(حياة بعد غفلة)
وقفنا اخر مره لما حياة كلمت وعد واتفقوا علي ميعاد يتقابلوا فيه
واخذت حياة سلمي معاها ونزلوا ووصلوا لقوا وعد قاعدة مستنياهم
سلموا علي بعض وقعدوا وطلبوا حاجه يشربوها واتعرفوا علي بعض اكتر
حياة :ايه حصل خلاكي تمشي كده امبارح
وعد حكت ليهم اللي حصل وهما لاحظوا فعلا انها لابسة النهاردة جيبة وعليها حاجه طويله يمكن اطول من اللي كانت لبساها امبارح علي بنطلون
حياة بكت من الفرحة ان بسببها بعد الله طبعاً حد ناوي يتغير
وعد تلفونها رن وهما قاعدين قفلت عليه ورزكت معاهم بس الرقم ده فضل يرن كتير وعد وعملت الصوت صامت
وعد : هقولكم حاجه بس اللي بيتصل ده واحد انا بكلمة من ورا اهلي وانا بحبه جدا وهو كده برضوا
سلمي : من ترك شيئاً لله عوضه الله بأفضل منه اتركيها عشان ترضي ربنا الشخص ده هو اول واحد هيكره إلتزامك
وعد :ليه
حياة:عشان مش هتكليمه تاني ويسلي وقته هو لو بيحبك بحد كان دخل الباب من ييته
وعد فضلت دقيقة ساكته وبعدين مسكت التلفون ورنت عليه
وعد : السلام عليكم ورحمة الله وبركاته
إسلام:انتي فين يا هانم من امبارح مش بتردي في ايه
وعد : كنت محتاجه افكر في شويه حاجات
إسلام : حاجات ايه اللي ماخلكيش تردي عليه
وعد : انا قررت ألتزم وخلاص مينفعش نتكلم تاني لو عايزني بجد تعالي اتقدملي في البيت
إسلام:مش فاهم يعني ايه إلتزمتي ده
وعد : يعني عايزه اقرب من ربنا يا اسلام
اسلام : اه وتبقي ست الشيخة راحت وست الشيخه جات
وعد : شكراً يا اسلام انا قولت اللي عندي سلام
إسلام : سلام يا ست الشيخه
وعد بعد ما قفلت معاه حست براحة غريبه والبنات قاعدين قصاها فرحنين جدا من اللي عملته
حياة : ربنا يثبتك يارب يا دودو
سلمي :حاولي تمسحي اي حاجه ليه معاكي عشان تنسيه والشيطان ميحاولش يدخلك تاني من الباب ده
وعد طلعت الخط وكانت لسه هتكسره بس افتكرت ان شغلها عليه وقفت
وعد :كان نفسي اكسره بس الشغل عليه
حياة :انتي بتشتغلي ليه محتاجه يعني واسفه علي تدخلي
وعد :لا ولا يهمك انا الحمدلله مش محتاجه بس هوايه مش اكتر
حياة:حاولي تبعدي احسن اقرب ما تكون المرأة من وجه ربها وهي في قعر بيتها
وعد : بإذن الله هحاول عايزه اتعلم حاجات كتير وأبدا اتعلم في ديني بقي
سلمي : المهم انك تبدأي بجد مش تقولي
وعد : باذن الله هبدا من بكره ولا اقولكم من دلوقتي تعالوا معايا لو ينفع
حياة:هنروح فين
وعد : عايزه اجيب لبس واسع زيكم كده
وفعلا بدأت وعد في مشوار إلتزامها ومعاها حياة وسلمي علطول بيسندوا بعض
الفرح بقي علي ٣ ايام فقط وعد كل يوم كانت بتروح عند حياة وتنزل معاها في مشوارها وبقوا صحاب مقربين في خلاص اسبوع .
_______
يوم الفرح
عبدالرحمن راح عشان ياخد حياة وكانت لابسه كاب فوق الفستان عشان مفيش حاجه تبان منها قدام الرجالة وهي داخله
عبدالرحمن دخل عليها بص في عنيها وابتسم ليها ومنطقش باي كلمة واخذها من ايدها ركبها العربية ومشيوا
حياة: عبدالرحمن انت كويس
عبدالرحمن :ايوه الحمدلله بخير
حياة : طيب ليه ساكت حتي مش رفعت النقاب عشان تشوفني
عبدالرحمن : عشان متأكد انك جميله في كل حلاتك حبيت اشوفك لما نروح ان شاء الله ونكون لوحدنا
حياة :طيب
وراحوا القاعة طلعها عبدالرحمن فوق وهو نزل تحت للرجالة وكان موجود عدة شيوخ واحد من الشبخ خطب خطبة صغيره عن المودة والرحمة بين الزوجين وبعدين شغلوا دف ورقصوا كلك عليه وبعدين كانوا عاملين لعبه اسئله دينيه واللي يجاوب عليها ياخذ هدية وبعدين جابوا وجبه عشاء وشغلوا دف تاني وفضلوا يرقصوا حتي نهاية السهرة
وعند الفتيات ايضا شغلوا دف وحياة مسبتش حد قاعد مكانه كبير وصغير كانت بتروح عندهم وتاخد أيديهم عشان يرقصوا معاها وعملوا بردو فقرة أسئلة وهداية لحد النهاية مثل الشباب.
