ولدت يتيمه

البارت السادس

وجان يسحبني خالو ويطلعني م̷ـــِْن بين الاغراض، ،،،واني اصرخ كل قوتي،،،وكأنو موتي حان ذيج اللحضه،،

،هوه كلللش ضخم وطويل،،،لآزٍمٍ عصه بيده،،،كلت هاي هيه انتهيت، ،،،وماحسيت الا خالي الصغير يحضني ويبعدني عنه(جبار عمره18سنه) ،واني متعلكه بملابسه وارجف ،،،

جبار:كااافي ياخوي،،ع مود حيوان اتموت البت??

رضا:ڵـڱ عوفها،،،الًيَوُمًِ اريد اعلمها اشلون اتضيعه،،ع مود مَـرّھٌ ثانيه ماتفكر اتسويها??

جبار:فدوه،،،ايجوز رب العالمين دفع عنك بيها،،اشلون يعني??اعتبرها صدقه

رضا:اسكت انت مالك علاقه! !

جبار:رضا عوفها هالمره خاطير امي وامها،،عيب الي جاي اتسويه،،،انت تعرف جاهله وماتعرف،،ومع ه̷̷َـَْـُذآ اجبرتها تسرح بيهن،لآزٍمٍ تتحملها ع ما تتعلم! !

رضا:شنو يعني،،اخليها اتضيعلي الحيوان ڱڵـه.، ،،يوميه وحده للذيب،،،خوش والله. ع ابو تتعلم براسي!!

جبار:امي مريضه، ،،راح ترفع عدها الضغط،،والبنيه مالك حق تضربها،،كافي عاد!!

رضا:سمعيني ولج فگر،،،اني اعلمج،،،سويها مَـرّھٌ ثانيه وشوفي،،اعلكج بالبنكه . لــــو لااا،،،اخذها م̷ـــِْن كدامي لٱ الًيَوُمًِ ابتلي بيكم اثنينكم!!

واني اركض ع حضن بيبي،،جانت اقرب علي م̷ـــِْن امي،،لان هوه واكف بنصنه،،،جنت محتاجه احضن احد اعرف انو امان،،وما راح ايسلمني اله،،،خالي جبار كعد ايطبطب علي ويكلي ميخالف،،تتعلمين بس دوري بالج تغلطين هيج مَـرّھٌ ثانيه وماتنتبهين،،،

وبيبي تبوس بيه وتمسح ع راسي،،،اباوع ع امي ادموعها ع خدها وتبجي بحركه،،م̷ـــِْن رفعت راسي وباوعت عليها ابتسمتلي بقهر،،وكأنو اتكلي لاتخافين اني يمج، ،

،تركت بيبي وره ماحسيت خالو راح واشمرت نفسي بحضن امي،،ونمت ذيج الليله م̷ـــِْن غير عشه،،،جنت بس اريد انسه،،،ويخلص يومي ع خير، ،،

ومن يومها واني تركيزي ع الحيوان عال العال،،،ماغمض عيني ولا التفت،،،اتعلمت اهواي م̷ـــِْن ذيج اللحضه،،،واعرفت انو مصيري مرتبط بيهن،،،جان خالو كل مااغلط او اسوي شي

،،بقصد او بدون قصد،،اول كلمه ايكولها ارجعج الجدج،،واني اموت بدمي،،ماريد اعوف ماما،،،مستعده اسوي اي شي ع مود اظل يمها،،وهيه اتحاول اتدافع عني،،وماتنطي بيه،،،حتى م̷ـــِْن اتشوفه معصب مِڼـّي،،تاخذني واتضمني عنه،،

،لان هوه وكت العصبيه مالته يمكن ايسوي اي شي،،،لان مايشوف كدامه،،وامي دايمه تستلم الرزاله والشتايم عني،،وتتقبلها بصدر رحب،،،المهم ماأتأاذه

امي جانت كل ماتستلم راتب ابويه •اللّـہ̣̥ ايرحمه،،،تاخذني للسوك، ،. لــــو تروح تشتريلي كل الاشياء الي بنفسي،،العاب وملابس،،،وهمات اتروح الخياطه قريبه، ،هيه صديقتها،،همات تكضي وكت يمها،،وهم اتخيطلي دشاديش،،،