#غيمه
بقلم.. هناء عاشور
الحلقه 3...
هبه فتحت عيونها ببطئ والكلام قاعد يتعاود في وذنها :ورم.. ورم "عيطت علي طول حسها.... بنموت...
جاسر تلفتلها :هبه
هبه شدت في يده وتبكي وشهقاتها عاليه: ب بابا وينه
جاسر تلفتت للمرضه :كلمي الراجل الكبير يلي واقف برا
الممرضه :تمام
جاسر رجع انظاره لهبه : قولي شنو فيك خيرك هبوط او شنو
هبه تمسح في دموعها وشافتله بغلل:فيا ورم عندي سرطان
جاسر توسعوا عيونه من الصدمه وجمد معش قدر يتكلم حتي
💔
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
ايمن : وهادا الحوش كله شفتيه خودي راحتك كانه حوشك
ايمان :تمام كون هاني الحاجه في عيوني
ايمن :رسلم عيونك انا ماشي توا تبي حاجه كلميني
ايمان :في امان الله
ايمن طلع وركب مع ايهاب :هي تحرك
ايهاب لوح السبسي :وين للكتيبه والا عندك مشوار
ايمن يشوف للساعه :لالا.للكتيبه طول اسكت تو بديرلنا العار
_________________
هبه غارقه في دموعها وحاطه راسها علي رجلين بوها
حمد يمسح علي راسها ودموعه علي خده
امنه مركبيلها سيروم مهدئ ووجها اصفرر
هيام واقفه وتشوف لي مازن يلي يلود وشاد راسه بين يديه مصدوم ومش فاهم شي
حسين ساكت ومنزل راسه يشوف للارض وسارح
دارو التحليل مره تانيه وتالته ونفس، النتيجه.. في كل مره "ورم💔"
جاسر طلع من غرفه :قلنا في الاسعافات
مها:هاا جيت شفتك.. سكرت الخط وقربت منه
جاسر يوشوش وشاد عصابه:تو نوريك يا حيوانه علي طلوعك بلا اذن مني
مها بخوف: والله كلمت ايهاب وقالي امشي
جاسر:نتحاسبوا في الحوش تو خشي تلقي الدكتور المشرف هنايا خليه يعطيك شي تلهي فيه مبان كملت الحالات يلي عندي
مها خايفه: ححاضر مخشت تجري للغرفه وهنا وقفت متنحه في هبه وعيلتها :هبه
حسين قام راسه وشاف لي مها
مها سكرت الباب وقربت من هبه :خيرك هبه شنو فيكم بسم الله
هبه مستمره تبكي وعيونه حمرر
مها شافت لي هيام؛ :خيركم ان شالله خير؟؟؟
هيام توترت :ههبه تعبانه شويه
حسين قطع علي مها وجبدها من يدها لبرا الغرفه
مها :ايدي يا حصله شكون انته باش، تجبدني من وسهم هكي
حسين رافع حاجبه:خوها
مها سكتت وهيا مصدومه
حسين:تفضلي شنو تبي تعرفي
مهامستمره في صمتها وتشوفله كانها تستكشف فيه
حسين : عن اذنك ومعش ضايقينا بالله... ومشي
مها ما انتبهتش لي كلامه وتردد في داخلها:معقوله هادا حسين.. مش عاساس مشلول
وسط زحمه الاحزان هادي.. في شخص اختفي من الوسط؟؟
مازن... دخان 🚬 طرف وري طرف لي كمل باكو بحاله في اقل من ساعه ودموعه موقفوش....
