လွမ်းတယ် လို့ မပြောနိုင်ပေမယ့်လည်း
လွမ်းနေခဲ့မိပါသော အရာအား
" အချစ်ဦး " ဟု သတ်မှတ်နိုင်၏ ။
သိပ်ချစ်ခဲ့ကျပါသော လူသားနှစ်ဦး
ဟာ ဝေးကွာသွားခဲ့ကျပြီဖြစ်ပါသည့် တကယ့်လက်တွေ့ အဖြစ်အပျက်တစ်ခု...... ။
ဒီဘဝဒီမျှမှာ ခွဲခွာခဲ့ကျရရင်တောင်မှ
နောက်သံသယာ ဘဝဆက်တိုင်းမှာတော့
ကလေးငယ် ဆိုတဲ့လူသားလေးတစ်ဦးကို
စောင့်မျှော်နေပေးမယ် မဟုတ်လား ဂျွန် ။
ကလေးငယ်ရဲ့ ရင်ဘတ်လေးအတွင်းတွင်
ပန်းတွေပွင့်လန်းလာခဲ့သည်အထိ ဂျွန့်ဆီက
" ချစ်တယ် " ဆိုတဲ့ စကားလေးကို တစ်ချိန်ချိန်မှာတော့ ကလေးငယ်ဘက်ကတစ်ဝကြီး နားဆင်ခွင့် ရရှိနိုင်လာခဲ့ပါစေသား ။ ။
ဒါဟာ ကျနော့်ရဲ့ဆုတောင်းလေးသာ ။
( အဆုံးမဲ့ခြင်း )
တိတ်ဆိတ်ငြိမ်သက်မှုတွေ ကြီးစိုး
နေခဲ့ပါသော ဂျိမ်းစ်စံအိမ်ကြီး၏ မနက်ခင်းအချိန်အခါ၌ ပက်သခင်လေးတစ်ယောက် သူ့ရဲ့ အခန်းအတွင်းရှိ ကုတင်ခြေရင်းဆီတွင် ကျောမှီကာထိုင်နေခဲ့ပြီး မျက်နှာချင်းဆိုင်က နံရံထက်မှ ပန်းချီကားလေးတစ်ချပ်ကို မှင်သေသေဖြင့် ငေးနေခဲ့မိလေသည် ။
ထိုပန်းချီကားလေးဟာ ဂျွန်ကိုယ်တိုင်
ပက်သခင်လေး၏ ၁၈နှစ်ပြည့်သည့် မွေးနေ့အချိန်အခါတွင် လက်ဆောင်အနေဖြင့် ပေးအပ်ထားခဲ့ပါသော ဂျွန့်ဆီက သူရရှိခဲ့သည့် ပထမဦးဆုံး လက်ဆောင်လေးပင် ။
ဂျွန်နှင့် ပတ်သတ်လာခဲ့လျှင် ဂျွန်ထိတွေ့ကိုင်တွယ်သွားခဲ့ပါသော ပန်းပွင့်လေးတစ်ပွင့်၏ပွင့်ဖက်မှစလို့ သက်မဲ့အရာဝတ္ထုပစ္စည်းလေးများ အဆုံး အရာခပ်သိမ်းကို ပက်သခင်လေးက ပိုင်ဆိုင်လိုစိတ်ရှိသည် ။
ဂျွန့်ရဲ့ အငွေ့အသက်တွေ ပျော်ဝင်နေခဲ့ပါသော အရာတိုင်းအား သူမြတ်နိုးတန်ဖိုးထားသည် ။ ထို့ကြောင့်လည်း ဒီပန်းချီကားလေးဟာ ပက်သခင်လေး၏ အသက်တမျှ အဖိုးတန်လွန်းလှပါသည် ။
ပက်သခင်လေးက ကံကောင်းခဲ့ပါသည် ။
အနည်းဆုံးသော ဂျွန်ကိုယ်တိုင်ထိတွေ့ထားခဲ့ပါသော သက်မဲ့အရာလေးများအား သူဟာ ပိုင်ဆိုင်နိုင်ခဲ့သည် မဟုတ်ပါလား ။
YOU ARE READING
အဆုံးမဲ့ခြင်း (Completed)
Фанфикကံကြမ္မာဆိုတာကို ယုံကြည်လား ။ (Do you believe in destiny? ) ကံၾကမၼာဆိုတာကို ယုံၾကည္လား ။ (Do you believe in destiny?) (UNI CODE + ZAWGYI CODE )
