حمامة سلام

الفصل الخامس عشر

ينتهي اليوم و الجميع يصعد لحجراتهم .
ريموندا: جماعه خلي بالكم كل واحد يخليه في حجرته علشان العين حتبقي علينا و وليد مش حيعدي حاجه .
محمد: طب يعني حنتحبس في مكانه هنا لغاية بكرة علشان الاخ يرتاح .
ريموندا: اه حنتبع الاوامر مؤقتا لغايه لما يحلها ربنا غير كده كل واحد فين معاه حد في غرفته ماعدا خالد لوحده في الاوضه يعني الراجل يولع في نفسه استحملوا شوية .
تصعد ريموندا و تجلس مع البنات و يتحدثون .
ريهام: يا عيني عليك يا خالد قاعد لوحدك أنا حروح أكلمه في التليفون .
ريموندا: روحي بس بشويش علشان احنا سناجل ههههه.
سارة: أنا حروح أنام شويه و لما أصحي تكون أتصرفتي مليش فيه أنا مش حتحبس .
ريموندا: يلا يا حيوانه من هنا ليليان تعالي نعقد أنا وأنتي لو فاضيه .
ليليان: لا فاضيه معنديش حاجه أنا جايه جنبك .
ريموندا: تعالي حتي نلعب ريست مع بعض خلي العضلات تقوي .
و بالفعل لعبا سويا و كانت ريموندا بتلعب معها و لكن كانت تبطئ من الفوز حتي تقوي عضلات ليليان .
ريموندا: كفايه كده عليكي النهاردة ريحي شويه مع البنات حتي ريهام نامت .
ليليان: وأنت حتقعدي لوحدك يعني .
ريموندا: حنزل للقائد أيمن و بعدين حطلع بس متقوليش لحد أني نزلت لو حد سألك قولي لما صحيت ملقتهاش في الاوضه .
تتصل ريموندا علي اللواء حتي تستأذنه في النزول و أذن لها .
في المكتب .
أيمن: خير وليد عمل حاجه ما أن عارف مش حخلص منكم أنتم الجوز .
ريموندا: لا حضرتك بس أحنا هنا جايين نتدرب مش نتعاقب إزاي حنبقي في الغرف الوقت ده كله و الصبح نتدرب بعزيمه أي عزيمة و أحنا حاسين أن زي المساجين و كمان خالد لوحده في الأوضه طب أحنا لو اتكلمنا مع بعض هو يتكلم مع مين أحنا بنتعلم هنا النظام فمش عاوزين نعمل حاجه و أحنا خائفين أحنا هنا نلتزم بالأمن منعملش فوضه كل مجموعة مع نفسها و حتي بليل كل المجموعات تسهر مع بعض نعمل للمعسكر صوت أنا مش بعترض بس ده وجهت نظري .
أيمن بابتسامه: تمام و أنا موافق علي وجهت نظرك و حجمع الجميع و حبلغهم .
و بالفعل خرج أيمن و ريموندا و قام بإطلاق صفارات التجمع .
عند ريموندا في الغرفه .
ريهام: خير في أيه ليه بيصفروا صفارات التجمع ساره ليليان ريموندا .
سارة: يلا نلبس قوام أمال فين ريموندا .
ليليان: مش عارفه نلبس و ننزل نشوف فيه أه .
في غرفه محمد
محمد: قوموا يا شباب شكلنا حنحارب .
جاسر: ده صفارات التجمع شكلها في حاجه جامده يلا نلبس و ننزل علي طول .
و يخرجوا الشباب و يقابلوا البنات و خالد
جاسر: امال فين ريموندا .
ساره: صحينا علي الصفارات ملقنهاش .
محمد: ربنا يستر و منتعاقبش علي أفعال ريموندا .
أما عند وليد
وليد: يلا يا شباب خلونا ننزل نشوف فيه أيه.
و بعد قليل تجمعت جميع الفرق ووجدوا ريموندا بجانب القائد أيمن و تنظر للاسفل .
وليد بشماته: شكلك القائد بتاعكم اتمسك يلا خلينا نتفرج و نفرح .
محمد: خليك في حالك أكيد في حاجه مش مفهومه علشان ريموندا عمرها ما تكسر قواعد .