وخلص الفرح واخذ عبدالرحمن حياة ومشي
اول ما وصلوا البيت فضلت حياة تتفرج علي البيت لحد ما وصلت عند اوضة العبادة وقبل ما تفتح الباب قالت كل اللي شاف الشقه بيقول الاوضه دي مقفوله ليه بس انا متاكده وعارفه فيها ليه
عبدالرحمن: وانا عارف انك عارفه
فتحت حياة الباب وكانت مثل ما تتمني وزياده كلها مفروشه مثل المسجد وعامل فيها قبله ومكتبة بطول الاوضه فيها شويه كتب صغيرة
حياة بفرحة شديدة جميله جدا جدا يا عبدالرحمن بس ليه مفيش كتب كتير في المكتبه
عبدالرحمن: الكتب مش بالكثره لما نقرأ دول كلك الاول هنجيب غيرهم اهم حاجه نستفيد مش نجيب كتب وخلاص ونركنها لو كنت جبت كتير هنحتار نقرأ ايه ولا ايه وفي الاخر مش هنقرأ حاجه الاهم كثرة المعلومات اللي في الكتب مش كثرة الكتب ذات نفسها
حياة:فعلا معاك حق يلا نصلي
عبدالرحمن: تمام ادخلي غيري هدومك وانا هغير
حياة: لا عايزه نصلي كده بلبسنا ده
عبدالرحمن : تمام اتوضي وتعالي
حياة:تمام
وصلي عبد الرحمن بيها بسورة الروم حتي وصل لاية(وَمِنۡ ءَايَٰتِهِۦٓ أَنۡ خَلَقَ لَكُم مِّنۡ أَنفُسِكُمۡ أَزۡوَٰجٗا لِّتَسۡكُنُوٓاْ إِلَيۡهَا وَجَعَلَ بَيۡنَكُم مَّوَدَّةٗ وَرَحۡمَةًۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ) وسجد حتي انهوا الصلاة وبدؤا حياة جديدة علي طاعة الله
____
في يوم عبدالرحمن راجع من الشغل دخل يدور علي حياة لقاها غرقانه في كتاب ودموعها نازله
خبط علي الباب ودخل قعد جنبها
عبدالرحمن:الجميل ماله
حياة: بصيت ليه بحزن عمر بن الخطاب مات
عبدالرحمن بضحك :بجد
حياة : بتضحك عليه ايه
عبدالرحمن : علي قطتي اللي كل ما تخلص سيرة صحابي من الصحابة ألقيها نفس القاعده ودموعها نازله ما انا لو مت بقي هتعملي ايه
حياة :بعد الشر عليك الفراق وحش أوي نفسي اللحظه دي متجيش أبدا
عبدالرحمن غير الموضوع ها عملتي اكل ولا زي كل يوم
حياة : أكل .. الأكل كان علي النار وطلعت تجري علي المطبخ
عبدالرحمن:عليه العوض وراح عشان يغير هدومه
حياة :يلا يا حبيبي الأكل جهز
عبدالرحمن :حاضر جي وبدأ ياكل
حياة : ايه رأيك في الاكل
عبدالرحمن:تسلم ايدك يا حبيبتي
حياة في نفسها ربنا يكون في عونك والله انك مستحمل اللي بتكله ده
عبدالرحمن: يكفي انك انتي اللي عملاه
حياة: يا خويا هو انا مينفعش افكر مع نفسي شويه ناطللي كده في كل حاجه
عبدالرحمن فضل يضحك عليها
وبعدين قال الرسول صلى الله عليه وسلم كان لو اكل عجبه كان بيكله لو مش عجبه بيتركه
حياة:طيب انت ليه مش قومت وسبته
عبدالرحمن:عشان هو من ايدك وانتي تعبتي فيه مينفعش اقولك ايه الاكل ده وده ميتكلش زي ما البعض بيعمل بس كتر خيرك والاكل مش سئ جامد يعني مقبول والله ويكفي انك بتتعلمي عشاني وكل يوم مش بتقفي من المحاولة
حياة والدموع في عينها ربنا ما يحرمني منك ابدا بجد انت اكبر رزق من ربنا ليه.. بحبك أوي
عبدالرحمن: وانا بحبك اكتر
_________
اسر : سلمي مش بتاكلي ليه
سلمي: مليش نفس
اسر:في حاجه مضيقاكي يا حبيبتي
سلمي:لا بس مش طايقه الامل
أسر شك في انها تكون حامل بس محبش يقولها ويديها امل علي الفاضي
اسر:طيب قومي تعالي نكشف
