راوية
ش ... س
كلمتان تختصران كل شئ ربما بهذه الكلمتان يمكنني ان اؤلف الاف الروايات .. ش .. س .. فكر تختصر هذه الكلمتان ماذا ؟.. هي ليست طائفة وليست ديانة لا لغة ولا بلاد .. بل شئ اكبر من كل هذا ..
كي تستطيع فهم هذا الغز يجب اولا ان تقرأ الحكاية منذ البداية .. ربما انت تعرف نهايتها ولكن لا اظن انك تعرف كيف بدأت ولم تقرأ من قبل فصولها ..
ش .. س ..
تعبر عنا .. من نحن ؟..
ستتعرف علينا ...
(( محمد ))
توقفت العربة الملكية امام القصير حيث اتى احد الحراس وفتح باب العربة لتترجل منها الاميرة .. مهلا مهلا هي ليست قصة سندريلا بل قصة اميرتي .. توقفت السيارة امام منزلنا ضغطت بخفة على يدي وابتسمت لي اميرتي وحبيبتي رسل .. ترجلت انا وسرت لجهتها كي فاتح الباب لها .. ابتسمت وترجلت ويدي في يدها .. احتضنني اخي الصغير بشوق : اشتاقينالك محمد .
- ههه واني همين .
دخلنا للداخل لحديقة المنزل حيث سارت امي بسرعة باتجاهي وهي تفتح ذراعيها احتضنتها بقوة .. قبلتني بشوق .. قالت : حمد الله ع السلامة وليدي .
- الله يسلمج يمة .
نظرت لرسل واحتضنتها : نورتي بنتي حمد الله ع سلامتكم .
رسل : الله يسلمج خالة .
احتضنتني اختي حنان : اشتاقيتلك محمد .
- واني همين .
حنان : رسولة قلبي نورتي .
رسل : منور ببيكم البيت .
اختي الثانية رشا ايضا والجميع انهال علينا بالتبريكات والترحيب .. مم مهلا ساخبركم نبذة عني وعن رسل .. بأختصار انا اسعد شخص في العالم لأنني تزوحت بالفتاة التي احبها .. علاقتي برسل بدأت منذ ان كنت في السنة الثالثة في الجامعة اما هي فكانت تدرس الثانوية في برلين .. تعارفنا كان عن طريق الانترنيت عبر موقف ( فيس بوك ) بدأنا كأصدقاء ثم عشاق الى ان اصبحت الان زوجتي ... قبل شهر اقمنا حفل زفافنا في مدينة اربيل قضينا شهر العسل هناك .. عاد والديها لبرلين وعادت اميرتي معي ...
(( علي ))
اوقفت سيارتي في مصفات الجامعة .. ترجلت منها ودخلت للداخل ابتسامتي عريضة كالعادة ابتسم للبعض واتكبر على البعض كيف ولا وانا بم يلقبوني بأوسم شاب في الجامعة احم احم .. رأيت مجموعتي يجلسون في مكانهم المعتاد ... سرت باتجاهمم حتى وصلت اليهم .. قلت : صباح الخير .
الجميع : صباح النور .. لك ها علي شطالع .. تخبل .. الخ ..
قال احد اصدقائي : لك علاوي هاي البنية البارحة خبلتني عليك .. متقولي شمسويلها ؟.
اشعلت سيجارتي وقلت : ياهية بيهم .
- رواء .
- اي شبيها ؟.
- تخربطت البارحة متعاركة وياك .
- يمعود شبيها لزقة ماريدها هي قوة .
- يعني صدق تحب خلود علمود هيج عفت رواء .
- خلود منو ؟.
- خرب انت جم وحدة تعرف ؟.
- هههههههههه تعبت من العد .
- هههههههههههه فد يوم حتوقع بشر اعمالك .
- ههههههه صدقني مو اني .
(( مهند ))
استيقظت صباحا خرجت من غرفتي .. ارتديت ثيابي كي اذهب للجامعة .. سمعت امي تناديني كي اتناول الفطور .. خرجت من الغرفة كانت امي كالعادة اعدت الفطور في الحديقة جلست على الكرسي وقلت : صباح الخير .
- صباح النور .. يلا بالعجل تريق حتى توصل شهد وياك .
- ليش مراحت بالخط مالها ؟.
- ماجاها اليوم .
- اهووو .
سمعت صوتها وهي تخرج من باب المطبخ تسير باتجاه الحديقة قائلة : اهوو هاي شنو بعدك مخلصت .
- صبري عيني هستوني قعدت .
- المديرة حترزلني .
- واني شعلية .
- انت ابن خالتي .
