حياة من بعد غفلة

الفصل الثامن

(حياة من بعد غفلة)❤️
وقفنا عند عبدالرحمن هو رايح لحياة وحدد مع والدها معاد
حياة كانت خجله منه وازاي هتقبله بعد اللي حصل واعترافها ليه
عبدالرحمن جه ولكن طلب من والدها انه يقعد معاه الاول لوحدهم
عبدالرحمن:عمي بعد اذنك انا محتاج اقرب الفرح
محمد:بس انت يابني لسه متعرفوش بعض كويس ولسه مكملتوش حاجه
عبدالرحمن:انا مرتاح معاها وعرفت اللي عايز اعرفه
محمد :هشوف رأي حياة الأول لو هي وافقت تمام
عبدالرحمن:تمام يا عمي
ويخبر محمد ثريا ان تشوف رأي حياة ايه
ثريا بعد ما تدخل لحياة
ثريا: حياة يا حبيبتي عبد الرحمن جاي وعايز يقدم الفرح انت ايه رأيك
حياة: فضلت ساكته
ثريا:ها يا بنتي
حياة:قوليله لسه هتفكر القرار ده مش سهل يا أمي
ثريا:تمام يا حبيبتي
وتطلع ثريا تخبر والدها برأيها
____
ومحمد بره يجي اسر ويقعد مع عبدالرحمن
اسر: اخبارك ايه يا باشا
عبدالرحمن: الحمدلله وانت
اسر: الحمدلله في نعمة ما هما سيببنك كده لوحدك ليه
عبدالرحمن: طلب من عمي ان يشوف رأي حياة في ان نقدم الفرح وبيشوف رأيها
اسر : وانت مستعجل ليه كده
عبدالرحمن: اكيد انت عارف يعني وانت شاب زي مش بعرف اكلمها كويس وافتكر في نفسه انهم اتكلموا في حاجات كتير مش عايز اغضب ربنا الضوابط صعبة جداً طبعاً بتبقي خايف لسانك يقول حاجه تغضب الله
اسر بابتسامة:انا كدة اطمنت علي اختي معاك
لسه عبدالرحمن هيرد يدخل محمد
اسر:ها يا بابا حياة قالت ايه
محمد :  بتقول هتفكر لسه وترد
أسر : تمام بإذن الله خير
ويمشي عبدالرحمن من غير ما يشوف حياة
بعد ما مشي دخل اسر لحياة
اسر :كتكوتي سرحان في ايه
حياة:تعالي يا حبيبي
اسر: ها مالك يا ستي
حياة: عبدالرحمن عايز يقدم الفرح بس انا متردده لسة
اسر:ليه تترددي انت تصلي العشاء وتصلي استخارة علطول ولعله خير باذن الله
حياة: انت كمان علقت معاك لعله خير من سلمي
اسر:سلمي حكتلي القصة دي جميله جدا اكيد حكتهالك
حياة هزت رأسها بايوه
اسر:القصه دي بتعلمني ازاي نثق في ربنا ويبقي عندنا يقين ان كل حاجه بتحصل معانا خير لينا احنا سيدنا يوسف واللي حصل معاه إخواته حطوه في غيبات الجب ودخل السجن وبعد ده كله يبقي عزيز مصر ربنا بس لازم احنا يبقي عندنا يقين ان ربنا هيعوضنا في قصة لواحد من التابعين اسمه حاتم الاصم كان عنده تسعة أولاد ونفسه يحج ومكنش معاه فلوس غير فلوس الحج فجمع أولاده وقال لهم اني نفسي احج فأخذ رأيهم
فقالوا ومن يوم علي شؤننا !؟
وكانت اصغر بناته عندها تسعة او عشرة سنين باختلاف الروايات (قالت اذهب يا أبي فأنت لست برازق) يعني مش انت اللي بترزق
اخذ بكلامها واتجه الي الحج جه اخر النهار مفيش حاجه في بيتهم غير المياه
طبعاً اخواتها شددو عليها انتي السبب انتي اللي خلتيه يروح الحج
قالت(ان الله هو الرزاق ذو القوة المتين)واخذت تبكي وتدعوا الله عز وجل
لحظات والباب طرق
...:اعندكم طعام
فقالت زوجته : والله ما عنده غيره   فشرب
فالرجل قال بيت من هذا
قالت:حاتم الاصم
قال:العالم الذاهد
قالوا:بلي
قال:واين هو
قالوا: ذهب للحج
     اللي كان بيخبط ده الامير
وربنا قدر انه يخرج يتفقد الرعية ويقف عن بيت حاتم الاصم وبيته كان على الطريق يعطش يخبط علي الباب تخرج زوجته يشرب يخرج صرة فيها دنانير من ذهب قيل إنها الف دينار ويلقيها في البيت وقال من (احب الامير فالعمل كما فعل ) فكل اللي وراه من الجنود  الحرس عملوا زي الامير لحد بيته مكنوش عارفين يقفلوا الباب من الفلوس اللي موجوده.🥺
فدخلوا عن اختهم فرحانين جاء المدد ..جاء المدد
فهي تبكي اكثر
فقالوا لها انتي فيه بتبكي مفيش بتبكي
قالت(نظر المخلوق إلينا فغنينا فكيف لو نظر الخالق إلينا )
اسر:انتي ادعي بس ما عليكي غير الدعاء ييقين في كل تمورك وربنا هيدبرها انه يمهل ولا يهمل
حياة: ونعم بالله قصة جميلة جداً اتمتي يبقي عندي نص اليقين بتاعها ده
أسر: بإذن الله مع الوقت كل حاجه بتتصلح ولدم انتي بتجاهدي الحاجه دي اعرفي انك هتوصلي .
