حمامة سلام

الفصل الثاني عشر

كان جاسر حزين جدآ و بعد كلام محمد أيقن أنه جرح ريموندا فقرر أن يذهب لبيت سارة و يري رد فعلها و بالفعل ذهب جاسر .
ناهد مين جاي الصبح بدري كده أنتم مش كاملين .
ريموندا بسخريه : ده جاسر يا طنط أكيد مقدرش يستني و جاي يعرف رد فعلي .
تفتح سارة الباب و بالفعل تجده جاسر و تأذن له بالدخول .
جاسر: أسف يا طنط أن جيت من غير ميعاد بس كنت لازم أجي بصراحة .
ناهد: أنت زيك زيهم يا بني تيجي تشرف في أي وقت .
ينظر جاسر لريموندا و يجد وجهها حزين و حزن أيعقل هذه التي كانت تضحك و تبتسم أمس .
جاسر: ريموندا من غير لف و لا دوران أنا أسف بجد و الله مكنش قصدي أزعلك أو توصلي للحاله ده .
ريموندا: جاسر قفل علي الموضوع ده خلاص انتهي بالنسبه ليا خلينا صحاب أفضل .
جاسر: مينفعش أنا حبيتك بجد و مقدرش استغني عنك .
ريموندا: جاسر كفايه أنا خلاص قلبي قفلته و مش عاوزه كلام تاني لو باقي علي صداقتنا .
محمد يغمز لجاسر: خلاص يا جاسر هي حرة سبها براحتها المهم تبقي مرتاحة .
ياسمين: ريمو زعلانه من حد لا يمكن مين مزعلك و أنا موجوده قوليلي بسرعه .
ريموندا: يعني حتعملي أيه حضرتك فهميني قبل ما تتهوري .
ياسمين: حدخل أعملك فنجان قهوة علشان تعرفي تفكري تأخدي حقك كويس و أعمل لنفسي واحد و أجيبه و أجي اتفرج .
محمد: أنسه ياسمين بعد أذنك واحد قهوة معاكي .
ياسمين: حاضر يا استاذ بس مين حيحاسب علي المشاريب .
ناهد: خلصي يا قلبي و أنا ححاسبك .
ياسمين: الله الغني مش عاوز حساب بدال حخده منك كفايه أمبارح و تفتكر الشبشب .
ساره: ياسمينا حبيبتي أعملي لينا كلنا قهوة بأيدك الحلوة ده .
ياسمين: حاضر عقبال ما أعمل دور شربات بس ازاي و واحدة لسه سمعاها بتقول قفلت قلبي و الثانيه مفيش حتي فردة شراب أتقدم ليها .
تقوم ساره
ريموندا: عنك يا سارة خلي الطالعة ده ليا سبهالي بقي و شمرت ريموندا درعاتها .
ياسمين: لا يا غاليه هو حد جاب سيرتك أنت تقفلي قلبك و إلي عاوزك يخبط .
ريموندا: ارتاحي يا ماما شكلك انت إلي حتتجوزي قبلينا أنا و أختك مبلطين في الخط .
محمد لجاسر بصوت بهمس : سيبك منها كلها يومين و ترجع زي ما كانت بس المرة ده عليك و علي حنان ملكش دعوة بيها و كمان متنساش التدريب حتبقي قصادك ٢٤ساعة .
جاسر: تصدق أول مرة أحب التدريب يا رب ارجع خاطبها من هناك .
هادي: أنا سمعت سيره خطوبه .
محمد: استهدي انا بقول لجاسر أن ريموندا حتبقي معاه في التدريب .
هادي: أنتوا حتروحوا تدربوا وله تحبوا أه التسيب ده .
محمد: بتقول أيه حضرتك اركن مش وقتك و متنساش هناك حيكون في بنات و شباب معانا بس ركز أنت شوية .
ريموندا لسارة: شكلنا حنخلص التدريب و نطلع علي بوليس الاداب أصل في ناس مش حتجبها البر معانا هناك .
سارة: أنا مش فاهمه حاجه .
ريموندا: بيتكلموا أن كل واحد يعلق واحدة في التدريب .
سارة: سبيهم براحتهم متقطعيش ارزاق حد مش ممكن ألاقي نصي التاني هناك انا كمان .
ياسمين: طب خدوني معاكم أشيل الشنط و أشوف انا كمان نصي التاني .
ناهد: احترمي نفسك منك ليها بدال ما أقوم أربيكم من جديد .
