#غيمه
بقلم.. هناء عاشور
الحلقه4...
هبه :السلام عليكم
حمد :خشي قعمزي
مازن معلق عيونه فيهاوفي كميه الحزن يلي في عيونها لين قعمزت..
حمد تنهد وشافلهم بنظرات حزينه :انتم الاثنين مش صغيرين كبار وواعين وليكم مده مخطوبين وعارفين بعض كويس لهذا بنخليكم تتخذوا القرار بروحكم ومفيش حد حيدخل فيكم وان شالله تكونوا عارفين ان الحياه الزوجيه مش كلها سلسه وحلوه وهادا قدامكم اول مطب سواء كملتوا او لا بنحترم قراركم حكموا عقلكم هي عن اذنكم... وقف وانسحب من المربوعه
مازن قرب من هبه ومسكلها يديها وشافلها بترجي بينما هيا كانت تتحاشا تشوفله:هبه عارف ان الموضوع مش ساهل بس ما يوصلش انك تفسخي وتسيبيني وانا نبيك ونحبك حتي لو مريضه 💔
هبه شافتله وانفجرت فيه بكي💔:هاااذااا سرطااان عارف شنو معناها معناه موت موت توا والا بعدين سواء كملت معاك او لا حنخليك بروحك في الحالتين بعدين مستحيل اماليك يرضوا بيا وياخدوني بمرضي لوحيدهم مستحيللل 💔
مازن تهستر وحضنها بقوه :اسسس متحكيش هكي انتي اكيد حتتعالجي ومش حتموت مستعد نرفعك لاخر الدنيا المهم تقعدي جنبي وفي ظهري 💔
هبه سحبت نفسها من حضنه ومستمره تبكي: الفاتحه تتاجل لين نعرف هل نتعالج وفيا امل نعيش او لا
مازن مسح دموعه وهز راسه :تمام ايه تتاجل المهم متسيبنيش، ♥️
هبه:عن اذنك توا... وقفت واتجهت للباب مخليا ورلها قلب ملهوب وعقل في دوامه...
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
حل الظلام وجي الليل يلي مفروض يكون وقت الراحه للناس، ♥️بس مش لابطالنا...
هبه يلي، قضت ليلها كله تبكي وكابته صوت انينها داخلها تتفرج علي الذبله يلي في يدها وتسال نفسها يا تري شنو مصيرها هل حنحطها في اليسار ونكمل مع مازن او بنحيها بكل... نفس الموقف عند مازن يلي مر عليه الليل طويل من التفكير في يلي جاي ويلي فات عليهم اليوم والامر ميخلاش من دموعه يلي خانوه 💔
فات الليل طويل علي حسين لانها او ليله ليه في ليبيا بعد الحادث الشنيع يلي توفت بسببه مرته وحب عمره.. 💔التفكير يلي محتل عقله ويلي مش مخليه يرقد غمضه.. والفراق المرر يلي قاعد يشوف في ذكريات علي هيئه شظايا في جسمه 💔👌
فات الليل طويل علي ايمان تتفرج علي امها المريضه بالكلاوي وتسال في نفسها :يا تري كيف حتكون ايامي الجايه.. متعلمش ان القدر مخبيلها هلبا مفاجات مكانتش تتوقعها 👌
ايهاب... جاسر... مها... مع انهم اخوه مختلفين في كل شي لاكن كانت ليلتهم متشابهه والقاسم المشترك فيها النووم العميق بعد تعب نهار طويل"❤️...