أيمن: طبعا كلكم عاوزين تعرفوا أيه إلي حصل بعد إلي حصل في المعسكر أمبارح و النهاردة قررنا أن بعد التدريب إلي عاوز يطلع أوضته براحته و إلي عاوز يتمشي براحته يعني اتحركوا بعد التدريب براحتكم و بليل لو حابين تتجمعوا مع بعض براحتكم و رحل لمكتبه .
و هنا رفعت ريموندا رأسها بنظرات تحدي لوليد و بأبتسامه لفرقتها .
و هنا هلل الجميع بفرحه عارمه فأخيرا حيتخلصوا من سجنهم بليل و سلموا علي ريموندا .
وليد: اضحكي براحتك نهايتك معايا قربت يا حلوة .
ريموندا بغضب: يبقي عد الأيام الجايه علشان حتلاقيني في وشك زي عفريت العلبه قضي وقت ممتع سلام يا حلو .
جاسر : ريموندا فيه أيه مالك وشك متغير ليه .
ريموندا بخنقه: مفيش عادي أنا متعوده علي كده علي طول يلا بينا يا شباب نسهر .
سارة: حنروح فين يعني .
ريموندا: أحنا الاحسن نطلع فوق قصاد الأوض بتاعتنا و كمان نبقي مع نفسنا .
محمد: خلاص ماشي أحسن برضه علشان الجو هنا خنقه و هو ينظر لوليد .
ريهام: خوديني معاكي يا كيداهم بس بجد بوص بوص أزاي أقنعتيه بأنه يفك حبسنا .
خالد: ما يجبها إلي ريموندا لا كفاءة كفاءة .
كل ده تحت نظرات وليد الذي ينظر بغل و حقد لريموندا .
أمام الأوض تجلس ريموندا بعد أن قدمت لها ليليان كوب من النعناع لكي تهدي أعصابها و جلس الجميع يتحدث فمنهم من ينظر لمحبوبته بهيام و منهم من يعد النجوم و منهم من يعد الأيام لينتهي التدريب و منهم من ينظر إلي محبوبته عندما وجدها شارده .
وليد: أه يا جماعه مش قاعدين معايا ليه خير .
ريموندا: قولنا نسيب ليك المكان علشان نريح دماغنا شويه الواحد تعب من الحبسه و مش ناقص خنقه .
وليد: شكلك زعلتي مني طب قدام مجموعتك تعالي نفتح صفحه جديدة و أنا حمد أيدي الأول .
ريموندا تمد أيدها بالسلامه هي الآخر .
وليد: أنا بقي عازمكم علي العشاء حنحضره أنا و المجموعه و حنادوا عليكي علشان تنزلوا تأكلوا و نبدأ صفحه جديدة و نأكل مع بعض عيش و ملح .
ريموندا: تمام يا وليد و قبلنا العزومه .
ينسحب وليد و ينزل
محمد: و أفرضي مقلب من مقالبه أزلي تقبلي العزومه .
ريموندا: محمد أنا مش عيله صغيره أنا عارفه دماغ كل واحد حتوديه فين سبوني بقي اروق دماغي و عم الحبيب إلي مركز معايا متعبتش .
جاسر: و له حتعب حتي لو قعدت قصادك العمر كله .
سارة: الحقني يا هادي بشجرة و أتنين لمون .
ليليان: اهم الاتنين لمون محمد انزل أخلع ليهم شجرة .
ريموندا: اه ده ليليان حمد لله علي سلامتك لسه صوتك طالع دلوقتي هو أنا أعلمك أول ما تنفذ تنفذي عليا أهدي حبيبتي .
محمد: سيبك منها يا ليليان أعملي إلي عوزاه أنا في ضهرك ههههه.
ينادي عليهم وليد و ينزل الجميع وتجد ريموندا علي وجه وليد ابتسامه .
ريموندا: ليه كلفت نفسك كده يا وليد الاكل كتير .
وليد : عربون محبه علشان الصفحه البيضه .
جلس الجميع ما عدا ريموندا فلقد أصر وليد علي جلوسها علي أحدي الكراسي نظراً لأنها الاعلي مكانه .
