نيران القلوب

البارت السابع عشر

البارت السابع عشر

#نيران _القلوب

بقلمي غزه

اليوم البدايه للغزه 😍

إلى متى ستبقى قلوبنا محروقه و رائحة العشقِ بالدخان مخلوطه
هل ياترُى مستقبلنا بالماضي مربوط
و دارت الدنيا و تشابكنا مثل الخيوط
ماضينا متشابك و مستقبلنا مجهول اما الحاضر فلا أرى به سوا الموت ها قد سمعت ذاك الصوت انعاد الماضي و انعادت المأساة هل ياترى  الشبل كأبوه لاسد سوف يفقد الحياة ام ان الله سوف يستجيب لتلك الدعوات و يكتب للشبل النجاة   بقلمي غزه

                                         

مراد : اكو شي  يضحك بالموضوع

شهم :  انت تريد تخطب اختي انا تحجي صدك لو تتشاقه

مراد : احجي الصدك ليش اتشقى انا ادري لاصول كون اخطبها ورا سنه الشيخ بس اليوم خطبوها و انا ما اريد اخسرها و انا رايدها بالحلال

شهم : انت تحجي الصدك كل عقلك ازوجك اختي

مراد:  ليش شنو ناقصني علمود متريد تنطيني اختك عندي بيت و بدال الشغل و الشهادة شغلين و شهادتين و عندي خير من الله

شهم : يكفي انو انتو طول عمركم تاكلون و تشربون بلاش بيتنا و هاذا لي عندك كله  من خير ابوي الشيخ لو مو هو جان انت مكادر لا تدرس و لا تحصل شهادتين و يصير عندك هل فلوس هاي هاذا اكبر سبب يخليني ما ازوج اختي الك

مراد : الحجي لي كاله شهم كوله اهانه بس حاولت اصبر نفسي و اتمالكت اعصابي و كتله
انت تعرف كولش زين احنا ليش عايشين هنا لو مو ابوي جان ابوك الشيخ من زمان ميت اصلا احنا لي مفضلين عليكم مو انتو لي مفضلين علينا

شهم : احجي عدل لمن تجيب طاري ابوي الشيخ

مراد :  طول عمري احجي عدل و ماشي بالطريق العدل بس انت لي متعرف تحجي و جاي تجفص بعدين حمدان سنين عاش بيتكم و ابوك الشيخ  زوجه ام سليم

شهم : انت كلتها الشيخ انطى حمدان ام سليم بس انت خطبت اختي مرتين و منطاك الشيخ لو جان يريد تصير نسيبه جان منطيك من زمان بس مرادك تريد هسه انا انطيك

مراد : هيج صارت يل شيخ بسيطة

بهل اثناء اجى فهد كال

فهد : شصاير شبيكم صوتكم عالي

شهم : لا ماكو شي

مراد:  لا اكو شي اجيت طلبت ايد المحروسه بنت عمك مياسة و اخوها ميريد ينطيني شناقصني انا علمود ميريد ينطيني اخته وليكون بعلمكم انا اذا كاعد للحضة هاي بيت الشيخ مو لانو ما عندي بالعكس بيتي جبير و يكفي أهلي و زيادة بس ما أكدر اعيف الوالدة و هيه متعلقة بيكم