#غيمه
بقلم.. هناء عاشور
الحلقه6...
فعلا.... دارها حسين وفتح الباب يلي فتحله هلبا جروح كانت مسكره💔... قدم خطوات لي داخل مقابلاته المرايا يلي شوهت معالم وجهه بسبب الغبره لمعوا عيونه بالدموع لفت اانظاره ارجاء الغرفه رطاحت عينه علي السرير ابتسم بألم :جمانه 💔
نحا تيشرته يلي لابسه بعد حس بحراره جسمه ارتفعت في عز الشتي وكأن كل ذكرى لي جمانه قاعده تحرق وتنزف داخله... رجع بنظره للمرايا ومنا قعد يتفرج علي الشظايا .... مسح بيده علي كتفه الاحرش وجبد قزازه صغيره منه .........
"والأشد من الحُزن ، شرحه!"
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
مرو شهور علي ابطالنا واحني توا في شهر "1" مطر وريح قويه وسريعه بس مش اسرع من علامات الوقت... ايمن يلي طالع بامه نص الليل بعد ما تعبت لي مركز الاورام.... وهاهوا واقف مصدوم قدام الروشن يشوف لي هبه يلي المرض قدر في فتره قياسيه انه يغير شكلها كليا💔... مقعمزه شبه غايبه علي الوعي والجرعه معلقه في يدها... قلبه خبط في صدره بقوه مش طبيعيه من شدتها سكر عيونه بالم وهوا حاط يده علي جيهت قلبه 💔
____________
حسين يلي مقعمز في السياره قدام المركز ومشغل المكيف علي قوته من شده الحراره في جسمه يلي في جسمه بسبب الشظايا
ويتفرج علي المطر يلي قاعده تبكي في دموع علي مرش سيارته ويدخن... ساارح في هلبا ذكريات تبكي اكثر من انها ذكريات حلوه 💔.. قطع شروده ركوب شخص غير متوقع ابدا
ايهاب :السلام عليكم
حسين شافله :وعليكم السلام
ايهاب استغرب من المكيف :خيركك خوي سايكو انته تي الجو مقلوب برا ومشغل التكييف
حسين ابتسم :معليشي عندي حراره زايده
ايهاب :حرارهربالي بالك.. وغمزله 🙂
حسين ضحك علي تفكيره وين مشي :لالا حراره عندي شظايا في جسمي
ايهاب :اهاا ان شالله لاباس جايك في طلب بالله نبي دخان بالله طلعت من الحوش مستعجل.. ونسيته
حسين :تفضل.... طلعله باكوا من صندوق السياره
ايهاب منور صحيت... نزل ورجع شافله... حسين ولد حمد صح
حسين هز راسه بنعم
ايهاب مدله يده يسلم :بالجوده بووك صاحب حياه الوالد
حسين رد السلام :ايه نعلم بيك اكثر
ايهاب :صحيت مره تانيه هي تصبح علي خير...
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر 👑
طلعت شمس نهار جديد علي ابطالنا 🌤️🌤️
اجواء شتويه بامتياز.... سماء مليانه غيوم مليانه مطر... و#غيمه مغطيه الشمس وحاجبه دفاها علي الناس...