ريموندا تنظر للأكل و لوليد و لقد أحست بعدم راحه و كان في ذلك الوقت يمر اللواء أيمن .
اللواء أيمن: أه الجمال ده وليد و ريموندا لا ده القرار كان في محله ربنا يهديكم أنتم الاتنين .
ريموندا: اتفضلي حضرتك هنا لسه وليد كان مصمم أن اقعد هنا علشان أنا الاعلي مكانه فحضرتك كبير القاعده هنا فلازم حضرتك تشرفني و كمان وليد و مجموعته هما المحضرين الأكل و قامت ريموندا و اجلست اللواء مكانها أحمر وجه وليد و لكن لم يقدر علي الكلام .
و عندما أراد اللواء أن يأكل منعه وليد نظرا لأن الاكل برد و أنه حيصنع له طبق سخن و عندما أراد أعطاءه لريموندا كانت قد بدأت في الطبق الذي أعطاه أيه أحدي الفريق .
ريموندا: لا خلاص يا وليد أنا معايا طبق حلال عليك أنت الطبق .
اللواء أيمن: يلا يا وليد و له مستني الاكل يبرد .
و بالفعل أكل وليد الطعام بالاكراه حتي لا ينكشف أمره و بعد الاكل قامت ساره بصنع أكواب من الشاي للجميع و رحل بعد ذلك الجميع إلي غرفتهم و لقد أحست ريموندا بتعب وليد و لكن تصنعت عدم الرؤيه .
صعد الجميع و عندما جلست ريموندا أتصلت بجاسر و أخبرته أنها تريد رؤيته أمام الغرفه .
جاسر: خير مالك حسه بحاجه .
ريموندا: لا الحمد لله بس شكل وليد الطبق إلي كان عاوز يدهولي كان حاطط فيه حاجه و لما رفضت أكله و شكله تعبان أنا حنزل ليه .
جاسر: بلاش مش هو إلي كان قصدك أه كيده اترد له .
ريموندا: جاسر مش حقدر ألاقي حد محتاج مساندة و أنا عارفه و أفضل أتفرج عليه هو عمل بأصله و أنا حعمله بأصلي .
جاسر: خلاص ماشي وأنا حنزل معاكي مش حقدر أسيبك لوحدك معاه .
هزت ريموندا رأسها بالايجاب .
خبطت ريموندا علي غرفه وليد و فتح لها أحدي أفراد المجموعه .
وليد: أه إلي جايبك جايه تشمتي فيا صح .
ريموندا: مش وقتك عتاب أه إلي حطيته في الاكل خلص .
وليد: ملين علشان متقدريش تعملي أختبارات بكرة و الدرجات بتاعتكم تنزل .
جاسر: المفروض المنافسه تبقي شريفه مش حقيره يا حقير .
ريموندا: مش وقته خالص اطلع هات من شنطتي برشام مطهر و أعطته ورقه بها أدويه لجلبها من حقيبتها .
و بالفعل صعد جاسر و نزل محمل بالادويه و أخذها وليد و ظلت ريموندا و جاسر معه حتي أحس أن التعب خف عليه .
ريموندا: حمد لله على سلامتك يا وليد أحنا حنطلع نريح شويه علشان مبقاش إلا ساعتين علي الاختبار  و لو احتجت حاجه رن عليا .
وليد: ريموندا تعبتك معايا أنا أسف كنت فاهمك غلط .
جاسر: طب كويس أنك فهمتها صح دلوقتي يلا سلام .
و تصعد ريموندا و جاسر لأوضهم  و تنام ريموندا بتعب و تنطلق الصفارات .
سارة: ريموندا أصحي يلا علشان نلحق نلبس .
ليليان: أول مره تنام كده و مش تصحينا مش عوايدها .
ريهام: شكلها سهرت مع جاسر علشان حسيت بيها و هي داخله بعد الفجر .
ريموندا: أسفه يا بنات حد يعمل ليا فنجان قهوة يضبط دماغي .
ليليان: حعملك أحسن فنجان .
و تأخذ ريموندا الفنجان و تطلب من سارة و ليليان و ريهام أن يسبقوها لحين إلحاق بها .
