صحى عمر على صوت بيناديه فتح عيونه ببطء لقى نور لابسه اسود مقدرش يميزها وبدء يصرخ : أشهد أن لا اله إلا الله قل أعوذ برب الفلق
نور بدهشه قربت منه وهى بتحاول تمسك أيده : اهدى مالك
وقف برعب : كمان جنيه وهو بيحاول يجرى وقع من على السرير
فتحت نور الأنوار بسرعه : عمر اهدى وراحت نحيتو مسكت كتفه بحنان تحاول تهديه : عمر خد نفس انا نور أهدى
حط أيده على قلبه و حاول يظبط تنفسه : انتى ياشيخه منك الله انا فتكرتك عفريت فيه حد يصحى حد كده بص على الساعه كمان دلوقتى
ابتسمت نور براحه وقعدت على السرير : انا كنت بحاول اصحيك تصلى الفجر
قعد عمر بدهشه على السرير: انت بتتكلمى جد
نور : لا بهزر طبعا جد صحيت اصلى ومسمعتش صوتك قولت اصحيك تصلى
ابتسم عمر بمرح ورد بصوت نعسان : المفروض تنورى النور الاول افرض مكنتش عرفتك وافتكرت أنك حرامى مثلاً وضربتك كان هيحصل ايه
ضحكت نور وحركت شعره الكثيف والعشوايء من أثر النوم: أولا انا معرفتش مكان النور ثانيا تضرب ايه ياعم دا انت كنت شويه وهتجيلك سكته قلبية بعد الشر يعنى
حرك عمر شعره بإحراج : انا فتكرتك عفريت
نور بضحكه: مسدقاك انت كان ناقص تغنى يا طيباه علىشان انصرف
نزل عمر رأسه بإحراج
ضربت نور رأسه بخفه وبابتسامه : عادى مفيش داعى تتحرج ده موقف طبيعى وانا اسفه المره الجايه هخبط على الباب بس اوعى تحاول تردهالى لانى فعلا هتجينى سكته قلبيه
ضحك عمر وهو عارف انها بتحاول متحرجوش : موصلتش لدرجه ياطيباه بس قطع كلامه وهو فاتح عنيه بدهشه : استنى انتى صاحيه مخصوص للفجر
حركت رأسها بالموافقة وكملت بتعجب : ليه بتسأل
رد وهو بيحط ايده على رقبته اصلى يعنى هو
قاطعته نور وهى بتميل رأسها على جنب : لانى اجنيبه وتربيت وسط الاجانب صح
سكت باحراج
تابعت كلامها وهى بتركز بنظرها بعيد عن عمر: اسمعنى انا عارفه انك فاكرنى متحرره جدا وده صح نسبيا انا عشت حياتى كلها بره فطبيعى اكون متحرره بالنسبه لتقاليد وعادات كتير فى مصر وده بحكم عيشتى فى المجتمع الغربى بس انا كمان عارفه كويس حدودى علشان دينى وتربيتى فاكيد عمرى ما هتخطاها يقبى ازاى هتخطى اساسيات دينى ذى الصلاه انت فاهمنى
سكت عمر وهو حاسس انه طالب نسى الواجب وبيتهزق من الأستاذ
زفرت نور بهدوء و ببتسامه: مش مشكله وقفت ومدت ايدها ليه يلا ولا ناوى تنام
أنت تقرأ
اتفاقيه زواج
Roman d'amourشاهدها لأول مره فى يوم زفافهما اضطرا للزواج فغيروه من زواج مصلحه لإتفاق صداقه بينهم قررو أن يكونو أصدقاء لمده عام ثم يكون الإنفصال هو نهايه الإتفاق لكن للقدر كلام آخر ارجو تشرفوني بالمتابعة ❤🤗 (مكتمله)