ساره: و أنا مالي ده محمد و هادي هما إلي بيتكلموا و رايحين يعلقوا بنات من هناك .
جاسر: بسم الله ما شاء الله ودانك متسلكة أوي كده أنت سمعتيهم أزاي .
محمد: بسم الله ما شاء الله علي نباهتك يا سيدي ساره لو اتكلمنا من هنا للصبح و لا حتسمع حاجه الباقي علي إلي بتعرف تقرأ حركه الشفايف .
جاسر: قصدك مين ياسمين .
محمد: لا البص بتاعنا ريموندا هانم .
ريموندا: طول ما أنت بتتعامل معايا أني مش مركزة و بتستغل ده مش حتفلح ههههه ده أنا ببقي مركزة في كل حركه حوليا .
جاسر يحرك شفايفه بكلمه بحبك و يبتسم .
ريموندا: بقولك أيه يا ساره احترمي نفسك كان في وخلص و لو مش عاجبك كلامي إن نبقي صحاب بلاها .
محمد يخبط جاسر: يا بني اتلم ده عندية خلي يومك يعدي .
ريموندا: أسفة يا طنط علشان تعبتك معايا بس لازم أروح حتي أطمن ماما عليا و كمان علشان الحق اجهز شنطتي .
ناهد: عيب عليكي انت زي البنات بس خليكي شوية .
ريموندا: لا يدوب ألحق و لسه حننزل نشتري حاجات بليل للتدريب .
محمد: و أحنا كمان تستأذن علشان برضه حننزل بليل نشتري حاجات للتدريب و نبقي نتقابل يا بنات .
ريموندا: تمام يلا أستئذن أنا .
محمد: ريموندا بكره بدال ما نطلع بعربيات كتير كفايه عربيتي و عربيه جاسر .
سارة: و مين حيركب معاك و مين مع جاسر .
ريموندا: أنا وأنت مع محمد و هادي والشنط مع جاسر .
محمد: لا خلي هادي و ساره و الشنط معايا و انت مع جاسر اه بالمره علشان كمان تبقي براحتك فى العربيه لغايه لما نوصل لمكان الانتظار علشان بمجرد الوصول هناك حيكون الضغط عليكي .
ريموندا: تمام بليل نبقي نكمل كلام علشان خلاص تعبت يلا سلام .
تغادر ريموندا و يلحقها هادي و جاسر و محمد
محمد: ريموندا استني فين عربيتك .
ريموندا: قصاد الإدارة من امبارح .
جاسر: يعني أنت امبارح مشيتيها من الإدارة لهنا أنا أسف جدا طب تعالي اوصلك للإدارة تركبي عربيتك و تروحي .
ريموندا: خلاص ماشي انا اصلا تعبانة .
تركب ريموندا و كلما يحاول جاسر تشغيل اغنية رومانسيه تقوم هي بأطفاءها .
جاسر: فيه أيه يا بنتي مالك متسيبي الأغنية شغاله .
ريموندا: مصدعة جامد مش عاوزه دوشة .
جاسر: طب تعالي نروح لأي دكتور يكشف عليكي .
ريموندا: لا أنا اصلا منمتش من امبارح ممكن عاوزه ارتاح شوية .
جاسر: طب انا كنت عاوز اتكلم معاكي شوية .
ريموندا: وقت تاني أن شاء الله الأيام الجاية كتير .
يرن هاتف جاسر
جاسر: ايوه يا محمد .....لا حوصلها الأول وبعدين حطلع علي هناك .....لا حبقي اتصل بيهم ابلغهم ....لا حشتري بليل كام طقم ....ماشي تمام اسبقني أنت الاول .
ريموندا: أنتم رايحين الشقة صح .
جاسر: اه أصل أنا قاعد فيها من امبارح و محمد حيجي يقعد معايا لغايه بليل .
ريموندا: سبت البيت بسببي صح .
يسكت جاسر و لم يرد .
ريموندا: كده كلامي صح لسه علشاني طب ممكن كلام اختك صح في كل إلي قالته يعني أنا مش أخر بنت في الكون .
جاسر: لا يا ريموندا أنت إلي قلبي أختارك و مقدرش اعيش من غيرك اما بالنسبه للبني كانت لازم وقفه ليها صغرتني و معملتش ليا اعتبار .
ريموندا: طب مامتك و أختك التانيه ذنبهم أيه المفروض أنك سندهم راجل البيت .
جاسر: طب يلا نشرب حاجه و نكمل كلامنا ارجوكي مترفضيش .