- ابتليت وصرت ابن خالتج .
- هففف .. نظرت لأمي وقالت : خالة اريد فلوس فكة امي ماعدها .
امي : يلا هسة اطب اجيب جزداني وانتي قعدي اكلي شي .
شهد : اي والله جوعانة .
امي : هاي امج مقضيتها نوم .
- هههههههههه مونشيطة مثلج فديتج .
جلست امامي وبدأنا نتناول الفطور ...
(( احمد ))
اراها من بعيد تجلس بين صديقاتها هي اجملهن واكثرهن اناقة ونعومة .. دعاء هذا كل ما اعرفه عنها منذ بداية هذه السنة الدراسية .. دعاء ليس اسمها فحسب فعندما قابلتها كان بمثابة استجابة لدعاء امي لي في موسم المطر ... قطع علي تفكيري وهيامي بها صوته المزعج ( علي ) ..
- لك هاي شنو بعدك تباوع بس من بعيد .
- شتريدني اسوي نفسك ؟.
- شبية اني اخبل وماكو وحدة تصعب علية .
- اني مو مثلك وهي غير عن كل بنات .
- ابني تلحلح وروح حاجيها .
- شقوللها ؟.
- تعرف عليها .
- محجت هي ويا ولد قبل .
- هسة اسألها ع اي شي .
- لا خاف عيب .
- ابني اذا بقيت هيج حيجي واحد ياخذها منك .
- بس خل افكر بسؤال .
- ههههههههههههه فكر واني حروح اشوف الحاتة الي هناك .
(( رسل ))
منذ وصولنا انا ومحمد الى منزلهم ونحن لم نجلس معا ابدا .. فوالدته لم تتركه لحظة وانا متعبة بسبب السفر والتأخير الذي حدث في المطار اضافة الى اشتياقي لعائلتي .. وفوق هذا كله اسئلتهم الملحة .. اخواته وزوجات اخوانه .. ( ماقول بس شجابني للضيم موجنت مدللة ) .. ولكن كل هذا من اجل حبيبي محمد .. قالت احدى اخواته : يلا يلا شوفينا الصور الي اخذتوها .
- الكاميرا بالجنطة وجوالي مابيه شحن تأخرنا بالمطار وتعبنا كلش .
نهضت وقلت : اني حروح اسبح وارتاح .
نهض محمد عندما رأني وقال : اني حروح ارتاح .
والدته : اخذ راحتك حبيبي.
امسك بيدي واتجهنا للطابق العلوي دخلنا لغرفتنا .. اااه اخيرا وقت من الخصوصية لي وله .. ولكنني نظرت للغرفة صدمت !.. نظرت للفراش والستائر والاضاءة ؟!... بقيت متجمدة في مكاني .. الفراش لونه احمر ليس احمر عادي كلا هو ذاك الاحمر الذي يفقع العين .. ( يحول العين حول ) وبه ورود حمراء كبيرة تلمع !!.. الستائر لونها زهري !.. مصابيح بجانب السرير لونها احمر !..
بلعت ريقي وقلت : أأ.. حبيبي وين الاشياء الي جهزناها لغرفتنا ؟.
- مادري خل اروح اسأل امي .
خرج من الغرفة فتبعته .. نزلنا للطابق السفلي نظرت لنا والدته باستفسار سألها محمد قائلا : يمة وين الفراش والاشياء الجابتها رسل ؟.
والدته : هااا!!.. تسأل ع الغرفة مو اني جددتها ابني انتوا هستوكم عرسان شنو ابيض وبيجي واسود شنو هالفال الموزين .
قلت : والبردات ؟.
- بيضا شفافة متصير بلة واحد من الجيران شافكم شنقول ؟.
محمد : والتيبل لامب ؟.
- ها محمد صرت تشكك بذوق امك ؟.
قلت : لا العفو خالة عاشت ايدج تعبانج اصلا مجان اكو داعي .
تركناها وعدنا لغرفتنا .. دخلت ورميت نفسي على السرير بتذمر : شنووو هاي داحس نفسي بغرفة ببيت دعارة .
رمى نفسه على السرير بجانبي وقال مازحا : شنو رايحة من قبل .
اقتربت منه وقرصت وجنته : عابت ع اساس تقصفني .
- هههههههه فديت اني اقصف حبيبتي .
- اااه احس نفسي بحلم اخيرا !.
- اخيرا صرتي مرتي .
- لا مجنت هيج اقصد .. اخيرا حسبح وارتاح .
- ههههههههههههههه لابربج منو هسة ديقصف ويفشل .