سلمي: مفيش داعي انا كويسه هنكشف علي ايه يعني
أسر :يا ستي عادي هنطمن بس ونشوف ايه السبب
سلمي:اقعد يا اسر هبقي كويسه باذن الله
أسر :لا قومي يلا
سلمي:اقعد يا اسر مش حامل عملت الاختبار ومش حامل
اسر فضل ساكت وحزن عليها اكتر قرب منها طيب تعالي نامي ارتاحي شويه
سلمي:لا خلص اكلك عشان اشيل الاكل
اسر: لا ملكيش دعوه بيه قومي انتي يلا
سلمي:حاضر ولسه هتدخل وقفت ..انا عايزه اروح عند بابا
اسر : دلوقتي الساعه ٩ زمانه نام
سلمي : مش عارفه بس عايزه اشوفه دلوقتي
اسر :طيب ادخلي البسي وانا هرن عليه اشوفه
سلمي:طيب
اسر فضل يرن عليه بس مش بيرد
سلمي خلصت وطلعت
اسر:سلمي مش بيرد خليها الصبح احسن
سلمي :هدخل اشوفه بس وانا معايا المفتاح مش هنصحيه محتاجه اشوفه بجد
اسر قرب منها وحضنها واخذها ومشي
اول ما وصلوا فتحت سلمي الباب ودخلت بصت علي السرير مش لقته
اتخضت وطلعت بسرعه اسر بابا مش نايم جوه
اتخض ودور عليه بسرعه لقاه في الصالة بيصلي قرب منه براحه عمي وحاول يلمسه براحه اول ما لمسه وقع علي الارض وكان وجهه يضحك
اسر بص ليها ودموعه نزلت
سلمي : بايا كويس وهيقوم دلوقتي وفضلت تنادي عليه وتبكي لحد ما اغمي عليها شلها اسر وحطها علي السرير وحاول يفوقها يس مش بتصحي
طلب الاسعاف وكلم والده وعبدالرحمن عشان يقفوا معاه .
سلمي فضلت في المستشفى شويه وكل ما تصحي تفضل تبكي وهما يدوها حقنه مهدأه وتم دفن والدها ويا ليها من حسن خاتمة
اسر بعد ما خلصت اجرأت الدفن راح لسلمي المستشفى وفضل قاعد جنبها لحد ما صحيت
اول ما شفها اسر قرب منه وقعد جنبها علي السرير
اسر: عامله ايه دلوقتي
سلمي :لا رد
اسر: سلمي حبيبتي ردي عليه عشان خاطري
سلمي :بعد سكوت ليه يا اسر ليه بعده عني صعب عليه اوي وفضلت تبكي
اسر حضنها وفضل يهديها بابا يا سلمي مات موته اي حد يتمناها ادعيله يا حبيبتي
سلمي: فرحانه ليه والله بس الفراق وحش
اسر:وانا جنبك ومش هسيبك
____
بعد يومين طلعت سلمي من المستشفى وكان اسر مش بيسبها نهائي وكانت حياة بتقضي معاها وقت كتير كل يوم لحد فعلا ما اتحسنت شويه عن الاول
بعد ما روحت كانت قاعده مع اسر وبعدين اتكلمت
سلمي: بلائي صعب عليه اوي يا اسر
اسر : عارف والله يا حبيبتي بس اصبري واجرك عند الله (إنما يوفي الصابرون اجرهم بغير حساب) وبإذن الله ربنا هيعوضك خلي عندك ثقه في كده
سلمي:ونعم بالله واثقة والله ياارب
______
وبعد شهرين كانت حياة حامل وكانوا عندنا بيبركوا ليها
ليلي : مبروك يا حبيبتي ربنا يتمملك على خير يارب نفسي يبقي عندي حفيد بقي عقباالك يارب يا اسر يابني
سلمي : حزنت من كلام والدة اسر ..اسر حس بيها وربت علي يدها تبسمت ليه
اول ما روحوا
سلمي: اسر عايزه اطلب منك طلب
اسر:اطلي عنيه مش طلب واحد
سلمي : عيزاك تتجوز
اسر: بصدمة بتقولي ايه انتي عارفه انتي بتقولي ايه كويس
سلمي:ايوه انت من حقك يكون ليك اولاد يشيلوا اسمك وتفرح بيهم
واسر:ولما انا افرح يا سلمي انتي هتكوني ايه هتكوني اكتر واحده حزينه في الدنيا وانا عمري ما هعمل كده ولا عمري اقدر اعيش مع غيرك
سلمي: انا هفرح علي فرحك
اسر:سلمي اقفلي الموضوع ده ومتفتحوش تاني بعد اذنك
سلمي:بس...
