حياة من بعد غفلة

الفصل الثاني❤️

(حياة من بعد غفلة)
اسر يكلم والد سلمي
محمود (والد سلمي) السلام عليكم ورحمة الله وبركاته
اسر: وعليكم السلام ورحمة الله وبركاته
محمود: ايوه مين معايا
اسر: انا أسر زميل سلمي في الشغل
محمود بقلق: هي كويسه حصلها حاجه يبني
اسر: لا ابدا هي كويسه بس كنت عايز احدد مع حضرتك ميعاد
محمود: ميعاد! بخصوص ايه
اسر: احم كنت طالب من حضرتك ايد الانسه سلمي
محمود ينصدم: احم بعتذر منك يبني بس سلمي مخطوبه..
تقع الصدمه علي اسر جعلت عينه تدمع
اسر بصوت حزين: احم بعتذر من حضرتك مكنتش اعرف في حفظ الله
محمود: في حفظ الله
محمود بعد ما قفل معاه شكلك محترم يا ببني وبتحبها بجد... يرفع يده للسماء يارب.. انا مش عايز حاجه غير تكون بنتي مبسوطه انا مليش حد غيرها من بعد والدتها الله يرحمها ياارب.
ــ
اما عند اسر: كان شبه متحطم دخل اوضته في المستشفى وفضل يبكي... يارب ممكن اكون غلط عشان شوفتها من الاول بس والله كان غصب عني اغض بصري..
يارب دي انا اول مره احب... اول مره احس يعني ايه حب اصلا..
ياريتك ما ظهرتي في حياتي يا سلمي
ولكن يرجع ويقول وهي ذنبها ايه انا الغلطان يارب لو هتكون سعيده معاه اكتر مني كملها علي خير واصلح حالها.. ويقوم يتوضي ويصلي ركعتين لله ياخد بهم قوه ويقوم يكمل شغله.
تقابله سلمي وهو ماشي ولكن ولاول مره يتجاهلها نهائي ولا كان حد كان ماشي
ولكن قلبه كان يتمزق من الوجع.
سلمي في نفسها اول مره يمشي كده من غير ولا كلمه ولا حتي يرفع عينه.
بعد مرور ساعتين
ينتهي عمل المستشفى ويذهب كل واحد لبيته
تذهب سلمي لبيتها واول ما تدخل تسلم علي والدها.. ولاكن تلاحظ ان فيه شيء
سلمي: مالك يا بابا انت كويس
محمود: ايوه الحمدلله كويس يا بنتي
سلمي: لا دي انت شكلك مضايق.. قولي مالك
محمود: انتي هتفضلي لحد امته يا حبيبتي بتخرجي من غير الدبله في ايدك
سلمي: ليه يا بابا بتقول كده دلوقتي.. ما انت عارف اني ايدي بتتعب منها.. ومش برتاح فيها
محمود: طيب شوفي حل يا حبيبتي
سلمي: بابا احكيلي ايه حصل
محمود: في واحد اتصل بيه النهارده وكان عايز يتقدملك بيقول زميلك حسيت لما قولتله كسرت نفسه بقي صوته حزين.. مع اني معرفتش حتي اسمه بس ارتحت ليه وزعلت علي زعله.
سلمي: واحد متقدم.. اول ما تفكتر اسر تتاكد انه هو.. تقع عليها الصدمه كالصاعقه.. وتتجمع دموع في عينها
طيب انا هقوم اغير عشان احضر الاكل وان شاء الله هلاقي حل.
محمود:ماشي يا بنتي
تدخل سلمي اوضتها تفضل تبكي...ليه يا اسر..ليه حبتني...ليه...يارب انزع حبي من قلبه.
يرن عليها ادهم خطيبها
تطلع تقف برن عشان تكون قدام والدها
ادهم:السلام عليكم
سلمي:وعليكم السلام ورحمة الله وبركاته
ادهم: اخبارك يا حبيبتي
سلمي: وبعدين معاك يا ادهم هو كل اسبوع لازم كده كام مره قولتك مينفعش كده..واحترم حتي ان بابا بيكون واقف معايا
ادهم بتأفف طيب ما الغلط عليكي طالعه ليه انتي من اوضتك..خطيبتي وليه حق اكلمك
سلمي: ايوه ليك حق تكلمني ولكن لحضور بابا طبعا..انا وانت لسه مفيش بنا حاجه عشان تقولي الكلام ده..
