حياة من بعد غفلة

الفصل الخامس

(حياة من بعد غفلة)♥️
وقفنا لما العريس وصل
يفتح اسر الباب ووالده
عبدالرحمن: السلام عليكم ورحمة الله وبركاته
اسر ومحمد: وعليكم السلام ورحمة الله وبركاته
محمد: اتفضل يا بني اتفضل نورت
عبدالرحمن: دي نورك يا عمي
محمد: اتفضلي يا حجه ادخلي
يدخلوا يقعدوا ويتعرفوا علي بعض
((عبدالرحمن: شاب ملتزم بدرجه كبيره بفضل الله، عنده لحيه بسيطه، ذات عيون سوداء وبشره قمحيه، طويل، جسده رياضي مش رفيع ولا ثمين لا يملك سو والدته بعد وفاة والده وهو صغير هي ربته واعتنت به حتي اصبح راجل وهو من يرعاها))
رانيا (والده عبدالرحمن) ما فين عروستنا
محمد: نادي حياه يا صفاء
صفاء:حاضر يا حج
صفاء تخبط وتدخل يلا يا حياه يا حبيبتي
حياه ساكته ومش بتتحرك
سلمي:تهزها يلا يا حياه اطلعي مع ماما يا حببتي اتوكلي علي الله.
وتطلع حياه والدموع في عينها،فهي مازلت لا تنسي خالد،تفتكر نفس اليوم ده مع خالد كانت اسعد واحده في الدنيا،اما الان... فهي اتعس واحده في الدنيا،ولاكن لا بيدها شئ تفعله.
رانيا اول ما تراها:اللهم بارك، تعالي يا حبيبتي وتسلم عليها حياه وتجلس جنب والدها.
بعد شويه من التعارف
محمد:طيب يلا يا جامعه نسيبهم يتكلوا مع بعض شويه
وفعلا الكل يبدأ يطلع
أسر قبل ما بطلع يهمس في ودنها ويمسك يدها اطمني يا حبيبتي انا معاكي مفيش حد هيغصبك على حاجه،ويضغط علي ايدها يطمنها
وكأن كلام اسر هو رساله من ربنا،هديت شويه، فاقت من تفكرها لقت كله طلع وهي وهو بس في الاوضه ولكن رأت اسر يقعد قريبا منهم في الخارج.
عبدالرحمن:احم اذيك يا انسه حياة
حياه: الحمدلله
عبدالرحمن  :طيب هتكلم عن نفسي انا عبدالرحمن مصطفى،عندي 29 سنة،دكتور أسنان، الحمدلله ملتزم بالدين،ونفسي تبقي حياتي كلها علي طاعه الله،واربي أولادي علي كتاب الله وسنة رسوله
حياه:ارتاحت لكلامه متعرفش ازاي بس حست براحه غريبه جات مره واحده لما اتكلم
حياه:احم هتكلم معاك بصراحه انا ممكن مش ملتزمه زيك بس بحاول اسر بيساعدني في كده، لسه علي أول الطريق يعني.
عبدالرحمن:ممكن اسالك سؤال
حياه:اتفضل
عبدالرحمن:ليه حاسك من وقت ما دخلتي حزينه،لو غصبينك او مش عجبك ممكن اخلي الرفض من عندي أنا.
حياه:تبصله باستغراب وكأن خلاص هو موافق عليها
عبدالرحمن:متبصليش كده،انا مصلي استخاره قبل ما اجي كذا مره وحسيت براحه من اول مره،حتي دلوقتي مرتاح وانا بتكلم معاكي.
حياه: تبصله تاني انت ازاي عرفت ان بفكر في كده
عبدالرحمن:تقدري تقولي بعرف اغلب الاوقات الشخص اللي قدامي بيفكر في ايه،ومش دايما صح علي فكره،ساعات ببقي غلط
حياه:تمام.
عبدالرحمن:معرفتش ردك انتي مغصوبه عليه
حياه:متعرفش ازاي قالت لا مش مغصوبه ولا حاجه
بعد ما قالت كده فضلت تشتم في نفسها وانها ليه مقلتش ايوه مغصوبه ومش عايزة اتجوز
عبدالرحمن: لسه هيتكلم تقاطعه حياة
حياة:بس في حاجه عايزه اقولها،انا كان مكتوب كتابي من فتره و..و
عبدالرحمن:متكمليش انا عارف،الله يرحمه
حياة:تمام
عبدالرحمن: عندك اي اسئله تانيه
حياة: لا
عبدالرحمن: تمام، وينادي علي والدها ويتكلموا شويه وبعدين يستأذن ويمشي.
