#غيمه
بقلم.. هناء عاشور
الحلقه 1...
ابتسامه تعلوو وجهها وهيا تساوي في حجابها قدام المرايا سعادتها لاتوصف لانها بعد اسبوع من اليوم حتكون عروسه لي حبيب عمرها مازن... كانو عيونهم علي بعض عام كامل وكان واضح حبهم لبعض من اول نظره... لين دق بابها طالب يدها بالحلال علي سنه الله ورسوله ومتأكد انها هيا يلي يبيها ويلي حيكمل عمره معاها... فاتحتي غضوه، حننكت علي اسمه وحنكون منه وفيه وليه.. هو بس دنيتي وحياتي وحلالي هوا مازن♥️👑.....
________________________
الدكتور :السلام عليكم
ايمن وقف : وعليكم السلام هاا طمني كملت الجرعه
الدكتور طبطب علي كتفه :اطمن امورها طيبه الحاجه تكمل الجرعه وتقدرو تروح بيها
ايمن تنهد : ربي يبشرك بارك الله فيك
الدكتور : ولو هادا واجبي عن اذنك توا
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
ايهاب يحط في لمياته الاخيره ...بخ عطره ..لبس نظراته حط سلاحه علي كتفه وطلع للصاله: صباح الخير
مها :هلا والله بالسبع
ايهاب نحي سلاحه وقعمز يفطر: 😒صبح يا مزيته
زكيه:خلاص انت وياها
جاسر نازل من الدروج:صباح الخير.
زكيه ابتسمت :صباح النور وليدي الدكتور
مها بهدوء: صباح الخير
ايهاب يتمتم وهوا ياكل في نفص :ها بيبدا التحقيق
جاسر جبد كرسي وقعمز :هاا امته روحت امس
ايهاب شرب الحليب ومسح فمه بكمه :اححح جو ال 1:30علاش؟
مها:يعععع بكمك
زكيه تشرب في شاهي:امالا علي شنو ماوي انا يلي بنغسل ونضم مش هوا
جاسر يصب في قهوه : وين كنت
ايهاب بملل :في الكتيبه انا وايمن وياسر من اسئلتك هادي منيش عيل تدوي معاي هكي
جاسر :به حط اختك في مركز الاورام عندك غادي اليوم ولا
مها : ايه
ايهاب :هئحم ☺️ وانت وين ماشي.
جاسر :عندي حالات في المصحه وعمليه نكمل غادي ونروح بيها
ايهاب وقف: هي نستأذن انا مش فاضي.. لف للباب بيفتحه.
جاسر بهدوء :قلت بتوصلها
مها:هي تعاركوا قلتلكم ديرولي سياره
ايهاب تلفت لي مها بعصاب: تعرفي امك والا باش نحسابوك في الكليه تطلعيلنا في زواره نوضي وتي روحك
زكيه بعصاب: مشالله هذا قدامي وانا حيه وتسب فيها وخيتك
امالا كان نغيب شنو ديرلها وخيتك
ابهاب ببراده:مش قصدي... رجع شاف لي مها بعصاب :نوضي يا حيوانه
مها ناضت :باهي الهم.. وخشت غرفتها
ايهاب تسند علي الكنبه وفتح تليفونه يتصفح
اما زكيه وجاسر كملو هدرزه
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
هيام :نشوف في اختي وفرحتها يلي في عيونها لانها بتاخد يلي تبيه وتحبه حسدتها🔥وسإلت نفسي علاش حبهم لبعضهم متابدل وانا وحب من طرف واحد.. كل متحكي معاه وفرحانه نار تشعل فيا 🔥...
امنه :هيام سيبي كتبك ونوضي حوسي معاي خوك وبوك قريب يوصلو
هيام: تمام.......