نهضت من على السرير وبحثت حولي : وين المنشفة شي .
- بالكنتور اكيد .
سرت باتجاه الخزانة فتحتها واخرجت منها المناشف .. سرت باتجاه الحمام ولكنني سمعت صوت طرق الباب نهض هو وفتحت الباب للطارق كانت والدته .. قالت له : وين رسل ؟.
- هياتها يمة .
سرت باتجاه الباب وابتسمت قائلة : هلا خالتي ؟!.
والدته : تعالي بنتي جوي الناس يريدون يسلمون عليج ؟.
- ياناس ؟.
- الجيران .
- بس خالة بعدني مسبحت ولا بدلت .
- تعالي شنو نقوللهم بلة هياتج وردة يلا .
نظرت لمحمد بغضب وقلت :هسة اجي وراج خالة .
ضربت محمد بخفة وقلت : اني الك انوبة جيران .
- ههههههههههههه ع عنادج حسبح ببدالج بمي دافي يخبل وخليج بكفشتج .
- لك لتستفزني هسة اشمرك من الشباك .
- ههههههههههههه فديت العصبية .
سمعت صوت والدته وهي تقول : ها رسل يلا تعالي .
- جأ... جاية خالتي .
محمد : هههههههههههههههههههههههه .
(( ديانا ))
في صباح يوم دراسي جديد ممل في الجامعة كنت اقف مع صديقاتي نثرثر كعادتنا .. قطع علينا احاديثنا المثيرة حول المسلسلات صوت احدهم وهو يقول لصديقتها اية : لو سمحتي .
التفت اية اليه وقالت : تفضل .
الشاب ممكن احجي وياج شوية .
رفعت حاجبي وقلت انا بالنيابة عنها : لا مو ممكن .
نظر لي باستهزاء وقال : ومنو حضرتج ؟.
- صديقتها .
- لتحجين بالنيابة عنها .
- اقول بابا ادعبل منا .
- شبيج معنسة !.. شبيج مضغوطة احد حجة وياج ؟.
قلت بغضب : هي هي احترم نفسك .
- محترم نفسي مو الي قبالي .
بدأن صديقاتي يحاولن تهدأتي .. قلت : انت نفسك مو محترم .
- لتخليني اطول لساني عليج .
- بابا شبيك متقولي شبيك ؟.. جاي دتتحارش بينا شكو ؟.
- ههه محد تحارش بيج اتحارش ويا البنات مو وياج .
- ههه سلملي ع رجولتك .
اية : لو سمحت اخي كافي .. ديانا .
ابتسم لها وقال : لخاطرج انتي .
قلت : شنو لخاطرها خايب دطير .
تجاهلني ونظر اليها قائلا : فرصة سعيدة .
نظر لي باستهزاء ورحل .. ابتسمت اية ووضعت يديها على وجنتيها وهي تقول بهيام : اااه ماصدق علي حاجاني اني عااااااااااااا .
صرخت : هي لج صارلي ساعتين دادفع عنج .
- تعرفيني ماحب شباب بس علي غير .
- منو هذا الادب سز ؟.
قالت صديقتي الثانية : احلى شاب بالجامعة كلها .
- دخل يطير .
- خرب والله موقف زبالة حطيتيني بيه بعدين شبيج عيطتي عليه .
- لابربج موكل يوم تجيني تقولين بربج دودو من يجي ولد يضوجني ردي بدالي !.
- اي .
- لعد انجبي .
- هففففففففف .
- والله يالله .. بعدين هذا بيا كلية ؟.
- هندسة معامري .
- يخرب بيوت هذا .
- هههههههههههههههه .
(( شهد ))
ركبت في السيارة بجانب مهند .. ناولته حقيبتي المدرسية وقلت : حطها ورا .
- جان حطيتيها ورا قبل متركبين .
- نسيت هسة شتريد .
اخذها مني ووضعها في الخلف قائلا : شنو هاية بيها قنابل !.. شحاطة بيها .
- غير كتب خوما مثلك رايح للكلية بكتابين .
- كل كتاب ترا بقد راسج .
- يمعود دشوق وفضنا المديرة حتسحلني .
- لعد خل اتأخر زيادة هههههههههه .
- هههههههه عابت .
اوصلني لمدرستي .. ترجلت من السيارة وفتحت الباب الخلفية اخرجت حقيبتي .. ودخلت للمدرسة عندما دخلت سمعت صوت خلفي زميلاتي اللاتي في صفي ..
قالت احداهن : لج هاي منو الي وياج ؟.
الثانية : ها من ورانا .
( انتوا شكو ؟!!! ).. قلت : ابن خالتي ابو الخط ما اجاني .