أيمن: ريموندا فين و أيه إلي أخرها .
ريموندا : أسفه حضرتك علي التأخير و أكرر أعتذاري .
أيمن: لما حضرتك القائد يتأخر و يكسر قاعدة يبقي بقيت الفريق حيعمل أيه ياريت كل واحد يعرف أه إلي ليه و أيه إلي عليه ماشي علشان مش حسمح ليكي تكسري قاعدة هنا و الكل قبل ما تيجي منبهني منك أنك مش بيهمك حد و مش بتلتزمي بالقواعد و لولا أني شايف أنك معملتيش غلطه من ساعة ما جيتي كنت عاقبتك علي مجموعتك يلا .
تتحرك ريموندا بسرعه علي مجموعتها و ينظر إليها محمد و كأنه يسألها أه سبب تأخرها أما جاسر فكان يواسيها بنظراته .
تقدم وليد: حضرتك أسف بس سبب أن ريموندا تتأخر هو أنا وحضرتك عارف المشاكل إلي بيني و بينها يعني مش حدافع عنها بس هي ليها حق و لازم بترد ليها .
أيمن: اه عملت أه حمامه سلام المعسكر سمعني .
وليد: أنا امبارح وقت الاكل كنت وضعت ليها في الاكل .
هنا قاطعته ريموندا .
ريموندا: هو حضرتك كان حاطط الاكل سخن فلما برد شكله اتلوث أو حشره وقفت فوقه فحسيت أنه تعبان و نزلت ليه أنا و جاسر و لقيته تعبان حتي فتح لينا أحد أفراد مجموعته و جاسر طلع جاب أدويه من شنطتي .
هنا كمل وليد كلامه: وفضلوا معايا لغايه لما ارتاحت و بعدين طلعوا بعد الفجر فأكيد ملحقتش تنام خصوصاً بعد المجهود من اختبار إمبارح .
أيمن: تمام يا وليد و شكرا علي التوضيح ريموندا أسف بس برضه أنت تأخرتي .
ريموندا: و لا يهمك حضرتك .
أيمن: دلوقتي أختبار صعب شويه هو أن كل المجموعات حتتحرك مع بعضها و تتعامل علي إلي قدامها و لازم تعدوا السور إلي هناك ده بس بذكاءكم .
يستعدوا جميع الفرق و يجروا مسافه طويله و يوصلوا للسور و لكن ارتفاع السور عالي كان حوالي ثلاثه متر أو أزيد و لا يوجد أي حبل أو بروز احجار للصعود عليه كان الجميع يفكر و لكن لا أحد يعرف كيفيه تسلق السور .
محمد: ريموندا ركزي و انتم يا جماعه ركزوا أكيد في حل .
سارة: اللواء أيمن بيضحك علينا هو مراقبنا من بعيد .
ريموندا: أكيد في حاجه بس هي اه أول مرة دماغي تقف اه الدم ده .
ليليان: أصل انجرحت في البرميل إلي هناك و أنا بجري .
ريموندا بابتسامه و بصوت خافض: جماعه البراميل في المكان حوالي ٩ براميل  هادي و ساره و ليليان كل واحد يزق برميل و أنا و جاسر و محمد حنزق اتنين بس متخلوش حد يركز معاكم يعني لما نأخذ البراميل نكون مع بعض و نزق  واحنا جنب بعض علشان لو قلت برميل منا مش حنقدر نوصل و هنا حياخدوا الفكره .
و بالفعل كل فرد أتحرك عكس التاني لغايه لما وصلوا للبراميل و تفأجي كل الفرق بما يفعلون مجموعه ريموندا و هو زق البراميل .
وليد: الله ينور يا بص مش عاوزه مساعدة .
ريموندا: نجاملوك في الافراح بس وسع أنت و فرقتك .
وليد للفرقه: جماعه بمجرد أن ريموندا توصل بمجموعتها لاعلي السور نتحرك بسرعه قبل تحرك حد و ناخذ مكانهم لغايه لما نوصل احنا كمان .
