم اروح باوعت منا منا وجدان ماكو باوعت على جيهان اختج وينها

جيهان ماادري يمه وينها كالت شويه واجي وراكم

منال عزه بس لا بيها شي وتاذت

جهاد خاله ام مراد تعالي ويانه

منال وين اجي وياكم مراد كاعد ينتظرني هسه اريد اشوفه  شي اكيد اجه وشاف الحريق  وهسه رجع للبيت

جهاد خاله راح اكلج شي بس اريدج تهدئين بالبدايه

منال احجي شبيك

جهاد لمن صار الحريق عمه ام فهد جانت جوه ومراد طلعها وطايح شي على راسه ومغمي عليه

منال بس سمعت خبر ابني الدنيه افترت بيه وبعد ماحسيت بشي