ــ ــ
اسر: ها يا حبيبتي ايه الاخبار
حياه: والله يا اسر هو شكله كويس، حسيته شبهك، ممكن من حبي ليك ربنا بعتلي واحد شبهك
اسر: ربنا يبارك فيكي يارب يا حبيبتي، وانا والله بحبك اكتر، بس افهم من كده انك موافقه
حياة:بخجل هصلي استخاره وهرد عليك ان شاء الله
اسر: تمام يا حبيبتي.
بعد 3 أيام
سلمي تتكلم مع حياة
سلمي: ها يستي موافقه بقالي يومين كل يوم علي نفس السؤال وانتي لسه بتقولي بصلي استخاره
حياة: أله مش بتأكد يا بنتي
سلمي: ماشي يختي موافقه يعني ولا ايه.
حياه: بصي يا سلمي انا خايفه او متوتره مش عارفه احدد انا موافقه ولا لا شويه اقول اه وشويه اقول لا خايفه من اللي جاي فهماني.
سلمي: فهماكي يا حبيبتي انتي خايفه من الحياة الجايه خايفه من المجهول لسه بس انتي صليتى استخاره وقولتي انك مرتاحه تبقي فعلا مرتاحه بس خايفه بس شويه وده بيحصل مع كتير،بس انتي لو مرتاحه ولو شويه يبقي ارضي بالربنا كاتبه ليكي،وخلي عندك ثقه في الله وتوكلي عليه
حياه:ونعم بالله،ربنا يبارك فيكي وميحرمنيش منك ابدا ،دايما بطمنيني.
سلمي:وفيكي يارب،ده بفضل الله انا مش بقول حاجه من عندي، ها موافقه ولا ايه اخر كلام
حياه:احم ايوه موافقه
سلمي: بتتكلمي بجد والله
حياه: اه والله
سلمي: بفرحه اخيرا يا حياه، ربنا يسعدك يا حبيبتي يارب، ويكون زوج صالح ليكي يارب
حياه: امين يارب
تطلع سلمي تبلغهم والكل يفرح
ويبلغ محمد عبدالرحمن بالموافقه ويطلب عبدالرحمن انهم يجوا يتفقوا علي كل حاجه تاني يوم.
____________
عند سلمي واسر
سلمي: مالك يا حبيبي
اسر: مفيش يا حبيبتي بس قلقان شويه علي حياة، خايف تكون بتعمل كده عشان تراضينا وخلاص.
سلمي: لا متقلقش حياه فرحانه بيه جدا، ومن يوم ما عبدالرحمن جه مفيش دمعه ليها نزلت ولا حتي افتكرت خالد، ومع الوقت كمان هتنساه ان شاء الله، وعبدالرحمن ما شاء الله عليه، حلو وامور ومتعلم ومتدين وعيشته حلوه الحمدلله.
اسر: اممم وإيه كمان
سلمي: تلاحظ شكله اللي باين عليه الغيره تضحك بصوت عالي
اسر: بتضحكي، والله يا سلمي اسمعك تاني جايبه اسم راجل تاني علي لسانك ده متعرفيش ايه هيحصلك
سلمي: بضحك خلاص خلاص اسفين يا باشا، وبعدين انت احلي واحد شفته  عيوني اصلا
اسر: بعد ايه مش كان حلو وامور
سلمي: حصل، بس انت مفيش احلي منك في نظري كفايه حنيتك وطبتك وجدعنتك و كل حاجه فيك حلوه، ساعات بحس ان مفيش فيك ولا عيب من كتير ما انا بحب كل حاجة بتعملها، ولو فيك عيوب حتي في أنا حباها كلها.
اسر بحب ربنا يباركلي فيكي يارب يا حبيبتي ويبارك فيكي يارب، وانا بقي بحب فيكي كل حاجه عيوبك قبل اي حاجه فيكي حلوه، انتى اول حب في حياتي واخر واحده في حياتي.
ونسيبهم بقي مع بعض شويه
يا تري حياة فعلا سعيده 🤔 ده اللي هنعرفه المره الجايه ان شاء الله ❤️
#خلود_سمير