حياة من بعد غفلة

(الفصل الاول)❤️

انا مش مصدقه يا خالد ان اخيرا بقينا سوا وبابا وافق عليك
خالد: اخيرا يا حبيبتي بقينا لبعض في الحلال بجد، ويحضنها ويلف بيها
خالد: شاب جميل جدا، من عيله متوسطه، يشتغل في شركه ادويه
حياة: فتاه جميلة جداً، محجبه، لكنها لا تعرف شئ عن دينها مثل خالد
خالد وحياة الصدفه جمعتهم واتعرفوا علي بعض وحبوا بعض في السر.. ولكن كان دايما يريد خالد ان يبعد عنها حتي لا يغضب ربنا.. ولكن كان كل ما يبعد.. لا يقدر ويرجع يكلمها تاني..
وبعد سنتين اتقدم لها خالد وتم واخيرا كتب الكتاب
ـــــــ
نرجع تاني
خالد والفرحه ظاهره عليه
عمي بعد اذنك انا هخرج شويه انا وحياه
محمد (والد حياة) اممم ماشي يبني بس متتأخروش
خالد:حاضر،باذن الله...يلا يا حياة
ـــــــ
ينزل احمد وحياة والفرحه عليهم لا توصف
خالد يرجع بظهره
خالد:حياه... انا بحبك اوو
حياة:خالد حاااسب.
فاجاه تيجي عربيه تخبطه يقع علي الارض
حياة واقفه مصدومه مش عارفه تنطق ومش مصدقه اللي حصل وهي شيفاه كله دم
حياة :خاااالد وتجري عليه
حياة:خاالد...خالد متسبنيش..انا مصدقت بقينا مع بعض..خالد عشان خاطري فوق
خالد: وهو مش قادر يتكلم حياا..سامحينييي يا حياة وادعيلي🥺
حياة:لا انت مش هتسبني لا
خالد:ب ح ب ك ويموت
حياة:خاااالد
ــــــــ
بعد مرور كذا يوم
حياة في حاله صعبه مش بتتكلم مع حد . يدخل عليها اسر اخوها
(اسر:شاب ملتزم لديهي لحيه طويل،ذات بشره قمحيه،وعيون بنيه)
اسر: حيااة
حياه: لا رد
اسر: طيب انتي هتفضلي كده لحد امته.. خالد لو كان عايش مكنش هيحب يشوفك كده يا حياه.. قومي ادعيله.. مش هو قالك كده قبل ما يموت قومي صلي افضلي ادعيله ان ربنا يرحمه.. حزنك مش هيفيدك ولا يفيده بحاجه قومي اتكلمي زعقي فيه حتي اتكلمي
حياه: تفضل بصه ليه شويه وبعدين تبكي بصوت عالي وتحضنه
اااه تعبت يا اسر، قلبي وجعني، مش عارفه ازاي هقدر اعيش من غيره او كمل، هو كان كل حياتي، هو الضحكه، هو اللي بيفهمني، هعيش ازاي من غيره يااارب، خودني بقي ياارب
اسر: يبكي علي بكائها، اهدي يا حبيبتي عشان خاطري، اهدي ويقرأ عليها اسر بعض ايات القرآن حتي هديت
اسر: يلا قومي صلي كده في فروض عليكي يا هانم، وعقبال ما تصلي اكون انا حضرت فطار حلو كده وبعدين ننزل نشم شويه هو
حياه: لا انزل انت انا مش عايزه انزل
اسر: لا هتنزلي معايا يرضيكي انزل لوحدي واتعاكس وانا قمر كده 😂
حياه: 😂 لا ميرضنيش بس معلش يا اسر بجد مش قادره انزل انا هقوم اصلي
اسر: ماشي يا حياتي وانا هطلع اعمل احلي فطور ليكي، ومتقوليش مش هاكل (ان لبدنك عليك حق)
حياه تبتسم ليه حاضر يا اسر ربنا يبارك فيك يارب
اسر: وفيكي يارب ❤️
يطلع اسر يحضر الفطار ويفرح اهلها انها بقت احسن شويه،اما حياه تتوضي وتبدأ في الصلاة وتكلم ربها وتفضل تبكي حتي انتهت ...
يارب اغفر له وسامحه... انا السبب كان كل ما يبعد عني عشانك.. عشان مش يعصيك.. كنت انا اللي برجعله.. يارب سامحه واغفر ليه يارب.. اللهم اجعل قبره روضه من رياض الجنة ولا تجعله حفرة من حفر النار ياارب.
