الحلقة الاخيره ♡♡❤
وصلت رزان لي المكان اللي قال اعليه سيف وكانت حاطه وشاح ع
شعرها ومدرقه بيه وجها وكنت خايفه بس تحاول تخلي روحها قويه عشان حاتم كانت اتزيد اتخاف وقت تتدكر كلام سيف
خشت رزان داخل وكان مكان مهجور بدت تسمع في صوت اورها مشت بتشوف اللقطه قطوسه اصغيره نزلت بتشوفها شافت سيف واقف يشبحلها ويضحك ويصفق بيده زادت رزان غطات وجها وتكلمت:انت شن نوعك من إنسان تخطف ولد صغير
سيف :هههههه وهدا اللي داره راجلك الحقير فيا واجهي اللي اتشوه
رجلي اللي قعدت امعادش نقدر نمشي اعليها كيف قبل هدا شن اتقوليله سكت اشويه وبعدين كمل وهوا راسه في الأرض:قتل حبيبتي الوحيده اللي حبيتها بدون رحمه. ارفع راسه واشبحلها
وقال :راح انرد الضربه ضربتين زوجته ولده .
رزان بدت اتحاول ماتفقدش اعصابها:وين حاتم اني جيت عشان حاتم
اطلق حاتم وخودني اني
سيف يضحك:وعلاش قالولك اني حمار عشان ندير هكي
قدمت منه رزان بسرعه وضربته ع رجله اكتر من مره لين طاح وهوا يعيط من الوجع خدت حطت رزان رجلها ع بطن سيف:شوفت ياحقير لو كنت في مكانك كنت متت بسلام احسن مدير هدا كله
سمعت رزان صوت وراها شافت اللقته أمجد ومعاه الرجال انتشرو في كل مكان ناضت واقفت رزان وهيا تلحق في مكان الصوت اللقا باب حديد امسكر فتحته اللقت الخدامه اللي ساعدت سيف امقعمزه ومعاها حاتم اللي كان يبكي وحويجه امزقه وكان منظره امبهدل
وقفت الخدمه وحاولت تضرب رزان اللي هجمت اعليها وبدت تضرب في الخدمه كيف المهبول لين طاحت واغمه اعليه اخدت رزان حاتم وبدت تبوس فيه ورجال طلعوا الخدمه وكانت قاعده فاقده الوعي
حاتم كان يرعش وكان وجها اصفر رزان خافت اعليه أمجد شاف لي رزان :هيا خلينا نرفعوا لي المستشفي
رزان :ايه هيااا
........................
عند ارؤي اللي كنت اتعيط وتضرب في كمال وهيا تنادي ع حاتم كمال شدها من ايدها شبحتله ارؤي:انت ماتعرفش هالحقير شن بيدير في ولدي وزدت في العيط وبدت تضرب في كمال برجليها وايديها
عشان كمال يطلقها بس حست بي كمال اللي ارخي ايديه شبحتله وتفاجأت وقت شافت كمال يبكي ماتوقعتش في يوم انها تشوفه يبكي ......
نزل كمال قعمز ع الارض وبدي يبكي كان حاس روحه انه ضعيف انه مش قادر يحمي عايلته قعمزت ارؤي في جنبه حضنته وبدت تبكي امعاه
.........................
وصل أمجد ورزان لي المستشفي حطوا حاتم ع السرير وخده الدكتور
ودخله لي غرفة الاسعافات
بدت رزان تبكي ع حاتم اما امجد اتصل بي ليلي وقاللها اتخبر الكل
انهم في المستشفي.
بعد فتره وصلوا كلهم وكان اول واحد مالوما اللي بدي يشبح لي رزان بعصبيه بس قاعد ساكت رزان حضنت ارؤي اما كمال شد أمجد من رقبت القميص:فاهمني ولدي شن صارله
امجد:ماتخافش اكويس حاتم
بعد فتره اطلع الدكتور وطمنهم علي حاتم وقال يقدر شخص واحد ايشوفه وقفت ارؤي وخشت داخل وهيا ترعش شافت حاتم اللي كان واجها امخبش وحالته حاله قربت قعمزت وبدت تشوفله وتبكي ع ولدها اللي عاش نفس اللي عاشته قبل
طلعت ارؤي شافت كمال وقف وحاط راسه ع الحيط اول ماشافها كمال سألها:كيف واضعه
ارؤي:اكويس ولدي قوي كيف بوه
اسكت كمال ونزل راسه وبدي يشبح لوطه ودموعه ينزلوا قربت منه ارؤي وحضنته
........................
عند مالوما اللي شد رزان من ايدها ورفعها لسطح المستشفي وبدي يتعارك هوا وياها كان مالوما امعصب منه عشان طلعت بدون ماتحكي لي مالوما.
