انتى فاهمه بتقولى ايه؟
فاهمه يا يونس
اشمعنا بعد كتب الكتاب يا لبنى انتى دلوقتى مراتى شرعا
هتبقى مطلقه انتى اكيد جرا فى مخك حاجه
لا مجراليش يا يونس بس تقدر تقول فوقت
مش انا اللى اسمعك بودانى بتكلم حبيبتك القديمه و تقول اه مش بحبها و لا عمرى هحبها بس مش هرجعلك
انا عارفه الكلام ده مش هنكر
بس ان انا اسمعك بتقولها الكلام ده و ليها بالذات و تخلى واحده رخيصه زى دى تيجى تسمعنى كلام عن جوزى و مقدرش ارد و ده بسببك
لبنى صدقينى ده مكنش قصدى انا
لبنى بدموع مش مهم قصدك ايه
لبنى بلاش عشانى استنى عشان مامتك عشانك طالبه الطلاق قبل فرحنا بشهرين عارفه الناس ممكن تقول عليكى ايه
لو خايف عليا يا ابن خالى انا مش هعنس من بعدك و لا اسم المطلقه هيلزق فيا زى ما فى ناس لا بتحبنى و لا عمرها هتحبنى فى ناس بتحبنى
شد على يدها بقوه و عينيه تنظر بغضب عاصف لم تدركه
قصدك ايه
سحبت ذراعها من بين يديه و هى تناظره بتحدى
خالد ابن عمى
عارف اتقدملى كام مرة ؟
عارف كميه الرسايل اللى بتبعت على ال other كل يوم
سمعت الفويس اللى بيبكى فيه يوم كتب كتابنا
و سبحان الله اخترتك انت مش بقولك فوقت
شعرت بذراعها تثنى الى الخلف بقوه و هى ترتطم بصدره الصلب
انتى شكلك اتجنينتى على الاخر
مفيش حاجه اسمها طلاق يا لبنى و اعلى ما فى خيلك اركبيه
تلفونك فين؟
قولت فين بدل ما صوتى يعلى اكتر و ازعلك
تحدثت بخوف و قد انتزعت رداء الشجاعه الرقيق لتظهر طبيعتها الهشه
فى الشنطه
ابتعد لتراه يفرغ جميع محتويات حقيبتها ارضا و هى انزوت فى احد جوانب غرفتها
اتسعت عينيها و هى تراه يحطم هاتفه يقسم الى نصفين و يدهسه ارضا بقوه ثم انتشل شريحه الهاتف من الحطام
استمعت إلى صوت امها تنادى لتطمئن عليهم
احنا كويسين يا عمتى متقلقيش
ماشى يا بنى انا بطمن بس احسن كان فى دوشه او حاجه بتتكسر
لا يا ست الكل الصوت من بره
استمعت الى خطوات امها تبتعد تتركها مع هذا الوحش الغاضب
بصى يا عروستى يا قمر الفرح فى معاده و اللى فى دماغك ده لو ما اتشلش هكسرهالك فاهمههه؟
لبنى بخوف و دموعها تغطى وجهها بغزارة
و قد بدأ جسدها الضئيل بالارتجاف
لا مش فاهمه و لا عمرى هفهم
من حقى اتجوز واحد يحبنى و احبه اعيش معاه حياتى و انا واثقه ان انا لوحدى اللى فى قلبه
و لو حتى اضطريت ان انا اشيل حبك من قلبى من جذوره هعملها
أنت تقرأ
اسكريبتات Zeze Alshimy
Romanceهو و هى متنافران متباعدان مختلفان و لكن معا شعرا بالاكتمال من ترك و هرب من باعدهما القدر من لم يعرف حبيبه من ضل طريقه فهل يجتمعان؟ و الان لنحلق بين هذان الضميران❤