يدخل عليها اسر
اسر: الجميل خلص ولا لسه
حياه: اه خلصت خلاص
اسر: طيب يلا تعالي نفطر ويبدأوا اكل ولكن حياه لم تاكل كتير ولكن لم يريد اسر ان يضغط عليها
حياه: انا شبعت الحمدلله
اسر:وانا كمان الحمدلله.. تعالي نطلع نقعد بره شويه
حياه: لا يا حبيبي روح انت شغلك يله وانا هنام
اسر: شغل ايه بس دلوقتي
حياه: بجد انا كويسه عايزه انام
اسر: تمام اللي يريحك.. عايزه حاجه اجبهالك وانا جاي ان شاء الله
حياه: سلامتك يا حبيبي ويذهب اسر لشغله
تسرح حياه يااه يا اسر لو اقولك هات معاك خالد
وتدمع عينها وحشتيني اوي يا خالد.. مش قادره اصدق ان مش هشوفك تاني الفراق صعب أوي . وتنام حياة
ـــــ
اسر في المستشفى فهو طبيب
وهو داخل سرحان في اخته يخبط في فتاه
اسر: بعتذر جدا والله مش اخت بالي
سلمي: تضع وجهها في الارض ولا يهمك حصل خير... عن اذنك (سلمي فتاه رقيقه جدا،كل من يعرفها يحبها،مختمره،ذات عيون خضراء ليست طويله ولا قصيره)
اسر: يسرح فيها وفي خجلها وتوتورها يفيق عندما تختفي من امامه نهائيا
اسر: هو في كده لسه علي الارض... ربنا يثبتك دايما يارب.. يدخل مكتبه ومازال يفكر فيها ولكنه يستغفر ربه ويستعيذ بالله من الشيطان.
ـــــــ
تاني يوم يصحي اسر يصلي القيام ويقرأ قرآن وبعدين يقرر ان يصحي حياه لتصلي معه
اسر: حياه حياه اصحي يا حبيبتي
حياه: في ايه يا اسر
اسر: اصحي صلي الفجر يلا
حياه: حاضر حاضر وتنام تاني
اسر: يابنتي انتي بقولك اصحي.. الفجر فرض زي باقي الفروض عيب لما ربنا ينادي علينا واحنا نفضل النوم عليه وننام... احنا اللي محتاجينه والله مش هو.. قومي يلا
حياه: حاضر قايمه اهه والله
اسر: حضرك الخير يارب
تقوم بالفعل حياه تصلي الفجر ويذهب اسر للصلاة في المسجد
بعد شويه يرجع اسر يري حياه وهي تقرا قرآن
يذهب يحضر فطار ويجي تكون حياه انتهت
حياه: تاعب نفسك ليه كنت هقوم انا اعمله
اسر: مفيش تعب ولا حاجه يلا افطري يا ستي
ويفطروا سو ويصحي الاب والام يفطروا معهم وبعد شويه يذهب اسر الي شغله
ــــــ
في المستشفى
يقوم اسر بعمله وهو يلف علي المرضي..يشوف سلمي ويستغرب انها واقفه بتكشف.
اسر: السلام عليكم ورحمة الله وبركاته
سلمي: وعليكم السلام ورحمة الله وبركاته
اسر: هو حضرتك معانا جديد هنا؟
سلمي: احم ايوه... في حاجه
اسر: لا ابدا... بعتذر منك ويسيبها ويمشي.
اسر:هو انا اتهبلت وانا مالي اسألها ليه يعني.
ــــــــ
حياة ما زالت علي وضعها كل يوم تنطفئ اكتر... تراجع الشات بينها وبين خالد كل يوم.. واسر يحاول دايما انا يخرجها من التفكير فيه ولكن.. ويجعلها تقرب اكثر من ربنا.
ــــ
كل يوم اسر يشعر بإنجذاب اتجاه سلمي، يقسم انه لا يرها ولكن من ما يسمعه عنها ينجذب اكتر، ومن اول يوم رأها وهو يفكر فيها
هل فعل اسر بيحبها...
ـــــــ
بعد مرور شهر
لا تغير في حياة حياه...
اسر اعترف لنفسه اخيرا انه يحب سلمي.. وقرر انه سيتقدم إليها ولكن بعض فتره بعد ان تصبح اخته في حاله احلي..
اسر : وبعدين يا حياه هتفضلي كده لحد امته
حياه: لحد ما اموت.. انا عايزه اموت تعبت يا اسر
اسر: يغضب عليها ولاول مره.. كل يوم انا عايزه اموت.. انا عايزه اموت.. انتي جاهزه تقبلي ربنا اصلا..
انتي بتصلي كل الصلوات يا حياه..
عملتي ايه شايفه انك هتدخلي الجنه بيه
ما تفوقي بقي لنفسك خالد خلاص مات.. الله يرحمه.. انتي هتفضلي كده لحد امته.. قومي كده بصي لنفسك في المرايا وشوفي بقي شكلك ايه..
