البارت الثامن
رزان بعد ساعه طلعنه انى وبابا وماما من البيت ومحمد ويانه تقريبا البيت الخامس وصلنه للبيت دخلنه للبيت البيت جبير اكبر من بيتنه اللي بدهوك دخلنه للبيت وماما شايله مقص وقران هاي عاده يمكن
محمد عمه شنو هاي العادات اللي عليج قران ومقص وزرع
دارين القران فاتحة خير علينه والزرعه حتي نزرع الخير والمقص نكطع الشر والحسد
رزان دخلنه البيت عباره عن تراب لان شكله كاعد يرتبون بي كله انقاذ وطابوك
حديقه جبيره دخلنه بيت كلش جبير ضلينه نفتر انى وماما بي ثلاث غرف جوه ماعدا الصاله وديوانيه صعدت فوك هم غرفتين
يعني البيت جبير والغرف ريحته صبغ بعدهه ماصارله هوار من صابغينه فتحت الشبابيك حتى الجو شوي يبدل
نزلت لكيت بنيه وي ماما لابسه عبايه تقريبا بعمر علياء بس سمينه
رزان السلام عليكم
وداد وعليكم السلام هلا عيني
دارين هاي بنتي رزان
وداد اي خاله اعرفه جانت منوره بالحنه والعرس
رزان شكرا
وداد العفوا عيني بس جنتي تخبلين ماشاء الله عليج والله نقهرت عليج من كالوا خطيبج طلع متزوج عليج
رزان حسيت احد ضربني على راسي
وداد ياعزا والله ماكان قصدي اضايقج
دارين انتي شلون عرفتي
وداد خاله غير بالعرس كله تحجي بالسالفه
دارين وعيونه على رزان حتى ماتلومني لانتي ولا سعد
رزان مااكدر احجي احس لساني نربط حسيت بالفشله من لبنيه كالت العرس كله يحجي عليج
دارين على العموم اهم شي عندي الامانه وهي كتمان الاسرار يعني اي شي يصير اهنا ماتحجينه
وداد اكيد خاله اكون عد حسن ضنج انتي بس جربيني
دارين تمام واي شي تحتاجينه انى موجوده
وداد يله خل ابدي انى
رزان نزعت العبايه وبدت تشتغل وماما عيونه عليه تريد تحجي بس ماتكدر
دارين تعالي رزان
رزان طلعت ورا ماما بالطرمه
دارين شنو ليش تضايقتي من كلامهه خلي الامر طبيعي وعادي انتي لا اول وحده ولااخر وحده يصير هيج وياها
رزان ماما اول مره امر بهيج موقف يعني ماصارلي اسبوع وهيج يحجون عليه
دارين بعدج ماشفتي شي يله حبيبتي انسى الموضوع