حياة:شكر ليك بجد يا اسر كلامك ريحني
اسر:اي خدمة يا بيبي
حياة:قوم اطلع بره يا اسر
اسر:😂 طالع اصلا جاي من الشغل هموت من التعب
حياة:بعد الشر عليك
اسر:عمر الموت ما كان شر انا همشي وانتي متنسيش تصلي استخارة صلي استخارة في كل حاجه مثل رسول الله صلى الله عليه وسلم
حياة: عليه افضل الصلاة والسلام
ويمشي اسر وحياة فعلا حست براحة بعد كلامه هي عايزه عبدالرحمن بس خايفه في نفس الوقت من المستقبل وفعلا مفيش احسن من الاستخارة
______
بعد كذا يوم تخبر حياة والدتها بالموافقة وكانت فعلا سعيدة ان هيبقي حلالها ولما فكرت اكتر عرفت هو عمل كده ليه
تاني يوم جه عبدالرحمن عشان يحدد معاد الفرح مع والدها واتفقوا انه يكون بعد شهر تكون كل حاجه جهزت وكتب الكتاب قبليه باسبوع .
وتمر الاحداث وكل واحد عايش في حياته اسر وسلمي بيدعوا ان ربنا يرزقهم بطفل ولكن حامدين الله
عبدالرحمن وحياة كل واحد مشغول بتجهزاته وعبدالرحمن مش بيكلمها غير واهلها معاها ومن علي تلفون والدها .
ولكن حصل مشكلة بين حياة واهلها
حياة:انا مش جايبة غير كده ومش عايزة اي زياده
محمد :طيب يا بنتي اهدي ما كله بيتجوز كده
حياة:كله بس انا بقي لا لا ده اسمه تبذير اروح اجيب كل الحاجات دي ليه عشان الناس تقول دي العروسه جايبه وجايبه لا انا عايزه ارضي ربي بس ربنا سبحانه وتعالى قال (إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا )الاسراء ٢٧)
اروح اجيب نيش طويل عريض ليه يسوي الاف ونفس الوقت في ناس مش لايقه حتي تاكل ايام الرسول مكنش فيه كده ولا كان في ان امشي علي الموضة والبس مركات عشان الناس بردو تقول .
واخر كلام عندي بردو انا مش جايية الحاجات الزياده دي كويس اول 30 فوطه وزياده كمان ،و20ميلايه ولو احتجت حاجه هبقي اجيبها ايه الحكمة من ان البنت مش بتاخد حاجه من بيت اهلها غير الحاجات دي مع ان خدت كتير مين مربيها من صغرها وعلمها وجهزها برضوا حاجه في العقل مش يبقي ابويا مش عنده حاجه واخد كل اللي حلته عشان ارضي الناس والناس تقول دي بنت فلان جابت كذا وكذا ليه كل حاجه متبقاش بالعدل
دخل عليهم اسر وسلمي
اسر: مالكم في ايه
محمد: الاخت بتقول مش عايزه تجيب غير حاجات صغيره في النيش ومش عارفه ايه عشان ده تبذير
اسر: انتي طلبتي كده فعلا يا حياة
حياة:ايوه
اسر:عين العقل والله انتي كده بقي بجد اتغيرتي
راحت حياة حضناها علطول
محمد :اشتكيكم لمين وبعدين ازاي اعمل كده من غير ما عبدالرحمن يعرف وامه
اسر:خلاص يا باب رن عليه خليه يجي النهارده هو ووالدته وكده اكيد احسن وانت عارف ان كل اللي بيحصل ده اسمه تبذير
محمد :امر لله من قبل ومن بعد حاضر حااضر هكلمه لعلي اخلص منكم ودخل عشان يكلمه.
