رواية بائعة المناديل (مكتملة)☑️

الفصل 21 والأخير

الفصل 21 بائعة المناديل و الاخيره

موسي كلها يومين يا حبيبة و تنوري بيت ابوكي من تاني  .. بس يا رب تسامحني الأول .. انا اللي كان لازم اختارلك واحده تصونك و تخلي بالها منك .. كان لازم اصدقك انتي لاني تربيتي انا آسف يا عمري انتي
......
ليلي الو يامن

يامن ايوه يا امي

ليلي ممكن تيجي اتكلم معاك شوية يا يامن

يامن حاضر انا بس هطلع على الشركة هخلص شوية حاجات و هاجي علي طول

ليلي في انتظارك يا روحي

....
دلفت حبيية إلي المنزل بهدوء تام لم تتحدث الي سعاد مطلقا

سعاد مالك يا حبيبة في حاجة حصلت

نظرت حبيبة اليها و قالت لا مفيش حاجة .. انا بس اكتشفت إني كنت لعبة في ايديكم كلكم كل واحد بيحركها شوية

سعاد مين الي قالك الكلام دا ؟ و ليه بتقولي كدا

حبيبة يامن كان بيعرف اخباري منك صح

سعاد صح كان بيتصل يسألني على اخبارك و كنت بقوله

حبيبة يعني هو اللي قالك تاخديني عندك .. يعني كنتو بتشتغلوني علشان مليش حد .. كنتوا واخديني لعبة بين اديكوا .. يعني انتي كنتي بتاخدي فلوس منه علشان تقعديني معاكي.. يعني عمرك ما اعتبرتيني بنت ليكي

سعاد لا .. لا يا حبيبة متقوليش كدا .. انا اعتبرتك بنتي .. لا انتي بنتي فعلا .. انتي عارفة اني مخلفتش و معنديش ولاد .. انا اعتبرتك عوض ربنا ليا في اني مكنش ام .. انا و الله ما كنت باخد منه فلوس علي كدا لانك بنتي .. و انتي مكنتيش بتخلي حد يجبلك حاجة حتي انا ..
 
هو اتصل بيا و قالي أني اخليني معاكي في مكان آمن .. بس غصب عني حبيتك.. شوفت فيكي بنت ليا بعد العمر دا كله .. لما كنتي تناديني ماما كنت ببقي طايرة من الفرحة .. ابوس ايدك يا بنتي ما تحرميني من الكلمة دى ..انا والله بحبك اكتر من بنتي

اتجهت إليها حبيبة مسرعة و احتضنتها بقوة و ظلت تبكي و تشهق من كثرة البكاء ..

حبيبة انا اسفة والله العظيم اسفة .. انا بحبك اووي.. كفاية انك اعتبرتيني زي بنتك .. فتحتيلي بيتك .. واحده غيرك كانت عاملتني وحش و استغلت يامن مهي هتاخد منه فلوس علي قعدتي معاها .. كانت زمانها عملت زي سماح و شغلتني خدامة عندها

سماح لا متقوليش كدا البيت دا بيتك و انا هكتبة باسمك و يعلم ربنا اني ما عاوزه حاجه من حد و اني عاملتك زي بنتي بالظبط

.....
اتجة موسي الي منزله و قال بزعيق حطي الاكل يلا

سماح حاضر اهو بيجهز على النار قدامة عشر دقائق

موسي و انتي مش عارفه اني برجع دلوقتي يعني القي الاكل جاهز و محطوط على السفرة كمان يظهر اني تساهلت معاكي و لازم تتربي من جديد فين بنتك