اتفاقيه زواج

الفصل التاسع

قرب عمر بغضب منهم : تمام انا هعرف ازاى اخليكم تتكلمو

وقفته نور بقوه وهى مركزه عيونها على ليلى : ليلى اطلعى بره

وقفت ليلى ترتعش برعب ودموع وهى بتحرك عيوها بين عمر ونور

عمر بغضب وهو بيركز عيونه على نور  : نور بعدى عنى 

نور بصوت عالى وهى بتركز على ليلى : ليلى بره

بسرعه ورعب طلعت ليلى تبكى من الوضه

بعد عمر نور بقوه ووقعت على الارض قبل ما يطلع عمر وقفه صوت نور : عمر ابوك فى البيت لو سمع هيقبى وضعو خطير

وقف عمر بغضب اتكلم بقهر  وهو بيضغط على أسنانه: انتى بتلوى دراعى

وقفت نور بتعب قفلت الباب ووقفت قدام عمر : اسمعنى

عمر وهو بيحرك شعره لورا بعصبيه: اسمع ايه انى كنت واحد غبى اخته بتلف من وراه والهانم مراته بتساعدها

مسكت نور ايدو وتكلمت بتوسول : اسمعنى الاول واهدى بلاش تعمل مشكله اكبر ابوك مش هيستحمل وامك كمال

سكت عمر وفضل يبص لنور بغضب وهو بيقعد على الكرسى

حكت نور الحكايه لعمر كامله

وقف عمر بغضب : هى وصلت لكده انا هقتلها هى والواطى ده يعنى هى تستغل ثقتنا وتروح تلف فى الشوارع وتصاحب الزباله

نور بعصبيه وهى بتمسك أيده وتجبره يقعد تانى : هو ده الهمك هى حبتو زى ما انت بتحب فريده هو استغل طيبتها ووحدتها

قاطعها عمر بعصبيه وهو بيحرك أيده بغضب : الكلام ده هناك فى لندن وبعدين فين الوحده دى ها ردى كلنا حوليها

نور وهى بتنزل رأسها وتضغط علىها : حوليها مش معاها اختك وحيده ومش حاسه ان معاها حد تقدر تحكيله

عمر بغضب : بلاش اعذار خايبه يعنى ايه معهاش حد وانا رحت فين

نور بهدوء: السؤال ده تسأله لنفسك

وقف عمر بصدمه وصوت هامس : يعنى ايه

نور بهدوء وهى بترفع رأسها : اختك مهمهاش غير خوفها منك هو الخوف المنعها انها تحكيلك مشاكلها هى خصرت شعور الأمان معاك ودورت عليه مع حد تانى حتى الواطى ده عارف انها بتخاف منك عارف انك مش هتسمع ولا تديها فرصه تشرحلك واستغل ده وهددها بيك انت عارف يعنى ايه بدال ما تيجى تحكى مشاكلها ليك يكون خوفها منك اكبر مشاكلها عارف يعنى ايه تتهدد بيك

قعد عمر على الارض بحزن وضغط على رأسه بضعف : انا فشلت انى اكون اخ نزلت دمعه قهر وحسره منه

مسحتها نور بسرعه وبحنيه : انا فاهمك انت كنت بتحاول تحميها

عمر بسخريه وهو بيركز عيونه عليها: طلعت محتاجه اليحميها منى  نزل راسه بحسره