Delicate || YM || [Completed]

4

ඔහු සිටියේ යහනේ වැතිරී ය. පෙනහැලිවලින් පෝෂණය ලබන කැමීලියා පැළය ඔහුව වෙහෙසට පත් කරන්නට විය. එහෙත් ඒ කැමීලියා ශාකයට ඔහු ඔහුගේ ප්‍රේමයට තරම්ම පෙම් කළේය. මන්දයත් ඒ ඔහුගේ ඒක පාර්ශ්වික ප්‍රේමයේ සංකේතය වූ බැවිනි.

එක් වරම ඔහුගේ දුරකථනය නාද විය. ඇමතුම ගත් ඔහු දුරකථනය කනෙහි තබා ගත්තේය.

" මේ මිස්ට ජිමින්, ද "

ඔහු මොහොතකට ගොළු විය. මේ ඔහුමද, ඔහුද මේ, මේ හඩ..ඔහුගේ සිත එකදිගට කොදුරන්නට පටන් ගත්තේය.

" ඔව් මම ජිමින් "

ඔහු අමාරුවෙන් වචන ගළපාගත්තේය. දුරකථන ඇමතුම ලබා ගත් පුද්ගලයා අද දිනයේ ලබාගත් කැමීලියා කළඹ වෙනුවෙන් ස්තුති පුද කළේය. ජිමින් ද ඔහුගේ ස්තුතිය සතුටින් බාර ගත්තේය.

දුරකථන ස‍ංවාදයේ අවසානය වෙත ඔවුන් පැමිණියහ. ජිමින්ගේ සිත ඔහුගේ හඩ අවදි කරන ලෙස ඔහුට බල කරන්නට විය.

" මට මිස්ටගේ නම දැනගන්න පුළුවන් ද"

ඔහු සිතට අවනත විය. ජිමින් කාරුණික ලෙස ඔහුගෙන් ඇසීය.

" යුන්ගි. මින් යුන්ගි"

සංවාදයෙන් පසු ඇමතුම විසන්ධි විය. දුරකථන තවමත් අතෙහි රදවාගෙන ඔහු බලා සිටියේ ඉදිරියේ වූ බිත්තිය දෙසය. පීච් වර්ණයෙන් පාට කළ බිත්තියේ ඔහුගේ මේසය අසලට වන්නට අලවා තිබූ සමරු සටහනෙහි ඔහුගේ දෑස් රැදී තිබීය.

ඔහුගේ සිත කිසිදු දෙයක් සිතා ගැනීමට නොහැකි හැගීමකින් පිරී තිබුණද ඔහු ලබා දුන් කැමීලියා කළඹ පිළිබඳව ඔහුට ඇති වූයේ අහිංසක ආඩම්බරකි.

කැමීලියා සහ ඔහුගේ නම හා එක්ව ඔහුගේ ඒක පාර්ශ්වික ප්‍රේමයට තව තවත් වැඩෙන්නට ඔහු ඉඩ හැරියේය.

............................................................................................

-wind_road-