Back to Seoul

Episode 7.0 🖤

Chapter : Back to evangrade
                   - Don't be afraid of me

** Jimin's view **

හැමදේම විනාශ වෙන්න ගියේ එක තත්පරයක් විතරයි. මට එවන්ග්‍රේඩ් වලදී හම්බ වුණු හැමෝම, වැඩියෙන්ම මාව විශ්වාස කරපු හෙවන්ට, ජොන්ග්කුක්ට මගේ රහස එළි වුණා. අනිත් අය වගේම ආයේ කවදාවත් එයාල මට ලං වෙන එකක් නෑ..අපේ යාලුකම පටන් ගන්න තැනම නතර වෙලා.. මම ඇත්තටම එයාලව මරන්න හැදුව ද..
මට කොහොමද අමතක වුණේ පුර හඳ දවස ගැන.. හැමදේම ඉවරයි.. මම ඇදෙන් බැස්සෙ මූසල හැගීමකින්.. ඇදගෙන හිටපු ඇදුම මඩ වලිනුයි ලේ වලිනුයි ජරා වෙලා. දෙතුන් තැනක්ම හොඳටම ඉරිලා ගිහින්..
' ජින් තාම එවන්ග්‍රේඩ් වල එයා මේවා දැන ගත්තොත් මොනවා වෙයි ද දන්නේ නෑ..'
මොකක්දෝ හේතුවකට මට එක පාරටම ඔලුවට ආවේ ලියා ව.. ' ලියා.. ' එයත් ඊයේ රෑ එතන හිටිය වගේ මතකයි. එ්ත් කොහොමද.. නැහැ ඒක වෙන්න බැහැ.

මම ලෑස්ති වෙලා එලියට බැස්සේ කිසිම උනන්දුවක් නැතුව.. ' මම එයාලට එතනින් යන්න කියලා ගියා. ඒත් මම හිතන්නෙ එයාල හැමදේම දකින්න ඇති..හැම පාරම වගේ කිසිම දෙයක් මතක නැහැ.. අාහ් මගේ ඔළුවම අවුල් වෙලා..' මම පයින්ම කැලේ දිහාවට යන්න පටන් ගත්තා. පුදුමෙකට වගේ මම උදේම බලාපොරොත්තු නොවුන කෙනෙක් මගේ ඉස්සරහින් ඇවිදගෙන යනවා. එ් ලියා.. එයා වටේම තිබුණු කඩවල් වල අයත් එක්ක, පාරේදී මුණ ගැහෙන හැමෝමත් එක්ක ගොඩක් සැහැල්ලූවෙන් හිනා වෙලා කතා කරන විදිහ මම දුර තියාම දැක්ක.. එයත් යන්නේ එවන්ග්‍රේඩ් වලට වෙන්න ඇති.. අපි දෙන්නටම එකට යන්න පුළුවන් වෙයි..

" ලියා.." මම එයාට ඇහෙන්න ටිකක් හයියෙන් කෑගැහුව. ඒත් මගේ කටහඬ ඇහුන ගමන් එයා දුවන්න පටන් ගත්තා.. අැයි මේ.. එයාට මොනවා වෙලාද.. මම පුලුවන් තරම් ඉක්මනට එතනට ගිහින් පාර හරස් කරලා හිට ගත්තම එයා තවත් සුදුමැලි පාටට හැරුණ..මොකක් හරි දේකට මෙයා සෑහෙන්න බය වෙලා වගේ.. ඒත් අැයි..

" ම.. ම.. මම කා.. කාටවත් එ් ගැන ක්.. කියන්නෙ නෑ.. යන්න දෙන්න.." ලියා වෙව්ලන කිව්වේ වෙව්ලන හඬකින්. මොනවා ගැනද.. අාහ්.. එයා බය වුණේ මට ද.. නෑ..ඒක වෙන්න බැහැ.. එයත් හැම දේම දැනගෙනද.. ඇත්තටම මම දැකපු දේ ඇත්තද? එයා කොහොමද එතන හිටියේ..