حمامة سلام

الفصل السادس عشر و الاخير

في الليل يسمع الجميع صوت تبادل ضرب النار و يقوم الجميع ليعرف ما هذا الصوت .
ريموندا: ربنا يستر كله يلبس بسرعه و يأخذ سلاحه علشان يعرف يتعامل .
الجميع يسمع الكلام و يتقابل أمام الأوض .
جاسر: فيه أيه حاجه مش طبيعيه .
في ذلك الوقت يسمعون صوت مكبرات الصوت .
الجميع يسلم نفسه اللواء أيمن تحت أيدينا لو مسلمتوش نفسكم أنا كده حتعامل و حقتله .
وليد: ريموندا العمل أيه دلوقتي لازم نظهر و إلا حيقتلوه .
ريموندا: وليد خد مجموعتك و سلم نفسك و أنت كمان يا سارة إنت و هادي روحوا معاهم أشغلوهم لغايه ما أتصرف .
وليد: متأكدة من الكلام ده و له حتهربي .
ريموندا: مش أنا إلي حهرب أنا عارفه دماغك فعلشان كده قولت لسارة و هادي يروحوا معاكم يعني مش حضحي بصحابي .
و بالفعل عندما تحرك مجموعه وليد قامت ريموندا بالتسحب لتري ما هي تطورات الوضع فلو هجوم سوف يكونوا مشغولين بمجموعه وليد و هي تعرف تتصرف .
بعد وقت قليل رجع ريموندا لجاسر و محمد و ليليان .
محمد: حنعمل أيه بمجرد أن حيكتشفوا عدم وجودنا حيتعاملوا معانا و أحنا مش ناقصين أهدار في الأرواح .
ريموندا بابتسامه : مؤامرة علينا من اللواء ذات نفسه .
جاسر: طب فهميني عرفتي ازاي .
ريموندا: مش وقته دلوقتي أحنا حنتحرك عكس اتجاه بعض و نتعامل بس منأذيش حد يعني نعلمهم الادب بس علشان ميلعبوش بينا تاني .
ليليان: تمام يبقي يتعلموا الأدب .
تحركت ريموندا و معها ليليان و عكس الاتجاه محمد و جاسر .
اخد الأفراد في مكبر الصوت : الأربع أفراد الباقيين يسلموا نفسهم حنعد لغايه ٣ لو محدش رد أنا حتعامل مع أول رهينه .
هنا تظهر ريموندا و علي وجهها علامه استخفاف: طب ما تتعامل هو أنت بتأخذ أذني .
محمد : ما هو لما يكون صغير لازم يستأذن الكبير يا بص برضه الواد مؤدب .
اللواء أيمن: هيا مش ناقصه برود اتعاملوا معاهم أحنا حنموت و أنتم قاعدين تتكلموا اتعاملوا .
هنا خبطه أحد الأفراد في دراعه و أمره بالسكوت .
ريموندا: عيب خلي بالكم ده أسمها قلت ادب لما تعمل كده مع القائد بتاعك .
أيمن: يا مجنونه أنت قائد ايه و زفت أيه حنموت بسبب تخلفك .
أحد الملثمين: سبها تقول إلي في نفسها قبل ما تيجي تحت رجلي مذلوله .
جاسر: أوبس لعب في ليفيل الوحش .
ريموندا بضحك طب تعالي و تعاملت مع هذا الملثم و محمد و جاسر اتعاملوا و بالفعل ربطوا الملثمين ما عدا الذي بحوزته اللواء أيمن .
ريموندا: تحب أبدأ بمين يا تري أضرب مين في رجله و مين في أيده علشان يتعلم الادب و ميسمعش كلام أي حد يقول عليه و خصوصاً لما يلعب معايا أنا مخصوص .
و تقوم بإطلاق أحدي الأعيرة النارية في الجو .
ريموندا بغضب : يلا أه أنا هنا عندي حريه رأي أبدأ بمين و تقوم بركل أحدي الافراد .
أحدي الأفراد: أنا مليش دعوة حضرتك هيا مهمه زي الزفت زمايلي نبهوني و قالوا بلاش ده مش بتتكلم ده بتتعامل علي طول كان يوم اسود لما جيت معاهم اه يا رجلي .
ريموندا بضحك: اقوم تعالي هو في عسكري يعمل كده يا فرحتك يا مصر بعساكرك لا انت تلزمني عندي في الإدارة بعد أذنك يا فندم .
أيمن: أنا يا متخلفه مقبوض عليا ريموندا انت أتجنيتي .
