SauceBerry [ COMPLEDED ]

( Ending )

( Unicode )

" ဒါလေးတောင် သေချာမလုပ်နိုင်ဘူးလား "

မန်နေဂျာဆီကနေ အဆူခံရ၏။ မနက်တည်းကစိတ်ထဲခိုးလုခိုးလုနှင့်နေရခက်နေသမျှညအလုပ်ထဲရောက်မှအခက်တွေ့တော့သည်။

ဖဲဝေတာကိုစနစ်တကျမဝေပေးနိုင်လို့လက်ရှိတာဝန်ကျနေတဲ့နေရာကို မန်နေဂျာကလူစားထိုးပေးသွားသည်။

" မင်းပုံစံကိုကြည့်ရတာ စိတ်မပါလက်မပါနဲ့၊ဧည့်သည်တွေကို မင်းပုံစံမြင်ပြီးဆော့ချင်စိတ်ပျက်အောင်မလုပ်စမ်းနဲ့ "

သီးသန့်အခန်းထဲမှာ မန်နေဂျာရယ်၊ ဘတ်ခ်ဟျွန်းရယ်သာရှိနေသည်။

" တောင်းပန်ပါတယ်၊ စိတ်ညစ်စရာနည်းနည်းလေးရှိနေလို့ပါ "

" ဒါဆိုလည်း အိမ်ပြန်လိုက်တော့၊ အဲ့စိတ် ညစ်စရာတွေမင်းမျက်နှာပေါ်မှာ ရှိနေသရွေ့ မင်းအလုပ်လုပ်လို့ရမှာမဟုတ်ဘူး၊ ဒီအလုပ်မှာအရေးကြီးဆုံးက မျက်နှာပဲ။ မပြုံးနိုင်သရွေ့တော့မင်းအလုပ်လုပ်ဖို့မစဥ်းစားနဲ့ "

ခေါင်းငုံ့ပြီးတောင်းပန်ပါတယ်ပြောနေရုံကလွဲတခြားမရှိလေတော့။ ဘတ်ခ်ဟျွန်းကလည်းဘတ်ခ်ဟျွန်းပင်။ စိတ်ရူပ်လာပြီဆိုဘယ်သူ့ကိုမှအရေးတယူစကားပြောချင်တာမျိုးမရှိဘဲ ထိုစိတ်ညစ်နေတဲ့အကြောင်းအရာကိုသာထပ်တလဲလဲစဥ်းစားနေမိတာက ပြဿနာတရပ်ဖြစ်လာခဲ့သည်။

လိုအီပတ်ခ်ဆိုတဲ့နာမည်နဲ့ လှည့်စားခံလိုက်ရတဲ့ကိစ္စတခုအပေါ် မကျေနပ်တဲ့စိတ်တွေတအုံ့နွေးနွေးကျန်ရစ်နေသေးသည့် ဘတ်ခ်ဟျွန်းအဖို့ ချန်းယောလ်နှင့်မျက်နှာချင်းဆိုင်ပြီးမရှင်းသရွေ့ စိတ်ရူပ်နေတာပျောက်ကွယ်သွားမည်မထင်ပါ။

" ဘာလုပ်နေတာလဲ၊ အဝတ်အစားလဲပြီးပြန်တော့လေ .. အသုံးကိုမကျဘူး "

မန်နေဂျာအခန်းထဲကနေ တက်ခေါက်ကာထွက်သွားသည်နှင့် ဘတ်ခ်ဟျွန်းထိန်းထားခဲ့ရတဲ့ဒေါသတွေအားလုံးကိုသက်ပြင်းတချက်ချကာလွှတ်ထုတ်လိုက်သည်။

ဘာမဟုတ်တဲ့ကိစ္စလေးကြောင့် အဆူအဆဲခံရပြီး အခန့်မသင့်ရင်တောင် ပွိုင့်အနှုတ်ခံရမဲ့အနေအထားမှာရှိနေသည်။ နေရင်းထိုင်ရင်းကိုကံဆိုးမိုးမှောင်ကျနေတာပဲ။