هزت ريموندا رأسها وصلوا لأحدي الكافتيريات.
جاسر: تشربي أيه الأول و بعدين نكمل كلامنا .
ريموندا: قهوة علشان دماغي تتظبط .
جاسر يطلب اثنين قهوة
جاسر: أنت متعرفيش بعد وفاة بابا كان حالنا ازاي و كنت لازم اقف علشان امي و اخواتي و ماما هي كمان حربت علشان توصلنا لمكانتنا ده فكنت ليهم اب و اخ و صاحب بس في الأيام الأخيرة بقت لبني عاوزه تتحكم في البيت عاوزه هي الكل في الكل لغايه اخر موقف كان لازم وقفه حتي ماما و اخده موقف منها .
ريموندا: جاسر أوعي أي حد يخسرك أخواتك مهما تكون خلي الرابط بينكم قوي و طلع ليها ألف عذر ممكن تكون بتغير عليك ممكن تكون خايفه عليك ليها كذا جانب و أنا برضه مش اول واحدة تقابلها و لا أخر واحدة .
جاسر: أنا لو سيبك علشان تهدي نفسك بس أما أنا اختارتك و ححارب لغايه ما تفتحي باب قلبك تاني حتلاقيني علي بابه  علشان تلحقي تريحي ساعتين علشان شكلك بتفصيل وأنا حجيب ليكي العربيه تحت البيت .
توصل ريموندا البيت و تتسحب في الدخول حتي لا تحس بها حنان .
حنان: أهلا يا هانم كنت فين و مش بتردي علي تليفوناتي ليه .
ريموندا: كنت بايته عند سارة و مش برد علي التليفون علشان كنت تعبانه فمكنتش قادرة ارد .
حنان: أمال ساره قالت ليه انك في مهمه .
ريموندا: علشان كنت متعصبه و مش عارفين مكاني و مكنتش برد علي حد  .
حنان: و أنا برضه حد شكلك نسيتي نفسك و فكرتي نفسك كبرتي صحبتك تكدب و تقول أنك في مهمه و انت بكل برود تقولي انك كنت بايته عندها ردي عدل عليا أحسن ليكي عملتي ايه عند جاسر امبارح في البيت .
ريموندا بغضب : وله حاجه روحت و مكملتش ساعه ونزلت علي الاداره و يا ريت تقفلي علي السيره ده انا تعبت .
حنان تصفع ريموندا بالقلم: لم تتكلمي معايا اتكلمي عدل مش معني سيباكي براحتك تتكلمي كده و من هنا ورايح ده الوش إلي حتشوفيه عجبك عجبك مش عجبك أنسي أن ليكي أم من الأساس.
ريموندا تترك حنان و تدخل في اوضتها و تغلق الباب عليها و تبكي و لم تشعر بمرور الوقت إلا عندما اتصلت بها سارة كي تستعد للخروج .
ريموندا: أيوه يا ساره ......لا ما نمتش حبيبتي أنا اصلا قاعدة ......مش عارفه والله يا ساره .....طب معلش اعذريني ساعة و لو متصلتش اتصلي أنت ......حفهمك لما أشوفك سلام .
تخرج ريموندا و تعد لنفسها فنجان من القهوة .
ريموندا بحزن : أنا نازله اشتري حبه حاجات علشان بكره مسافره عندي تدريب و معرفش حقعد كام يوم .
حنان: ماشي براحتك حتتعشي معايا و له بره .
ريموندا: معرفش لسه أنا نازله أنا و ساره و حقابل بقيت الشباب بعد ما نشتري الحاجات .
حنان: زمايلك حيسافروا معاكي أكيد .
ريموندا بتعب: أيوه أه أه و فجأة يغمي عليها .
حنان تتصل بالاسعاف و تتصل بمحمد الذي يسبقها علي المستشفي .
محمد: مالها ريموندا يا طنط أه إلي حصلها .
حنان ببكاء: كانت بتكلمني و فجأة تعبت و وقعت من طولها .
و بعد الكشف عليها
محمد: خير يا دكتور مالها .
الدكتور: هي اتعرضت لضغط و مكلتش من مده عمل معاها هبوط و شكلها شربت قهوة كتير زودت ضربات القلب هي عاوزه رعاية بس و ممكن علي الصبح اكتب لها خروج .
و يخرج الطبيب و تنظر حنان لابنتها التي ترقد علي السرير و متوصله بأيديها المحاليل .
محمد: متقلقيش عليها أن شاء الله حتقوم بالسلامة .