ريموندا: مش كفايه كده و ننهي الفيلم ده بلاش معايا أنا لغايه دلوقتي سكته و معملتش رد فعل علشان تلعب بينا كلنا فكفايه كده .
جاسر: حضرتك هيا كشفه الموقف من الاول .
أيمن: روحي منك لله يا بعيده خربتي الاختبار يلا كل واحد يقوم انتباه بس كشفتيني أزاي يا كارثه .
ريموندا: حضرتك مفيش فيك خبطه خالص معنا كده مكنش فيه مقاومه نهائي و بعدين بيتكلم و يقول أنا حعمل و لما بيكون في هجوم هنا بيفعلوا مش بيتكلموا حتي تعاملوا مع الضباط كان بحرص .
محمد: هي ليليان فين مش ظاهره ليه .
ريموندا تنظر تجد ليليان تقف علي بعد و مش مركزه معاهم و تضرب أحد الملثمين بالرأس و تعض فيه .
ريموندا بضحك: ليليان كفايه يا حبيبتي هو كده اتعلم الادب خلاص سبيه .
الملثم: هو حد فهمها أني داخل أسرق أكلها اه يا دماغي .
الجميع يضحك علي فعلت ليليان .
ريموندا: محمد احنا ننهي التدريب و تتجوزها علي طول مش تخطبها كفايه عليها كده .
ليليان: هو أنا اتعاملت غلط .
محمد: لا يا حبيبتي غلط استغفر الله العظيم غلط ايه بس ربنا ما يوقعناش في غلط أبدا انت بتتعاركي مع أبن أختك علي باكو شيبسي ارحميني يا ماما .
ليليان ببكاء: طب أنا عاوزاه شيبسي .
أيمن: بره كله يأخد شنطه و أمشوا من هنا انا ناقصكم غوروا يلا .
الجميع يجري ليجمع حقائبهم و يتقابلون في أرض المعسكر .
ريموندا: مع السلامة حضرتك حبيت أسلم علي حضرتك قبل ما تمشي .
أيمن: بجد أنا مبسوط منكم و أتمني ليكم حياة سعيده و موفقه .
يأتي الاتوبيس و يرحل الجميع و يوصل جاسر ريموندا لمنزلها .
ريموندا رجعت البيت متاخر و وجدت حنان نائمة فدخلت غرفتها و نامت هي الأخري .
في الصباح وجدت حنان متعلقات ريموندا: هي البت ده جت امتي انا محستش بيه خالص بس شكلها تعبان اسبها لما تصحي لوحدها .
في وقت الضهر الباب خبط حنان بتفتح الباب وجدت سيدة و معاها فتاه
السيدة : السلام عليكم ده بيت الانسة ريموندا .
حنان : و عليكم السلام ايوه مين حضرتك .
السيدة :انا مامت جاسر وديه اخته ايه .
حنان: اهلا وسهلا اتفضلوا ده انتوا انستونا حروح اصحي ريموندا واعملكم حاجه تشربوها .
جميله :شكل امها معرفتش حاجه والا كانت رمتنا من علي السلم .
ايه:الحمد لله ده انا كنت خايفه منها بالصراحه.
فلاش باك
رجع جاسر علي بيته وجد والدته و أخته في الصاله .
جميلة: جاسر حمد لله علي سلامتك .
جاسر: الله يسلمك يا ماما عاملين أيه .
أيه: شكلك جعان حقوم أعمل ليك حاجه سريعه .
جميله: أه أخبارك و اخبار ريموندا عرفت تصالحها في التدريب .
جاسر : اه الحمد لله و بعد أذنك يا ماما عاوز حضرتك تعملي ليهم زيارة بكرة خليني أخلص .
جميله: من عنيا يا نور عيني .
عودة للحاضر
اما في غرفه ريموندا
حنات: ريموندا اصحي مامت جاسر بره هي واخته
ريموندا بتصحي: صباح الخير ماما بتقولي مين بره .
حنان: مامت جاسر واخته بره قومي يلا عقبال ما احضر حاجه يشربوها .
ريموندا: حاضر حلبس واخرج ليهم .
ريموندا هو جاسر مستعجل ليه كده ده لسه يدوب سايبني من كان ساعه تخرج ريموندا وتسلم علي جميله وايه .
جميله بابتسامه:ريموندا انا اسفه علي الي حصل من بنتي و الحمد لله أنك اتصالحتي انت و جاسر .
ريموندا بابتسامه: ولا يهمك بس ليه تكلفي خاطرك وتجيبي الحاجه ده .