اسر:قطعها بعصبية انا قولت ايه وسبها ومشي
سلمي:فضلت تبكي وبعدين راحت صلت ركعتين لله ودعت فيهم كتير وفضلت تقرأ قرآن
اسر رجع بعد ساعه ومعاه ورد ليها فهم انها بتحاول انه يكون هو سعيد وفي الاخر هو رد عليها بعصبية
اسر : شفها قاعده بتقرا قرآن بصوت جميل جدا قعد جنبها لحد ما خلصت الايه وقفلت المصحف
سلمي: اسر انا اسفه لو زعلتلك مني بس
اسر :حط ايده عشان يقطع كلامها انتي اللي اسفة يا سلمي انا اللي اسف سامحيني اني اتعصبت عليكي اسف
سلمي:متتأسفش تاني
أسر:ولو متأسفتش ليكي وانا غلطان هتأسف لمين
سلمي: ربنا ميحرمنيش منك ابدا يارب
أسر:ولا يحرمني منك ابدا يارب
سلمي جلها وجع في بطنها مره واحده وقامت تجري بسرعه
أسر : سلمي مالك ردي عليه
سلمي: طلعت وهي ماسكه فوطه مش عارفة ريحه البرفان بتاعتك قلبت بطني
أسر : سبها ومشي راح يجيب ليها بسرعة احتبار حمل
بعد ما رجع
سلمي:انت روحت فين وسبتني يا اسر
اسر:ادخلي اعمليه دلوقتي
سلمي:انا تعبت من كتير ما عملته
اسر: هنيأس ولا ايه يلا ادخلي
بعد شويه سلمي طلعت بتبكي
اسر: طيب اهدي خلاص خير الحمدلله
سلمي:انا حامل يا اسر حامل وسجدت ليه بسرعة سجدة شكر وهو أيضاً وقام حضنها وفضل يلف بيها
سلمي: اول ما نزلها يع يا اسر ايه البرفان اللي انت حطه ده ابعد عني ودخلت الاوضه وسبته
اسر: احنا بدأنا وراح بسرعه عشان يخبر اهله
كان خبر سعيد علي الكل والكل فرح ليهم
وبعد فترة ولدت حياة عمر
وسلمي أيضاً جابت ولدين زيد ومعاذ
النهاية ❤️
________
وهكذا حياة الصالحين كل ما تقرب من ربنا اكتر كل ما هتحس بلذة طاعته ولكن أيضاً بلائك سوف يكون اشد مش هنقولك الحياة ورديه وكل حاجه جميله كل حاجه جميله فعلا لليصبر ويتحمل ويعلم ان البلاء في الدينا احسن الف مره من العذاب في الاخرة الصبر هو علاج كل شئ في الحياة وان نحمد الله في السراء والضراء
- حبيت اوضح ان خطيبك مش جوزك مينفعش يكون بينكم اي كلام في خلوه حتي لو كلام عادي او كلام في الدين كله طرق لليشيطان وانتي مهما قاومتي وقولتي انا غير وكلامنا في الدين بس احب اقولك هتقعي بردو
* حاجه تانيه صراحه كان نفسي ادخلها في الرواية بس مش لقيت حاجه مناسبة بس حبيت اقولها
بلاش تكوني سبب في ان جوزك يقطع مع امه او تكوني سبب في انه يتخانق مع امه ساعديه انه ( يبرها مش يقطعها وكذلك الاب اكيد ) .
*بلاش تكوني سبب انه يقطع رحمه ولو هو قاطع قبل ما تعرفيه انتي حاولي توصلي بينهم لا يدخل الجنة قاطع .
* خليه يحس انك قوية أنه يوم ما يقع يبقي عارف ان ليه حد يتسند عليه
وهرجع تاني اقولك بلاش تكوني سبب في قطع والديه .
#خلود_سمير
أنت تقرأ
حياة من بعد غفلة
غير روائيليس كل ما يضيع مننا هو نهاية الحياة لعل في حياة اخرا قادمة فقط نثق في الله 👌 وتذكر دائما رب الخير لا يأتي إلا بالخير 🤍
