اتفاقيه زواج

السابع

قعد عمر على كرسى وهو منزل رأسه ومشبك أيديه : من يومى وكل الناس بتقرب منى علشان بابا او طمع فى فلوسى عمرى مكان ليا صاحب بيحبنى لانى عمر مش الانى ابن شريف السيوفى لما جيت فرنسا قررت إنى هغير كل ده دورت على شغل بسيط وفكرت انها فرصتى محدش هنا يعرفنى وكده هيكون ليا صحاب بجد كمل بسخريه وحبيبه تختارنى اتعرفت على جمال كنت مفكره صاحبى وحبيته بجد كمل بحزن وهو بيضغط على أسنانه اعتبرتو صاحبى الوحيد بعد فتره بدئت اتعرف على فريده وبقينا صحاب وغلطت وعرفتها على جمال ضحك بتريقه كان ثقه بقى غمض عنيه بضيق لاحظت انها بدئت تبعد عنى وفى يوم اتصلت بيا رحت لقيت هدومها مقطعه وبتبكى بحرقه قالتلى ان جمال هو الكان بيخليها تبعد عنى وانه كان بيهددها بيا مقدرش يستحمل ان واحده رفضته واختارتنى وهى فكرانى فقير وحاول يتعدى عليها بس هى منعته كنت ممكن اقتله بس فريده منعتنى

قعدت نور بصدمه مسكت كتف عمر بحزن عليه: علىشان كده بتحب فريده

زفر عمر وهو بيرجع بضهره لورا ويرفع رأسه لفوق: انا عارف ان فريده فيها عيوب كتير بس كفايه انها اختارتنى وانا عمر وهى مش عارفه حاجه عن ثروتى

غمض عنيه بضعف وبهدوء: فهمتى ليه عايز ابعدك عن جمال انا بعترف إنى بشوفك صديقه ليا وعلشان كده مش عايزك تتجرحى أو تتخدعى بيه

نور بهدوء وهى بتعتدل فى مقعدها ومركزه نظرها عليه: فهمت بس انا مش هقطع علاقتى بجمال

نزل عمر رأسه بصدمه وفضل مركز عيونه عليها بصوت ضعيف هامس : انتى مش مسدقانى

قربت منه نور وهى بتمسك أيده بحنان: انا مسدقاك بس مشفتش من جمال حاجه تخلينى اسيبو ممكن يكون اتغير أو انت فهمت الموضوع غلط

بعد عمر أيد نور بغضب ووقف : براحتك انا كنت خايف عليكى

مشى بعصبيه لاوضته

دخلت نور اوضتها نامت على السرير وهى مركزه نظرها على سقف اوضتها بتفكير مسكت صوره جدها : برأيك ايه الحكايه وايه الحقيقه قعدت على السرير : عمر مكنش بيكدب كان باين عليه الحزن غمضت عينها بقوه والشفته النهارده من جمال مقدرش اقول انه يعمل كده

رمت جسمها على السرير وضغطت على عنيها : وبعدين اكيد فيه حاجه حصلت غير كده بعدت أيديها وزفرت بضيق وانا مالى كلها سنه وهمشى ولا هشوف عمر ولا هشوف جمال غمضت عنيها ونامت

مسكت جنى القهوه بضجر : بقولك ايه ايه الحاصل بينك انتى وعمر

نور حطت نور رأسها على الطربيزه بنوم : بتسألى ليه

جنى وهى بترفع رأس نور بفضول: انا حاسه ان فيه برود بينكم انتو ليكو اسبوع كده والنهارده لما شوفتو بعض مبتسمش ليكى حتى

نور بملل وهى بتشرب القهوه حركت كتافها بعدم اهتمام: مضايق من علاقتى بجمال

جنى وهى بترجع بضهرها لورا: والله انتى حظك يفلق الصخر متجوزه واحد عسل ومصاحبه واحد كريمه بالعسل