البارت العشرون
رزان طلع قتيبة وانى بقيت بالحديقة طايرة من الفرح حسيت بعيونه الحب من يحجي تذكرت كال الخميس العقد وماما ماموجودة
دخلت للبيت لكيت بابا كاعد بالصالة
سعد هاا نكول مبروك
رزان ابتسمت بوجهه
سعد الف مبروك بابا
رزان الله يبارك بيك بابا
رحت حضنته ودموعي كامت تنزل
تذكرت الكلام اللي حجاه وي قتيبة
سعد حبيبتي شنو هاي لدموع اذا موافقه
رزان تذكرت راح اتزوج واصير يعيده عنك انته وماما مااكدر اغيب عنكم
سعد احنه هم مانكدر على بعادج بعدين انتي ماراح تاخذين غريب ابن عمج لو انتي يمنه لو احنه يمج وماراح تكدرين حتى تشتاقيلنه
رزان بابا انى عندي شروط
سعد كلتي شروطج لقتيبة
رزان لا مالحكت
سعد ترديني انى اكولهن
رزان انته وانى ماكو فرق
سعد لا اكو فرق هذا زواج المهم شنو الشروط
رزان لبسي يبقى نفس ماهوه هاي اولا
سعد وثانيا
رزان سيارتي اجيبه من دهوك واسوقهه
وثالثا والاهم اريد اداوم بالمستشفى
سعد الشرط الأول نكدر عليه والثاني السياقة هم نكدر عليه ان شاء بس الدوام ماكو
رزان بابا شنو ماكو انى درست 18سنة حتى اكعد بالبيت انته جنت موافق عالدوام حتى من تقدملي معاذ اصريت ليش هسه غيرت كلامك
سعد حبيبتي اهلي واعرفهم واعرف تقاليدهم
اهنا محافضين ماكو بنيه تكمل دراسة او تشتغل وخصوصا اهلي انتي من راح تزوجين يعني مستقبلا راح تنشغلين بزوجج واطفالج ماراح تكدرين توفقين بين الدوام والزواج
ومعاذ
رزان ليش لعد خليتني اكمل دراسة واتخرج
سعد لا بابا ماردت منج هذا الرد
انتي خليتج تحققين طموحج وتوصلين انى وكفت بظهرج وساندتج اكثر من دارين نسيتي لو اذكرج جنت اسهر وياج للفجر من تقرين انتي هسه دكتورة انتي عندج شهادة الكل يتمناها مو لسبب دوام وراتب لا راح تخليه فخر وصورة حتى تحفزين بيه اطفالج بالمستقبل اهم شي تحقيق الحلم
رزان اتمنه قتيبة يكون مثلك
سعد منو يكول يطلع احسن مني
رزان انته ماكو مثلك بالكون كله يااجمل واحن اب بالدنيا كله
رزان اتصلت على ماما وخابرت خالتي اسأل عن صحته ومن بعده كلت اخذ رائي ماما
دارين ماما شلون سعد ديري بالج عليه