حياه: كلام اثر يأثر فيها... اسر بعد اذنك اطلع بره دلوقتي عايزة اقعد لوحدي
اسر: تمام يا حياه بس اعرفي اني مش هتكلم معاكي تاني في الموضوع ده... وعايز اقولك حاجه بدل ما انتي بتفكري في دنيتك واللي راح منها.. فكري في اللي بقيلك منها... وفكري في اخرتك. ويطلع
تبكي حياه علي كلام اسر
يارب انا مش قادره... بجد حاسه اني مش عارفه اعمل حاجه.. مش عارفه افكر حتي..يارب دلني علي الطريق الصح... بس فعلا اسر معاه حق انا عملت ايه عشان اخرتي.... وتفضل تفكر حياة حتي تهرب في النوم ثانياً
ـــــــ
يصحي اسر لصلاة القيام يناجي ربه... ويدعي لاخته ان تفيق من غفلتها وان يعوضها بعد شويه يذهب ليصحيها لصلاة الفجر ولكن يفأجأ بأنها صاحيه تقرأ قرآن
اسر: حبيبتي انتي صاحيه محستش بيكى
حياة: صحيت من شويه
اسر: ربنا يصلح حالك يارب يا حياة..
حياة: امين ولك بالمثل يارب..
والفجر ياذن يذهب اسر للصلاة وحياه تصلي في.. وتدعوا لخالد ان ربنا يرحمه..
يعدي كذا يوم
في يوم على الغداء
محمد والد حياه:حياه انتي جيلك عريس..وانا شايفه كويس جدا
حياه:تنصدم لم تفكر في هذا الموضوع من قبل...لم يخطر علي بالها يوم انها ستصبح مع احد غير خالد
حياة:بس انا مش عايزه اتجوز تاني
محمد:يعني ايه مش عايزه تتجوزي تاني،الحياة مبتقغش علي حد خالد مات والله يرحمه،انتي بقي كملي حياتك.
حياة: بس يا بابا
اسر: يقطعها بعد اذنك يا بابا حياه ادخلي جوه دلوقتي
وتدخل بالفعل حياة الاوضة
اسر: بابا خالد لسه ميت من فطره صغيره صعب انها تتحمل ده كله، وانت عارف كان خالد عندها ايه، كان اكتر يوم مفروض تفرح فيه بقي اتعس يوم عندها، حضرتك مكنش ينفع تفتح معاها الموضوع ده حتى دلوقتي.
محمد: تمام يا اسر، هصبر شويه.
اسر:احم بابا انا عايز اخطب
صفاء(الام):بجد يبني هي مين نعرفها
يضحك اسر علي والدته..ايه يا امي دي انا لسه بقول..علي العموم يعني هي دكتور معايا في المستشفي معرفش عنها كتير ولكن كله بيشكر فيها واسمها سلمي
محمد:تمام يا بني كلم اهلها وخد معاد منهم
اسر:بإذن الله
ــــــ
حياه تدخل غرفتها وتفضل تبكي
يدخل عليها اسر
اسر:الموضوع انتهي خلاص يا حجه اسكتي بقي دموعك دي عندي غاليه والله
حياه:مش مصدقه يا اسر ان بابا يعرض عليه حاجه زي كده عمري ما اتخيلت ان اكون مع حد غير خالد 😭
اسر:اهدي بس كده خلاص الموضوع انتهي،بس عايز اقولك حاجه بردو الحياه مش بتقف علي حد...هو قدره كده،وكلنا هنموت
قال رسول الله صلى الله علية وسلم والذى نفسى بيدة لو يرون مكانة ويسمعون كلامة لذهلوا عن ميتهم ولبكوا على انفسهم.(ملك الموت)
يعني بصي لنفسك يا حياه
حياه: والله يا اسر بحاول وبجاهد نفسي ادعيلي يا اسر
اسر: بدعيلك والله من غير ما تقولي اتحدي دايما شيطانك وجاهدي من طول ما انتي بتجاهدي وصاقة هتوصلي أن شاء الله
ــــ
تاني يوم في المستشفى
اسر: انسه سلمي
سلمي: نعم يا دكتور اسر
اسر: احم ممكن رقم باباكي
سلمي بأستغراب: ليه في حاجه؟
اسر: لا هتعرفي اكيد منه
سلمي:تمام اتفضل
شكت سلمي ان يكون عايز يتقدم لها انصدمت ومشت بسرعه من قدامه
اسر: استغرب من شكلها ولكن قال ممكن تكون احرجت بس وراح يكمل شغله
ــــ
عند سلمي
سلمي: ببكاء ليه يارب.. دي كنت بعمل المستحيل عشان يكرهني واكدب احساسي انه بيحبني زي ما حبيته للاسف.. ليه تحبني يا اسر ليه... احنا مش لبعض..
يا تري ليه سلمي انصدمت
وايه هيحصل مع حياة
#خلود_سمير