#غيمه
بقلم.. هناء عاشور
الحلقه 2...
طق طق
امنه من المطبخ:هيام شوفي شكون علي الباب
هيام :تمام... وناضت فتحت الباب وهنا كانت الصدمه.. حححسين.. حضناته
حسين ابتسم :ايه حسين وبادلها الحضن
هيام بعدت خطوات :الحمد لله علي السلامه... يما تعالي حسين وصل
امنه مشتله تجري وحضناته وهيا تبكي:حسونه وليدي مش مصدقه عيوني انك تمشي مره تانيه😭😭
حسين ضحك وزاد حضنها وباس راسها :هه اموري طيبه هاا نمشي ونتحرك ونتكلم الحمد لله اهم شي انتي امورك طيبه يا حنينه ❤️👌
امنه :الحمد لله🙏♥️
خشو للصاله وهيام دخلت الساك لي غرفه حسين وقعمزو يهدرزوا
حسين :بوي وهبه وين
امنه: في المستشفي يديرلها في تحليل الفاتحه عقبال فاتحتك♥️
حسين سرح ورجعت بيه الذاكره لي يوم الحادث.....
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
حمد متعصب ويتعارك مع الدكتور : تي ورم شنو وكيس شنو نقولك البنت عرسها الاسبوع هادا تقولي كيس خيرك دايخ او متلخبط برا راجع الاسامي
مازن :شنو فيه يا عمي خيركم
حمد شافله ونزلو دموعه :ههبه
مازن شاف لي هبه يلي واقفه بعيد :خيررهاا
حمد مصدوم ومتكنطي وملخبط :مش حترخيها صح مش حتسيبها صح
مازن ابتسم بصدمه :ععلاش بنسيبها وانا نحبها ونبيها شنو فيه يا عمي علاش تدوي هكي؟؟
حمد انهار وقعمز علي الكرسي وعيونه دموع سكتت معش عرف شنو يقول.. هبه شافت المشهد وهيا مستغربه كانت تبي تقرب تفهم شنو فيه بس شي داخلها وقفها اكتفت انها تراقب فقط
مازن :عمي شنو فيه تكلم
الدكتور : الانسه طلع عندها في التحليل الثلاثي تخترات في الدم وهادا الشي يدل علي انها سكت..
مازن نزل عليه كلام الدكتور زي السمم حط يديه علي وذانه وهز راسه يمين يسار :لالا لالا مستحيل وتلفت لي هبه :شنو معناها كمل
الدكتور :مع الاسف الانسه عندها ورم
مازن تلفت لي هبه وعيونه حمرر وبصوت عالي:لا يا هبهه مديرهاش
هبه هنا مشتله تجري ومش فاهمه شي :خخيرك شنو فيكم.. شافت لي بوها.. شنو فيه يا بابا
مازن مسكلها يديها ويبكي:ه ه هبه انا معاك والله ماني مخليك
هبه ضحكت بصدمه : هه علاش بتخليني.. رجعت شاغت لي بوها..بابا فهمني خيركم 💔دمعو عيونها.. لاكن وسط دموعها يلي نزلو سمعت كلام الممرضات يتهامسوا "يناري مسكينه شكلها متعلمش عندها ورم يا حليلها"... هبه ظلمت الدنيا في عيونها وطاحت بين يدين مازن :(
👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑👑لَلَکْأّتٌـبًهّـ هّـنِأّ عٌبًدٍ أّلَفُـتٌـأّحً عٌأّشُـوٌر👑
ايمن :تمام يعني تروح معاي
الممرض :ايه عادي لحظه بس ناديها.. وخش للحجره
ايمن متكي علي الرخامه ويشوف لي ايهاب يلي يتعارك مع مها ويضحَك عليه
ايهاب:كلمي خوك مش فاضي انا
مها :ايهاب حبيبي بالله عليك متحشمنيش مع البنات هوا طلب حطني في الكافي ويروح بيا جاسر
ايهاب جبد من الدخان:خلاص هوا يحطك انا عندي خدمه وبنحط الحمار هادا يلي داخل في حوشهم "قصده علي ايمن"
مها :خوك في وسط عمليه بيسيبها وبيجيني معقوله بعقلك انته او خليني نمشي مع بيان صاحبتي
ايهاب لوح الدخان :به بري لاكن تتعطلي وربي نفترشك
مها فرحت :منور بااي
ايهاب مشي باتجاه ايمن:السلام عليكم
ايمن :وعليكم شنو نحزت
ايهاب:لالا الامَر طيبه مدورشهاا؛ هاا شنو حصلت
ايمن :ايه شويه وتطلع
ايهاب :تمام
__________________