- يخبل ترا اقولج مرتبط ؟.
قلت بكذب : اي خاطب .
- حرامات .
لم اكترث لهن ودخلت للداخل ... اشعر بالغيرة عندما يتحدث احد عنه وعن وسامته .. ببساطة لأنني احبه !..
(( دعاء ))
اراه ينظر الي يوميا .. منذ اشهر وهو في مكانه ولكن نظراته تطاردني في كل مكان .. استطع ان اعرف عنه جميع المعلومات الشخصية عنه .. اسمه احمد طالب في كلية الجيولوجيا في المرحلة الثالثة من اسرة اقل من المتوسطة ولكنه خجول جدا ومحترم ...
قررت ان ابدأ انا كان يقف في مقهى الجامعة يطلب له مشروب .. سرت باتجاهه ووقفت بجانبه .. لم يكن العامل موجود .. التفت له وقلت : لو سمحت وين هذا الي يشتغل هنا ؟.
- راح هسة شوية ويجي .
- اها شكرا .
- عفوا .
بقيت اقف بالقرب منه ننتظره .. الى ان اتى العامل قال : تفضلوا ؟.
اشار الي مبتسما : تفضلي .
- لا انت جاي قبلي .
- لا عادي .
- لا .
رن هاتفي وقطع علي اجمل لحظاتي .. ابتعدت قليلا عنه واجبت والدتي : الو .
- ها حبيبتي شوكت تجين ؟.
- بقتلي بس محاضرة وحدة .
- ماشي اتصلي للسايق بس تخلصين .
- اوكي .
التفت لأجده رحل ...
(( محمد ))
استيقظت من النوم نظرت لجانبي وجدتها نائمة .. ابتسمت براحة وانا اراها كطفلة تنام بعمق .. بحذر مددت يدي وبدأت اتلمس تفاصيل وجهها وازيل تلك الخصلة التي تغطي عينها .. سمعت صوت طرق الباب يطرق نهضت بسرعة كي لايوقضها صوت طرق الباب .. فتحت الباب بهدوء قالت والدتي : ها متنزلون ع الغدة ساعة بالاربعة صارت دننتظركم .
- يلا اني حنزل .
- ورسل ؟.
- نايمة تعبانة كلش .
- شسوت حتى تعبت .
غيرت الموضوع قائلا : شنو مسوية غدة ؟.
- بامية يلا تعال فدوة لطولك .
نزلت للطابق السفلي وبدأت أأكل مع اخوتي .. عندما انتهيت خرجت للشارع كي التقي بأصدقائي .. بعثت لهم رسالة وقلت : طلعوا برا ياكلاب .
علي : لك هلا بالعريس .
احمد : حمد الله ع سلامتك .
مهند : يلا هسة طالعلك .
والتقينا في الشارع وبدأنا نثرثر كالعادة .. نحن خليط بين الجيران والاخوة والصداقة وكل شئ ...
(( علي ))
في صباح اليوم التالي لأول مرة في حياتي استيقظ مبكرا .. تأنقت كالعادة واتجهت للجامعة .. اثناء دخولي للجامعة رايت تلك المتعجرفة التي تشاجرت معها في الامس .. كانت تحمل ( ترمز ) صغير عليه حرفها .. ابتسمت وانا افكر ان احرقها بالشاي او القهوة التي في داخله .. سرت خلفها وسرت خطواتي توقفت هي فجأة لتعبث بهاتفها فوجدتها فرصة فاصدمت بها فانسكب القليل على قميصها الابيض .. قالت بعصبية قبل ان تنظر في وجهي : وثول .
قلت بخبث : يثولج انتي ولسانج الطويل .
رفعت رأسها ورأتني لأول مرة ارى لون عينها الخضراء .. قالت : واني اقول ياحمار يسوي هالشي طلع ماكو غيرك .
- لتغلطين ولج .
- لجاجة لتجلجك .
- ههههههههههه شنو هاللسان الطويل فوقاها زقجة بس طلع الله معوضج بلسان شطوله .
بدأت تتذمر وتنظر لقميصها الذي اتسخ .. فتحت الغطاء جيدا من العلبة قلت بمزاح : ههه شوفي بقالج نسكافيه مدري جاي وحليب الله يعلم شحاطه .
بسرعة سكبته علي فاوسخت قميصي انا ايضا وهي تقول : جاي وحليت ها عجبك لو تريد شكر بعد ؟.
صرخت : مطية .
- امشي وجه الجوب .
شديت قبضة يدي : اااه لو اقدر اكتلج .
