البارت التاسع
رزان حضرت نفسي وشلت الجنطه وفتحت الباب حتى انزل لان بابا وماما ينتظرني جوه
طلعت وانى اشوف قتيبة هم طلع من غرفته مااعرف ليش ماريد عيني تجي بعينه من بعد سواه من اجه معاذ ولزم ايدي
رزان صباح الخير
قتيبة بهيبته صباح النور هلا بنت العم رايحين
رزان اي ان شاء الله
قتيبة توصلون بالسلامة
رزان وهي عيونه بالكاع الله يسلمك
قتيبة عاد لاطولون راح نشتاقلكم
رزان وهي ترفع عيونه بصدمه عليه
قتيبة ارتبك ومشى وعافها بصدمتهه
رزان هذا شيقصد
نزلت ولكيت جدي وجده وعمو حاتم وخاله مناهل ومحمد وقتيبة وماما وبابا كاعدين بالصاله يتريكون
تقريبا الساعه 5:30
رزان صباح الخير
الكل صباح النور
ام قتيبة تعالي يمه اتريكي وراكم طريق طويل
رزان شكرا خاله بس اريد جاي مااكدر اكل
ام قتيبة لايمه شنو بس جاي تعالي تريكي
رزان بس مااكدر اتريك وخصوصا هالوقت
سعد بالطريق اكيد ننزل وتتريك
رزان اخذت استكان جاي من خاله مناهل وكعدت اشرب جاي بس احس نضرات قتيبة مو طبيعيه كل ماارفع راسي اشوف نظراته عليه بس بسرعه ينزلهن
سعد والله مايصير هيج يعني خبصناكم وكعدناكم من الفجر لو اعرف هيج جان ماكلنه راح نروح
الشيخ حاتم شنو هالحجي خويه غير نودعكم
سعد ماتقصرون والله
محمد عمي حجي صباح بالطريق راح يوصل
سعد اي خير ان شاء الله
الجد ضيف الله ليش ماقبلت واحد من الولد هو يوصلكم
سعد بويه ماريد اتعبهم ويايه و الطريق طويل ومتعب
قتيبة تعبكم راحه عمي انته بس كول يالله وانى اروح وياكم
سعد تسلم يابعد عمك ان شاء الله عالجايات
الجده شذرة عالجايات يعني شنو ماراح ترجعون اهنا
سعد لايمه نرجع ونستقر اهنا بس انكمل الشغل اللي رايحين عليه
الجده شذرة اي خير ان شاء الله
رزان الساعة بالستة تقريبا وصلت السيارة ودعناهم وركبت بالسيارة رفعت راسي وانى اشوف قتيبة يباوع عليه شنو سالفته
