*حياتي*

*حياتي🔥*

بقلم مروه احمد

البارت الرابع عشر

وقفنا لما نزل اسر وملك وشافوا هنا مع فهد

اسر بصدمه: هناا انتي بتعملي اي هنا ومين الي معاكي ده

ملك بصدمه: فهد انت بتعمل اي هنا وتعرف هناا من اين

اسر: انتي تعرفيه

ملك: اااه اعرفه

فهد: انت مين وبتعمل اي مع ملك

هنا بخوف: ده اخويا اسر يا فهد و دي تبقي خطيبته

اسر بعصبيه: مين ده يا هناا

هنا بخوف ودموع: ده ده

اسر بغضب: انطقي مين ده

فهد: انا فهد عماد الدين ابقي زميل هنا في الجامعه

اسر: ايوه بس هي بتعمل اي معاك

فهد: انا بصراحه بحب هنا اختك ومرتبطين

اسر اتعصب ومسك فهد من قميصه

اسر بعصبيه: نعم يا روح امك بتحبها اي

هنا بدموع: اسر سيبه ارجوك انا بحب فهد

ملك: اسر سيبه واسمع منه الاول

فهد: اسر شيل ايدك وتعالي نقعد نتكلم مع بعض بهدوء احسن

اسر ساب فهد وطلعوا المطعم وقعدوا الاربعه مع بعض
....................................................................
عند حياه ويامن
استيقظت حياه من نومها فوجدت ان يامن مازال نائم فنظرت له تتأمل ملامحه الرجوليه الجذابه
حياه بحب: انت جميل اوووي وانت نايم بس عليك كمية برود فظيعه انا معرفش انت مين وعايز مني اي بس الي اعرفه اني وثقه فيك و حبيتك ومش عايزك تبعد عني انا عارفه ان وقتي معاك قليل بس بتمني انك تفضل معايا ومتسبنيش لاني مش هقدر اعيش من غيرك

ثم ذهبت الي الحمام
اما يامن كان قد سمع كل شئ قالته
يامن: لا مش لازم تحبيني انتي الي هتمشي لما تعرفي الحقيقه انتي الي هتكرهيني وانا لازم ابعدك عني قبل ما اتعلق بيكي اكتر سامحيني

ليقاطعه من تفكيره خروج حياه من الحمام

حياه بأبتسامه: صباح الخير

يامن ببرود: صباح النور اجهزي عشان هنمشي كمان ساعه

حياه: هنروح فين

يامن بعصبيه: والله انا خاطفك يعني مش من حقك تسألي عن حاجه بس الظاهر اني دلعتك بزياده

حياه بنفس العصبيه: اولا انت مش خاطفني بابا هو الي قالك تحميني ثانيا من حقي اعرف هنروح فين

يامن ببرود: لا مش من حقك وخلصي واجهزي

حياه بغضب: باارد