ادهم: ماشي يا سلمي اما نشوف هفضل كده لحد امته..انا عشان بحبك صابر عليكي بس
الكلمه دي تحس سلمي ان خنقاها.. ايوه ده ادهم صديق الطفوله..ولكن من وقت دخول اسر في حياتها وهي تاكدت بأنها لا تحبه
سلمي:سلام يا ادهم
ادهم:سلام
محمود: يا سلمي انا قولتلك الف مره لو مش مرتاحه ابعدي يا بنتي
سلمي:شكل فعلا ده يا بابا اللي هيحصل..انا عايزه واحده ياخد بأيدي للجنة بس ادهم انا حاولت معاه كتير وصبرت بس مفيش فايده وانا خلاص تعبت
محمود بخبث واهو الشاب اللي اتكلم ده لسه موجود
سلمي: اسر
محمود:وانتي عرفتي ان اسمه اسر منين
سلمي:واخدت بالها..اصل..اصل اخد رقمك النهارده مني فاكيد هو اللي كلمك
محمود:ماشي ربنا يقدم اللي فيه الخير..ويتاكد الاب ان ابنته تحبه.
ــــــ
اما اسر يروح انسان متحطم..اين اسر اللي دايما الضحكه علي وجهه.. لا يستطيع ان يتخيل انها تكون مع غيره
صفاء: تعالي يا حبيبي انت جيت
اسر:نعم يا ماما
صفاء:بقلق علي ابنها مالك يا حبيبي
اسر:مفيش حاجه تعب من الشغل بس هدخل انام شويه
صفاء: طيب مش هتاكل يا حبيبي
اسر: لا مليش نفس عايز انام بس
صفاء: ماشي يا حبيبي.
يدخل اسر اوضته يرمي نفسه علي السرير ويضع يديه علي وجهه
تدخل عليه حياه
حياه:احم احم عرفت ان في ناس جايه مش مظبوطه كده
اسر:نعم يا حياه
حياه:يلا نتغدا
اسر:لا مليش نفس بالهنا والشفا انتم
حياه:مالك يا اسر
اسر:مفيش يا حبيبتي تعبان بس شويه من الشغل وانتي عارفه المناظر اللي بنشوفها في المستشفى
حياه:ربنا يكون في عونكم يارب
اسر: شايفك طلعتي من اوضتك اهه يا ست بقيتي احسن
حياه:هذا من فضلك ربنا يخليك ليا يارب
اسر:ويخليكي ليا يارب
حياه:طيب نام انت وانا هطلع
اسر:ماشي
ــــــــ
تاني يذهب اسر المستشفى تراه سلمي ولكن لم يكن نفسه اسر
تحزن عليه
ويبقوا علي هذا حال حياه تحاول ان تخرج من حزنها وتقرب اكتر من الله وتنسي خالد
اسر يحاول ان ينسي سلمي ولاكن لا يستطيع
سلمي حزينه وتعترف لنفسها بانها تحب اسر بل تعشقه
ــــــــــ
بعد مرور فتره
اسر في المستشفى يسمع صوت سلمي تزعق مع حد
يطلع سريعا
يلاقي شاب يمسك ايد سلمي
سلمي: ادهم عيب كده سيب ايدي قولتلك الف مره ملكش انك تلمسني حتي
ادهم: ايه التعقيد ده يا سلمي ووطي صوتك، وانا قولتلك الف مره انتي خطيبتي عادي اما امسك ايدك يعني ما كله بيعمل كده.
سلمي: تمام يا ادهم انا شايفه ان مفيش منك فايده ومش هتتغير فاحسن كل واحد يروح لحاله.
ادهم بغضب: يعني انتي شايفه كده
سلمي: ايوه
ادهم: تمام يا سلمي اللي تشوفيه ويمشي ادهم
كل هذا واسر واقف لم يدري بفرح ام يحزن
تراه سلمي وهو واقف تنظر اليه وكانها تقول له انا الان واخيرا اصبحت حره.
ينظر لها اسر ويمشي بدون ولا كلمه
يدخل اسر غرفة مكتبه
اخيرا يارب، باذن الله مش هسيبك تضيعي مني تاني
ــــ
يذهب اسر بيته ولكن اسر القديم هو من رجع ليس اسر الحزين دائماً ويصلي لله ركعتين شكر بان اصبح في فرصه ان تصبح له. ويصلي استخاره حتي يكلم والدها مره تانيه. وينام
_ _ _ _ _ _
عند سلمي تحكي اللي حصل لوالدها
محمود: يلا الحمدلله يا سلمي متزعليش يا حبيبتي
سلمي: تعرف يا بابا انا اول مره احس النهارده اني مرتاحه وسعيده، ادهم مكنش شبهي، مش متدين كان هيرجعني ورا مش هيطلعني قدام مش هياخد بايدي للجنه.
محمود: ربنا يسعدك دايما يا بنتي.
سلمي: امين يارب، هروح احضرك بقي اكله حلوه بمناسبه اني فسخت خطوبتي 😂
محمود: ربنا يهديكي يا بنتي يارب
________
يعدي كذا يوم يتصل اسر بوالد سلمي مره تانيه ويفرح الاب اكتر من اسر لأنه احب هذا الشاب من قبل ان يراه ،ويحدد معاه ميعاد حتي يذهب اليه.
وبالفعل يقول اسر لوالده ويذهب هو ووالده والدته وحياه
#خلود_سمير
___________