حنان ببكاء: أنا السبب أول مرة أمد أيدي عليها و أول مرة أشوف بنتي بالمنظر ده حتي لما كلمتني كانت بكسرة .
محمد: هو حضرتك ضربتيها طب ليه ده عمرها ما غلطت أو عملت حاجه تزعلك .
حنان: لما جت من بره و يكلمها ردت ببرود عليا و بنرفزه فضربتها .
محمد: هي كانت تعبانه أحنا من الفجر معاها عند سارة بعد ما تعبنا عقبال ما وصلنا لها و طنط ناهد قالت إن الحاله إلي جت لها ريموندا وهي عليها كانت صعبة و هديتها و لما روحنا كان منظرها صعب و ما صدقنا أنها هديت و قالت حتروح علشان اكيد حضرتك قلقانه و كمان تريح علشان مصدعة جامد و شكلها كده مانمتش من أمبارح .
يرن هاتف محمد
محمد: أيوه يا ساره .....لا ممكن في البيت ......أصلها  تعبت و نقلناها المستشفي ......لا الدكتور طمنا .....خلاص ماشي و بلغي هادي و جاسر علشان ميزعلوش ......طب سلام علشان بدأت تفوق .
ريموندا: أنا فين .
حنان: في المستشفي و أحنا جنبك سامحيني يا بنتي .
ريموندا: ماما متعيطيش أنا مش قادره اتكلم و حاسة بدماغي فيها وجع جامد .
محمد: حمد لله على سلامتك أه اتحسدتي و له ايه .
ريموندا: مش عارفه حصلي أيه بس ممكن قله نوم .
حنان: أنا حنزل اشتري أكل علشان تأكليه عقبال ما نروح .
محمد: خليكي أنت و أنا حنزل اشتري ليها الاكل و ححاول مع العميد أنك متنزليش بكره .
حنان: روح يا بني مش عارفه من غيرك كنت حعمل أيه .
محمد: و له حاجه ريموندا علي طول في ضهرنا في كل وقت المهم سلامتها .
ينزل محمد و بعد وقت قليل تحضر سارة و جاسر و هادي .
جاسر: الف سلامه عليكي كان شكلك تعبان اوي و باين عليه التعب .
ريموندا: الله يسلمك يا جاسر الحمد لله في كل وقت .
سارة: إنت يا بنتي مش لسه قافله معاكي من شويه .
ريموندا: بعد ما كلمتك علي طول قولت اعمل فنجان قهوة و يدوبك بشرب منه محستش بالدنيا .
جاسر: حرام عليكي أنت شربه قهوة كتير النهاردة أوي و شكلك ماكلتيش أنا حنزل أشتري اكل ليكي .
حنان: محمد تحت بيشتري أكل ليها تشكر يا بني .
هادي: أه حنفلت من تدريب بكره و له أيه .
ريموندا: محمد حيحاول مع العميد بس أنا عارفه أنه حيرفض .
محمد: مين بيجيب في سيرتي يا شباب .
ريموندا: عملت أيه في التدريب .
محمد: خدي كلي الأول و بعدين نبقي نشوف حتعملي أيه بكره في التدريب ما أنت عارفه العميد وضعك في أول القائمة .
ريموندا: مش قادره أكل حاسه أني دايخه جامد .
جاسر: طب علشان خاطري كلي أي لقمه وشك دبل .
حنان: جاسر عاوزاك بره الاوضه يا بني .
تخرج حنان و جاسر
ريموندا: محمد حبه و تبقي تطلع ليهم أنا مش قادرة اقوم الصراحه .
محمد: أنا كده كده كنت طالع من غير ما تقولي علشان افض أي اشتباك معلش يا ريموندا كل إلي حوليكي جم عليكي .
ريموندا: هي قالتلك إلي حصل .
محمد: اه أول ما جيتي و الدكتور قال انهيار عصبي طول عمرك قويه اجمدي بقي .
ريموندا: و أنا أه بقولك أنا ضعيفه شكل بس الدنيا عرفت تكسرني صح .
هادي: لا طول عمرك قويه بنتسند عليكي و لما بتواجهنا مشاكل بنجري عليكي تحليها ربنا يديمك في حياتنا .
في الخارج
حنان: جاسر أنا اعتبرتك زي أبني و مش عوزاك تكدب ريموندا أمبارح كانت عندكم في البيت أه إلي حصل و ليه بتقولي قفلي علي حكايه الجواز .