و بالفعل وضعت ريموندا البراميل ٤ ٣ ٢ ١ حتي وصلت لاعلي السور و لحق بها باقي المجموعه و قفزوا معنا من هذا الارتفاع و هما يرددون اسم مصر ثم لحقهم فريق وليد ثم باقي الفرق .
أيمن: صدق إلي سماكي كارثه بس بجد ابهرتيني بذكاءك طبعا الدرجه هنا حتروح لفريق ريموندا و نقطه لفريق وليد نظرا في سرعته و سرعه فريقه في إلحاق باتخاذ اماكن فريق ريموندا يلا كفايه كده عليكم النهاردة يلا راحه يا شباب.
ريموندا: الحمد لله أنا حطلع ارتاح علشان حبه و حفصل منكم .
الجميع و أحنا كمان حنطلع نرتاح .
مصطفي: انسه سارة ممكن كلمه علي انفراد .
سارة: اتفضل حضرتك .
مصطفي: عاوز رقم حد من أهلك علشان بعد ما يخلص التدريب أجيب أهلي و نزوركم في البيت .
ريموندا: ولد أنت استأذنت مني أنا القائد هنا و مش موافقه .
جاسر: يا عم سيبك منها و انت يا هانم خلصي و أعطيه رقم التليفون خلوني نخلص .
مصطفي يأخذ الرقم و يتحدث مع سارة .
محمد: ليليان اعملي حسابك بعد التدريب أنا حخطبك علي طول ما أنا مش حفضل سنجل علي طول .
ليليان بابتسامه: موافقه يا حبيبي .
جاسر: و حضرتك أنا واقف قدام باب قلبك و بخبط بس محدش لسه فتح .
ريموندا: هي جت عليك بعد التدريب تجيب أهلك يتفقوا .
هادي: حلو أوي أنا بقي أعمل أه .
محمد: حتمسكنا الشمع شوف بقي حتمسك كام شمعه .
هادي: ريموندا اتصرفي و حلي المشكله ده احسن افركش ليكم كلكم جوازتكم .
ريموندا: ربنا يسهل و يبعتلك بنت حلال و لو ملقتش يبقي تأخد ياسمين اه برضه البنت عاوزه نصها التاني .
هادي: ياسمين لا ده بتقولي يا أونكل لا أنا شايف غزاله هناك حروح اصطادها أنا مركز معاها من أول التدريب .
ريموندا: قصدك سهيلة هي أصلا عينيها منك بس أصبر علي رزقك هي جايه علينا .
سهيلة: ازيكم يا جماعه بجد كنتم هايلين أوي و خصوصا أنت يا هادي و لا لما نطت حسيت كاني قلبي قصدي خوفت يحصلك حاجه .
ريموندا: لا يا حرام هادي خد رقم سهيلة علشان لما تحب تطمن عليك برضه البنت قلبها رهيف .
هادي بابتسامه يعطيها الرقم و كمان يطلب منها أنها تستأذن له أن بعد التدريب أن يزورهم .
سهيله : بجد يا رب التدريب يخلص دلوقتي يلا سلام علشان الحق أرتب نفسي .
ريهام: البنت العاقله اتجننت .
ليليان بابتسامه: هو حد يعرف المجموعة ده و ميبقاش مجنون .
و يصعد الجميع للنوم .
في أحدي الاماكن
الطرف الأول: اه وصلتم لفين .
الطرف الثاني: بجد ذكيه أوي و هي وليد اتصالحوا بجد لو في زيها كتير بلدنا حتتقدم بجد .
العميد لطفي: طول عمرها و هي جدعه و بتقف مع الكل .
اللواء أيمن : نسيت أقول لحضرتك دول مش جايين يتدربوا بس لا دول جايين يحبوا كل واحدة النهاردة اتفق مع نصه التاني و مستنيين التدريب يخلص و بعدين يتقدموا رسمي أنا من رأي بدال ما يكون معسكر تدريب يبقي مركز للبحث عن نصك الثاني ههههه.
العميد لطفي: هما كده مش خلصوا .
اللواء أيمن: فاضل أخر اختبار و بعد كده كله يرجع أدارته .
العميد لطفي: تمام بس المهم أن وليد و ريموندا اتصالحوا الحمد لله أشوفك قريب أن شاء الله عندنا
في الاداره .