مالوما بعصبيه واعيط:علاش ماقولتيش افرضي صارلك حاجه
ردت اعليه رزان بنفس نبرة صوته:انت كنت طالع وتيلفونك مش امعاك كيف بنقولك
مالوما:اصلا انتي من سامحلك تطلعي من القصر
رزان:اني حره اندير اللي نبيها تسمع فيا
بدو هما الاتنين ايعيطوا ع بعض ورزان امعادش سكتت قرب منها مالوما وباسه بوسه لين فمه بدي ينزل في دم
بدت رزان تضرب فيه ع صدره وهيا اتعيط:في البدايه تبدأ اتعارك فيا
وبعدين بتجي بتحلها بصايعتك
بدي مالوما يضحك اعليها ونزل هوا وياها وكانوا قريب يوصلوا لي غرفة حاتم فجأة رزان بدت اتحس في راسها وطاحت فقدت الوعي
بدي مالوما اينادي في الدكتور وهوا شد رزان ويضرب فيها ع وجها عشان اتنوض اخدتها الممرضات رفعوها لي الغرفه
........
مالوما واقف برا وهوا ع اعصابه ورزان كانت الدكتوره تشوف فيها
خصوصا انه مالوما منع من انه يكشف اعليها دكتور
طلعت الدكتوره وهيا تبتسم :مبروك المدام حامل
مالوما وجها امعادش يتفسر وكام أمجد وليلي جاين وشد أمجد في ايده القهوه اول ماسمع كلام الدكتور طايح القهوه من ايده وشبح
لي ليلي:حتي اني نبي ولد
ليلي قعدت تضحك وقف أمجد قدام مالوما اللي قاعد مصدوم بدي أمجد ايحرك في ايده قدام مالوما اللي متحركش
.....................
بعد اسبوع طلع حاتم من المستشفى خده كمال هوا وارؤي وامشو لحوش الجبل قعدو غادي عشان يتريحو
...........
كانت رزان اتكلم في ليلي ع احويج البيبي وكانوا يحجزوا في ع النت
شافهم أمجد بدي يضحك:تي انتي ليك حامل اسبوعين بس وتشري في احويج ليه
رزان بعصبيه:وانت شن ليك علاقة اني راجلي السمح عنده الفلوس واني حره وين بنصرفهم
مالوما واقف يضحك وحضنها:لو ولد را انسجله تروتي كلها ليه ولو بنت راح انسجل روحي ليها
أمجد وليلي يضحكوا
.................................
بعد مرور سنه
كانت رزان شده بنتها في حضنها كانت هيا ومالوما كيف جو من المستشفى كانت ارؤي امجهزه مفاجأة ليها هيا وليلي اللي بطنها منفوخة وحاتم كان لبس البدله الرسميه وطلع ايهبل
كان أمجد وكمال في جنب بعض واقفين ومش عجبهم الجو
كمال:اخر وقت بدينا نسمعوا في كلام نسوانه
امجد:تي كنت وقت نوقف الكل يخاف مني
كمال :تي انت يخافوا اني كلهم ايموتوا
نزل مالوما من السياره فتح الباب لي رزان ونور خشو للقصر بدو البالونات ينزلوا اعليهم قرب حاتم من مالوما بدي يشد في سروال مالوما اشبحله مالوما ورفع حاجبه:شني
حاتم:نبي نشوفها
رفعه مالوما في حضنه وقرب من نور وخله حاتم يبوسها ع خدها
ونزله لوطه ،ارؤي هيا تعالو نقصوا الكيكه شبحت لي الخدمه قالتلها
خودي نور من رزان اخدتها وقفت رزان ومالوما وقصوا الكيكه ورقصوا كلهم ع الاغاني وحاتم مش قاعد واقف يتفرج ع نور
ليلي امقعمزه مش قادره تتحرك من بطنها وفي جنبها أمجد وكمال
كان اينشب في ارؤي وهيا متعصبه منه بس بعدين بدت تنسجم امعه
وضحكوا امعا بعض مالوما كان حضن رزان ومش راضي ايبعد عنها
ناض أمجد أوقف :هيااا خلونه ناخدو سلفي عائلي
كمال يضحك:ايوووه ياعايله
ارؤي :كمال بلا بارده امشي جيب حاتم وهيا عشان تقعد دكره
كمال :واحلا دكره لأنك امعاي انتي وحاتم
جاب كمال حاتم وقفوا كلهم في جنب بعض وكانت رزان في جنب مالوما اللي شاد نور في حضنه
أمجد في جنبه ليلي قاللهم قولوا :اتشيز للكاميرا 📸
الكل :تشيز 🥰🥰🥰
****( النهايه )****
نعرف انها اقصيره بس حبيت انه نختصر كل شي بسرعه إنشاء الله
تعجبكم الحلقة الأخيرة من رواية**#ملاكمة_مالوما_بيبي 👑
احتمال احتمال صغير ايكون في جزء تاني واحتمال لا ♤♤♤□□□مع تحياتي الكاتبة(عويشه)shoshosweet ❤