حياة:بس افرض رفضوا
اسر: هو ما شاء الله عبدالرحمن ملتزم واكيد مش هيعارض ولا عرضوا في حاجه اكيد هنوصل لحل وسط
حياة: إن شاء الله
(لو تلحظوا يعني ان سلمي متكلمتش خالص لان هي فعلا ملهاش تدخل غير لو حد وجه ليها الكلام 👌)
_____
فعلا عبدالرحمن جه هو ووالدته وكان قلقان جدا
بعد الترحاب
عبدالرحمن:خير يا عمي في ايه
محمد وجه نظره لاسر عشان يتكلم هو
اسر: بص يا سيدي حياة مش راضيه تجيب اي حاجه غير في المعقول
عبدالرحمن: مش فاهم حاجه ايه
اسر:زي النيش والحاجات دي
عبدالرحمن:انا لو عليه مش عايز والله نيش خالص لان ده تبذير
محمد : نفس الدماغ سبحان الله
عبدالرحمن: لازم كلنا كامسلمين نبقي كده مش كل همنا يبقي المنظرة قدام الناس وخلاص وربنا قال (إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا)
محمد: تمام انا معنديش مانع انا قولت اقولكم بس عشان يبقي عندكم علم
رانيا (والدة عبدالرحمن) ازاي يعني هتجيب حاجات صغيره شقة ابني كبيرة يعني نسيب فيها يعني حاجات فاضيه الناس تقول ايه يعني مينفعش الكلام ده فرح اسلامي وقولت ماشي لكن كمان مفيش حاجات زياده يبقي كده بقي اسمه تعقيد جامد
عبدالرحمن :امي بعد اذنك انا هفهمك في البيت ممكن
رانيا :بصيت ليه بغيظ وسكتت
عبدالرحمن :عمي ممكن اقعد شوية مع حياة
محمد :تمام قوليلها يا ثريا
ثريا:حاضر
____
ثريا : حياة تعالي اطلعي عبدالرحمن عايز يقعد معاكي
حياة:يبقي اكيد مش وافق
ثريا: لا وافق ويلا
حياة:بفرحة الحمدلله يارب وطلعت سلمت علي ليلي وحست انها مش طيقاها وبعدين راحت لعبد الرحمن في الصالون لوحدهم كانوا شيفنهم بس مش سمعين حاجه .
اول ما دخلت حياة وكان وجهها شديد الحمرة من الخجل
جلست علي كرسي جنبه
عبدالرحمن:احم اخبارك ايه
حياة: الحمدلله بخير
وفضلوا ساكتين شويه
عبدالرحمن: فرحت بانك عملتي كده
حياة: يعني كده خلاص كل حاجه انحلت
عبدالرحمن: ايوه الحمدلله امي بس هي اللي لسه بس باذن الله اما نروح هقنعها
حياة:هي معارضه في ايه
عبدالرحمن: شايفه ان الشقة كبيرة وكده هتبقي فاضيه
حياة:لا انتم فاهمين غلط يعني انتم هتروحوا ان شاء الله تجيبوا الخشب تقريبا بكره مش طالبه غير نيش صغير بس وحتي لو كبير الحاجات اللي هجبها هتاخد لان لو لاحظت بتلاقي النيش بتاع التانين بيبقي فوق بعضه انا بقي هجيب حاجات تبقي مرتاحه يعني مفيش حاجه هتبقي فاضيه بإذن الله هجيب كل حاجه بس بالعقل يعني مثلا مروحش اجيب طقم كاسات بالف ونص ليه يعني مش ده تبذير بذمتك
عبدالرحمن بضحك :حصل
حياة: بتضحك علي ايه
عبدالرحمن: مفيش والله بجد مبسوط منك بقيتي في فترة صغيره جدا ممكن احسن مني أنا كمان
حياة: اكيد يعني مش وصلت ليك بس بقيت وبفضل الله كل ما اعرف حاجه اعملها علطول مش بستني يعني مثلا في ايه في سورة ال عمران (لَن تَنَالُواْ ٱلۡبِرَّ حَتَّىٰ تُنفِقُواْ مِمَّا تُحِبُّونَۚ وَمَا تُنفِقُواْ مِن شَيۡءٖ فَإِنَّ ٱللَّهَ بِهِۦ عَلِيمٞ )92) يعني ان مش هدرك الجنة غير لما انفق من اللي انا بحبه حتي لو الحاجه دي صغيرة حتي  بقيت بعمل كده في كل حاجه في حياتي يعني لو بحب الحاجة دي جدا بديها لاي حد حتي الاكل لو حبيت حاجه بديها لامي مثلا وكذلك والحمدلله
عبدالرحمن بابتسامة: ربنا يثبتك يارب
حياة :اللهم امين وإياك
حياة بعد سكوت وتردد
حياة: عبدالرحمن انا اسفه لا انا اللي بدأت يعني ابعت رسايل و
قطعها عبدالرحمن اللي حصل حصل المهم اننا اتعلمنا من خطأنا وان مش نسمح الشيطان يمهد لينا الحاجة الاول بيدأها صغيرة ومعلومات في الدين بس مش بنبقي حاسين انه بيستتدرجني علي الطريقه دي والحمدلله انا احنا فهمنا كده اكيد هنتعلم الدرس ده في حاجات تانيه كتير في حياتنا
حياة : معاك حق
واتكلموا شويه وبعدين عبدالرحمن اخذ مامته ومشيوا وخلال الطريق بس كان اقنعها برأي حياة بطريقته الهادئة في التعامل (عمر العصبية والصوت العالي ما هتحل حاجه كل حاجه براحه وبالهداوة بتيجي مع الوقت بلاش نتكلم مع الشخص وهو عصبي نستني لما يهدي شويه وبعدين نكلمة )
ونكمل الفصل الجاي ان شاء الله 🤍
#خلود_سمير