نيران القلوب

البارت السادس

#نيران _القلوب

🥀 الكاتبه لجين علي 🥀

لا تنسون التصويت + التعليق

قراءه ممتعه

بس يمج احب اكعد لانو عيونج كبالي بدونج يومي اكضي نوم و ارسمهم أبالي

بقلمي غزة

ياسه: ركضت و حضنت ابوي و ابجي

الشيخ وفائي خير بنيتي شبيج ام شهم شبيها لبنت

ياسه بويه راح اصير ام بويه

الشيخ وفائي اللهم صلي على محمد وآل محمد الحمدلله والشكر الك ربي جبرت بخاطر بنيتي الحمدلله والشكر

ياسه اباوع على حمدان اشوفه صافن و عينه مدمعه رحت كتله
حم... مكملت اسمه ابتسمت و مسحت دمعتي و كتله
ابو سليم مراح تكولي مبروك واخيراً راح يصير عدنا طفل

حمدان من لمن فاتت للدكتورة كليبي نار عليها ياسه مو مريتي بس ياسه امي و اختي و حبيبتي و صديقتي و بنتي و زوجتي و كلشي حلو بحياتي ما اتحمل اشوفها مريضة و كدامي صار فترة اشوفها تعبانه شكد كتلها اخذج للمستشفى متقبل لانو تدري راح يسألوها وعن وضعها و لاعراض لي عندها و يسون تحليل حمل و متريد تنحرج كدامي لمن فاتت اتمنيتها تطلع حامل يارب فدوة لاسمك اجبر بخاطرنا باوعت على التقويم جان محطوط باب غرفة الدكتورة عليه صورة لأمه لاثنا عشر كلت وعلي اذا مرتي طلعت حبله نذراً عليه إذا اجاني ولد لمدة سنه كل شهر اصيحله بأسم أمام رايدها منكم يا أحفاد رسول الله حلفتكم بضلع جدتكم الزهرة و طبرة علي الكرار حلفتكم بنحر الحسين لي انذبح و دمه فار حلفتكم بجبد الحسن لتكطع لقطع صغار حلفتكم بجف عمكم العباس ابو راس الحار ناخيك يخو زينب حلفتك بعباية زينب و ستر لهاشميات حلفتك بحليب امك الطاهره لي لليوم نحلف بيها بالشدات اريد يصير عندي وليد وكل شهر اصيحله بأسم واحد من لاحفاد
ورا شوي طلعت و ركضت حضنت ابوها و تبجي انخمط كلبي على صوت بجيها لمن كالت حبله احس عبالك رجليه مو بالكاع طاير محسيت غير جاي تحاجيني و كالتلي ابو سليم حضنتها بكل قوتي و كتلها هلا بأم علي هلا بأم حسن هلا بأم الحسين و سجاد و باقر و صادق و كاضم و رضا و جواد و الهادي و العسكري و المهدي هلا بالغالية

ياسه شنو هاي تريديني اخلفلك كل هذول شكد طماع الله انطاك بس مو هيج

حمدان انا نذرت اذا طلعتي حبله و جبتي بالسلامه كل شهر اصيح لوليدي بأسم واحد من أحفاد رسول الله و فدواته ربج مقصر ويانه وانا زلمه و راح أوفي بالوعد

ياسه و اذا طلعت بنت

حمدان كل شي من الله يا محلا و سنين اتحسر على الضنه قابل اكعد اتبطر و شحلات لبنيه جنها كيمره الصبحيه و جنها تفاحه عصريه و جنها فستقه المغربيه و جنها حلاوه ليليه