جميله : انا مش عارف اقلك ايه بس بجد ابني عرف يختار بجد قلبك الابيض ده مفيش زيه ايه اتصلي بجاسر يجي وده بعد اذنك يا ريموندا .
ريموندا: البيت بيتكم يا طنط .
تيجي حنان:شرفتونا يا جماعه والله احنا لازم نتغده النهارده مع بعض استحاله تمشوا من غير ما تاكلوا .
جميله : وانا مش حكسرلك كلمه يا ام ريموندا.
فجاه الباب يخبط
ريموندا تفتح: اهلا يا هادي انت وساره اه إلي جابكم انا مش لسه سيباكم من شويه .
ساره :قولنا نلحق النهار من أوله قلنا لازم نطمئن عليكي وعلي طنط حنان وبالمره نتغدا .
ريموندا: ادخلي حضري مع ماما الاكل وخليها تعمل حسابك انت وهادي .
وهما واقفين يجي محمد و ليليان .
ريموندا بضحك:لو متفقين مع بعض مكنتوش جيتوا كده .
حنان: يا ده النور تعالوا يا ولاد سلموا علي مدام جميله مامت جاسر واخته ايه و مين انت يا سكر .
محمد: ليليان يا طنط زميلاتنا في الإدارة جديد و كمان تبقي مراتي بعد كام شهر .
حنان: مبروك يا ولاد مدام جميله دول ولادي الي مخلفتهمش مع جاسر برضه في الشغل محمد وساره وهادي و عقبالكم يا ساره انت و هادي .
ساره: انا برضه في واحد متقدم ليا من أدارة تانيه و هادي حيتقدم لوحده برضه بس وخدنها بالدور واحد واحد .
حنان: عيال أنتم كنتم في مركز تدريب و له مركز الخاطبه نونا .
جميله بضحك: مبروك يا شباب اتشرفت بيكم و ربنا يفرح قلبكم .
حنان: يلا يابنات نعمل الاكل وانتوا يا شباب روقوا البيت وضبطوا السفره و يدخلوا المطبخ الجميع المطبخ .
جاسر يخبط يفتح محمد
جاسر:ايه ده انت هنا بتعملوا أيه يا رزل هنا علي الصبح .
محمد متصنع البكاء : ادخل روق معانا كان يوم اسود لما فكرت اجي اطمئن عليها و أنا إلي قولت أخرج ليليان و اجبها هنا البسكوته بتاعتي في المطبخ .
جاسربضحك: طب خد دخل دول لريموندا وتعالي نروق البيت .
محمد يدخل لريموندا: خدي جاسر جابهم وهو جاي و خلي بالك من بسكوتي .
ريموندا: هات ويلا خلص تنضيف بدل ما تخدوا عقوبه .
حنان:ايه يا شباب نحط الاكل .
الشباب: يا ريت اصل ميتين من الجوع .
تم تحضير السفره واكل في جو من الضحك والهزار
وبعدين البنات قدموا عصير .
جميله:بعد إذنك انا طالبه ريموندا لجاسر وعاوزه نقرا الفاتحه دلوقتي .
حنان: انا موافقه بس راي بنتي الاول ايه رايك يا ريموندا .
ريموندا ابتسمت وسكتت
فاطلقوا البنات الزراغيط وطلعت جميله طقم دهب وعطيته لريموندا .
جميله:ده هديه مني لعروسه ابني .
جاسر:وهو بيخرج حاجه من جيبه وانا جاي جبت معايا شبكه ياريت تعجبك وتم عمل خطوبه بسيطه في جو من الفرح والانبساط .
جاسر:بعد اذنك يا طنط انا عاوز الفرح بعد اسبوعين
حنان:لا قوم خدها دلوقتي احسن وامشي يا ابني استهدا لسه حنجيب حاجات كتير .
جميله :انا حنزل معاكي ونجيب كل حاجه نقصاهم ونفرح بيهم اوام اوام وعلشان نفرح بعيالهم .
حنان:خلاص وانا موافقه .
في الصباح ذهبت ريموندا للاداره وقدمت علي اجازه علشان تحضر لفرحها و عزمت اللواء أيمن و العميد لطفي .
مر الاسبوعين بسرعه و الكل بيحضر مع العرسان بيتهم .
يوم الفرح الصبح عدي جاسر وخد ريموندا للكوافير
في الكوافير حضرت ايه اما لبني جاسر هددها لو عملت حاجه تنسي ان ليها اهل خالص وساره وريموندا و ليليان فلقد قرروا تكون خطوبه ساره و سهيله و ليليان بعد شهر من فرح ريموندا .