- سويها حتى اسحلك هنا .
حاولت ان اسيطر على نفسي تجاهلتها وحاولت العودة لسيارتي لأعود للمنزل ...
(( مهند ))
استيقظت من النوم في تمام الساعة التاسعة ... في الواقع لم يكن لدي المزاح للذهاب الى الجامعة .. خرجت من غرفتي اتجهت لغرفة المعيشة .. وانا في طريقي سمعت صوت خطواتها وهي تنزل من على السلم .. اعرف خطواتها السريعة .. بسرعة اختبأت تحت السلم وعندما نزلت خرجت من تحت السلم وانا اصرخ : بووووووووو .
صرخت : ااااااااااااااااااااااه عابت عابت .
بدأت تضربني ..
- ولك هبطتني حرام عليك .
- ههههههههههههههههههههههههه حتى تنزلين ع كيف مرة ثانية .
- اااااااه قلبي .. رفعت حاجبها ونظرت لي قائلة : شنو اشو مرحت للجامعة ؟.
- مالي خلق .
- لعد فدوة فدوة فدوة .
- اهووووووو بدت تتطلب .
- هسة انت مو ابن خالتي ومالي غيرك .
- اي ؟.
- اريد .. اريد .. اريد .
- قامت تمتمت انوب .
- اريد اروح للمكتبة .
- ابتليت وصرت رجال البيت .
- قدرك .
- موافق ع شرط .
- شنو .
- سويلي ريوق .
- ممممم اوكي تدلل فدوة .. بمطبخكم لو بمطبخنا اسويلك ؟.
- بمطبخكم مناقصين تهوسين مالتنا ترا تجي امي وتكتلج .
- ماشي حتذلنا عود .
- دامشي قشمر .
اعدت لي الفطور تناولته وخرجنا من المنزل .. في الطريق قالت لي : ممكن طلب لاخ ؟.
- استغفر الله .. قولي ؟.
- صديقتي هم تريد تجي المكتبة ماكو احد يوديها .
- صرتي تعزميهن بكيفج .
- مو انت حباب .
- وين بيتهم ؟.
- قريب علينا فدوة .
- اخر مرة فاهمة ؟.
- ماشي .
اتجهت لمنزل صديقتها .. اوقف السيارة امام منزلها رفعت شهد هاتفها لتتصل بصديقتها .. انشغلت بالعبث في هاتفي سمعت صوت الباب الخلفية للسيارة تفتح .. التفت للخلف رأيتها قد ركبت .. ملاك ليس انسانا ... كانت جميلة للغاية شعرت لأول مرة باضطراب ضربات قلبي ... التفت شهد اليها وقالت : شونج حبي .
قالت هي بخجل : الحمد الله .
نظرت لي وقالت بابتسامة : اسفة تعبتك .
قلت : لا بالعكس ... نظرت لشهد وقلت : مقلتيلنا اسم صديقتج ؟.
شهد : زينة .
- عاشت الاسامي .
(( احمد ))
لم اذهب للجامعة اليوم لأن صاحب المتجر الذي اعمل به طلب مني الحضور صباحا لأن العامل الثاني مريض ... اعمل في متجر للالكترونيات منذ الساعة الرابعة عصرا حتى العاشرة مساءا .. لأن معاش ابي رحمه الله لايكفينا انا واخوتي ..
كنت في المتجر الذي يقع في المركز التجاري اعبث في هاتفي .. سمعت صوت احد الزبائن نهضت من مكاني ورأيتها !!... هي ايضا صدمت عندما رأتني ولكن تلك الصدمة تحولت الى ابتسامة ...
قالت : موبس اني الغايبة اليوم .
- ههههه ... تفضلي اختي .
- أأ.. اريد كفر للموبايل مالتي .
- يانوع ؟.
- ايفون 5 .
- تدللين .
استدرت وبدأت ابحث عن غطاء لهاتفها .. احضرت مجموعة ووضعتها على الطاولة امامها .. بدأت هي تتفرج عليهم رفعت رأسها وقالت : ماعندك بس هذني ؟.
- بعدنا مجايبين مجموعة جديدة بس اذا تحبين اكو محل بالطابق الجو .
- ههههههه ترا المفروض تكسب محلك مو تقول للزباين روحوا ع فلان محل .
- ههههه مو انتي زميلتي وداريدلج شي زين وحلو .
- مممم مادامك زميلي همين اني مرح اخذ من محل ثاني حنتظر المجموعة الجديدة .. اطيك رقمي وبس توصل اتصلي وقولي .
شعرت بالسعادة تغمرني قلت : تدللين .
- سجل يمك .
