اتفاقيه زواج

الفصل الاول

بعد اخر لمسات المكياج وقفت الكوفيره بانبهار : ماشاء لله قمر 14 تسدقى انا عدى عليا ولا الف عروسه بس انتى احلاهم حتى بصى كده فى المرايه

كانت نور بتتأمل شكلها فى المرايه جمال فستانها   والمكياج ناعم بحجاب رقيق  مغطى شعرها ورقبتها بالكامل يتناقض مع برود ملامحها

دخلت جنى بعصبيه: نور فهمينى ايه الهبل ده انتى اتجنيتى
كانت نظره الاستنكار واضحه على الكوفيرة بغضب : لو سمحتى يا انسه مين حضرتك وداخله تعلى صوتك ليه ده مش أسلوب

ابتسمت جنى بسخريه   : انا الهبله صاحبة  الهانم
 
وجهت نظراتها لنور بغضب : ها يا عروستنا الحلوه كتر خيرك والله إنك افتكرتى تبعتيلى دعوة الفرح

ركزت  نور نظرها على الكوفيره ببتسامه ضعيفه: لو سمحتى سبينا لوحدنا

مسكت الكوفيره شنطتها وهى بتنقل نظراتها بين جنى ونور بحيره : أكيد طبعاً لو حضرتك احتجتينى ممكن تتصلى بالفندق تحت وأنا هاجى لحضرتك

اختفت ابتسامه نور وهى بتقرب من جنى بهدوء : ممكن تعقلى وتخففى جنانك ده علشان نقدر نتكلم بالراحة

فتحت جنى عيونها بصدمه وهى بتتكلم  بعصبيه وصوت عالى  : هو انتى خليتى فيها عقل انا سبتك ترجعى مصر  يدوب يومين يومين يانور اجى الاقيكى هتتجوزى

حاولت نور تبتسم بود بتضغط على كتف جنى بحنان : جنى دى وصيه جدى وكان لازم

قاطعتها  جنى  بعصبية وهى بتبعد أيدها عن كتفها  : هو انتى بتستهبلى ولا اتجننتى بجد الهبل البتعمليه ده ملهوش علاقه بوصيه جدك 

بعدت عنها نور بضيق وهى بتقعد وتبعد نظرها عن جنى : جنى وصيه جدى أنى أدى مستر محمد

ابتلعت كلمتها بضيق وهى بتبتسم بسخريه : قصدى بابا فرصه و أنى أحسن علاقتى معاه لو الجوازه دى مكملتش ممكن شركته كلها تروح وحتى يتسجن

ضغطت على عيونها بقهر : أظن كده عملت العليا

قعدت جنى جبها بضعف وهى بتضغط على أيد نور  بصوت ضعيف بحزن : انتى مش مضطره لده كله المطلوب منك بس أنك تحاولى تقربى من مستر محمد علشان تنسو الفات وتديه فرصته أنه يكون أب كويس وبس كده مش اكتر
بدئت دموع تتجمع فى عيون جنى بخوف : أنا خايفه عليكى

ركزت نور نظرها بحنان  لجنى وهى بتبتسم بمرح  :  هو أنتى لسه هتعرفينى النهارده ولا إيه يا روحى أنا بيتخاف منى مش عليا

منع رد جنى  دخول منظمه الفرح وهى مبتسمه : الف مبروك احنا هننزل بعد خمس دقايق ياريت تجهزى نفسك يافندم

فى الناحيه التانيه  مصطفى بضجر : مالك يا عم ما تفرد وشك شويه بدال مانت عامل زى الستات فى محاكم الأسره كده