خرجت ريموندا بفستان ابيض مطرز وميكب هادي
اما ساره بفستان فوشيه واية بفستان زهري ولبني بفستان اسود مدهب و ليليان بفستان فضي .
في الخارج اخد جاسر عروسته وكان منبهر بيها جدا ووصل للقاعه ودخلوا القاعه تحت تصفيق الجميع .
العميد لطفي :الف مبروك يا شباب وانا حكون شاهد علي كتب الكتاب.
و انا حكون الشاهد التاني .
ريموندا: ده يزيدنا شرف يا حضرت اللواء أيمن .
وتم كتب الكتاب في جو من الضحك .
جاسر:اخيرا بقيتي مراتي وافتتحوا السهره برقصه سلو علي انغام (انا نفسي نبعد عن عيون الناس لامينه)واشتغل الديجي وقام الجميع بالرقص وجاء اليها الشباب (اسامه ومصطفي وايمن):الف مبروك حضرتك قلنا زي ما وقفتي معانا في مشكلتنا نقف معاكي في فرحتك .
ريموندا: تسلمولي يا شباب ده انتوا اخواتي الصغيرين .
وبعدين جاء الشاب معاه ابوه(الي كان طارد أبوه من الشقه) وسلموا عليها .
الشاب:الف مبروك حضرتك يجعل حياتك كلها سعاده وفرح .
ريموندا:الله يبارك فيك انا فرحانه ان شوفتكم
جاء اليها الشاب ومعه اسرته(الي كان بيبيع مخدرات) .
ام الشاب:الف مبروك يا بنتي ربنا يوقفلك ولاد الحلال زي ما وقفتي مع ابني .
الشاب:الف مبروك حضرتك لولاكي كنت ضعت .
ريموندا: علي ايه ده واجبي انا معملتش اكتر من وجبي وده حقكم وواجب الدوله توفر فرص ليكم
شرفتوني بوجودكم اتفضلوا .
ريموندا كانت مبسوطه اوي بكل الناس الي حوليها وفرحانه بالي عملته مع الناس وفجاه لقت مصطفي بيجري عليها :الف مبروك يا طنط .
ريموندا:الله يبارك فيك يا مصطفي عقبالك .
ام مصطفي: الف مبروك ربنا يتمملك علي خير انت تستاهلي كل خير ده انت السبب في رجوع فرحتي .
ريموندا: علي ايه ده حقك من حقك الحصول علي الراحه والامان .
ام مصطفي: ربنا يفرحك زي ما انت فرحتيني .
ريموندا: انتوا الي فرحتوني بوجودكم معايا وحوليا .
ام مصطفي راحت تقعد وهي بتدعي لريموندا .
لبني :ريموندا انا اسفه علي الي قولتهولك انت بجد قلبك نضيف ويا بخت اخويا بيكي .
ريموندا: مش زعلانه منك علشان انت مهما يكون اختي الكبيره وحضنوا بعض .
فجأه جاسر خد الميكروفون :كلوا معايا ريموندا بجد انا مشفتش زي قلبك الابيض والي عملتيه مع الناس محدش يقدر يعمله تضحيتك بنفسك المهم ان الناس تعيش في امان وترجع البلد تقف علي رجليها محدش يقدر يعمله الا حمامه سلام وبصوت عالي مراتي حمامه سلام .
ريموندا بصوت غير مسموع:بحبك

انتهت روايتنا بس دول اكيد ابطال وهميه ام الابطال الي حقيقيه جوه كل بيت من بيوتنا بيتنا هو دوله صغيره لو الام علمت اولادها حب بعض والخوف علي بعض يطلع من البيت ابطال حقيقيه لو كل مدرس راعي ربنا في طلابه وعلمهم حب المنهج والانتماء للبلد حيطلع جيل يتحدي المستحيل لو كل طالب أهتم بنفسه واهتم بمستقبله ما فيش حاجه بعد ربنا حتوقفه بلدنا جميله بينا واحنا الي بنرسم بلد ونحدد الوانها ازرعوا واتعبوا أيها الاباء علشان ابناءنا تحصد تحصد حب البلد حبوا بلدكم حيطلع جيل يتحدي المستحيل يخاف علي بلد يضحي بنفسه فداء الوطن وترجع بلدنا بالامن والاستقرار علشان بلدنا بلد الامن والامان ولسه فيها حاجه حلو .
متنسوش لايك و متابعة .

بقلمي/عزة كمال