جاسر: و أنا مش حكدب عليكي اختي هانتها و قالت ليها أنها حتبقي فاشله في حياتها الزوجيه فريموندا ردت عليها و قالت لها  أنا موافقتش علي أخوكي و مشت و أنا سيبت البيت من امبارح و كنا مش عارفين نوصل ليها لغايه ما عرفنا أنها عند طنط ناهد و لما تهدي حتقدم رسمي لحضرتك  .
محمد: اه يا جماعة احنا في مستشفي مش علي البحر .
حنان: بعتتك ورانا صح بنتي و عرفاها .
محمد: لو عرفاها صح ماكنتيش زعلتيها يلا ندخل علشان هيا مش ناقصه ضغط .
يدخلوا الاوضه و تجد ريموندا علي وجههم الابتسامة.
ريموندا: ساره روحي اشتري أنت الحاجات و اشتري ليا زيك و الصبح حتعدي علي بيتنا حتلاقي شنطه فيها بعض الحاجات لزوم التدريب حتجبيها في سكتك و انت يا محمد انزل مع هادي و جاسر اشتروا حاجتكم .
جاسر: لا هما يشتروا ليهم وليا و أنا حكون معاكم هنا .
محمد: روح انت مع هادي و بالمرة عدي علي مامتك بلغها بالتدريب و أنا حبات معاهم .
جاسر: لا أنا حتصل بيهم ابلغهم و خلينا هنا معاهم .
ريموندا: يا جماعه بجد روحوا شوفوا إلي ناقصكم و أنا تعبانه فحنام شوية و لما أصحي حيكون الصبح حلاقيكم في وشي .
اقتباس
ريموندا: تصدق نسيت أعرفك بحضرة الضابط جاسر معلش أصل بنسي كتير .
وليد يسلم علي جاسر: أهلا و أنت بقي نقلوك للإدارة علشان تكمل شغلهم أه يا ريموندا شكلكم مقصرين علشان كده ضموه ليكم .
محمد: أه أصل أنجازاتكم مسمعه جامد اليومين دول هو أنتم أخر مهمه كانت من أمتي مش فاكر .
ريموندا: من سنتين أظن بعد فشل مهماتهم رحلوا المهمات لينا كلها و خلوهم هما في الأعمال الاداريه بس غريبه التدريب إلي فات مكنتوش فيه أه إلي حصل .
هادي: شكلهم حيطلعوا مهمه جديده فقالوا ينشطوهم ما برضه الواحد من كتر القاعدة بيصدي .
سارة: عيب يا جماعه ده وليد أبو الواجب كله .
ريموندا: هو أنت حتقوليلي علي الواجب ده كان بيعمل معايا الواجب و سبحان الله كان بيترد ليه وقتي .
وليد: طب هادي و سارة حلتيها حتحلي بقيه الاتوبيس ازاي .
ريموندا: بعد أذنك حد يجبلي رقم ٣و ٢٠و ٣٠ يخلعهم من علي الكراسي و قامت بخلع الارقام التي علي الكراسي و لزقت رقمها علي الكرسي الخاص بها و رقم جاسر علي الكرسي الخاص به و كذلك محمد اه أتحلت روح بقي قعد مكان رقمك مش ناقصه من أولها تعقيد يلا .
وليد: أه إلي بتعمليه ده أنت حتمشي التدريب علي مزاجك لا لازم حد من المسئولين علشان كل واحد يعرف اختصاصه .
بالفعل كل قائد عرف مكانه و عندما اراد محمد الاعتراض علي مكانهم نظرت له ريموندا لكي يسكت لكن مجموعه وليد اعترضت لأنها في أخر المبني .
أيمن: يعني اه بتعترضوا أحنا قولنا بلاش شغل الاطفال .
وليد: يعني حضرتك تختاروا لمجموعتي أخر المبني و لمجموعة ريموندا أول المبني ده ظلم و أنا موافقكش علي كده .
ريموندا بعد أذن سيادتك: يعني انت شايف أن مكانك مش حلو يا وليد .
وليد: اه و مختارين ليك أفضل مكان علشان يسكتوا حضرتك .
ريموندا: هادي سارة محمد جاسر في أي مشكله لو خدت قرار دلوقتي من غير ما ارجع لكم .
الجميع حرك رأسه بالنفي .
ريموندا: تمام أنا حبدل معاكم و نأخد أحنا نفوق و انتم خدوا تحت أنا و ساره في اوضه و الشباب في الأوضه التانيه و خلي الاوضه الثالثه ليكم مش محتاجنها .

                              بقلمي/ عزة كمال