:وإن أغراك تكاثر النساء من حولك ما هُن إلا لؤلؤاً من عقد خلخالي😌🤍.
///////////////\\\\\\\\\\\\\\\\\
ليلاف:كعدنه الصبح اتريكنه هوه ماكو بل دوام التحق كملنه بين الضحك والسوالف رحنه لبيتنه الجديد اول مطب حديقه حلوه وطرمه جبيره بعدين المطبخ وعلى اليمنه هول زغير حلو وحمام (أجلكم الله)وغرفتين جوه وستقبال مقطوع بي باب على الطرمه وفوك غرفيتن وحمام أجلكم الله حلو مرتب غسلنه جابو الغراض رتبنه كملنه بقت بس الملابس انصفطهن هلكنه تعب
رقيه:اخخ ولجن بووويه رجلي متت
ريم :ولج ليلاف جواعنه كومن خلي نتغده بيتنه ونرجع انكمل
اسيل:اي يلا بنات كومن ماما كالت كملن وتعالن
ليلاف:يلا لعد كومن كمنه قفلنه البيت ولبسنه العبي اجه علي رجعنه لبيت جدو طبينه خاله ام جسار مسويه برياني وبانيه اول مطبيت صحت خاللتوو جوعانه
ام جسار:يمه سوده عليه تعالن هسه راح اصب
ليلاف:اسمالله خالتوو
رقيه:اي عيني بس اليلاف سوده عليه وهيه تباوع صفح ليلاف
ام جسار:كلجن نفس المعزه بس ليلاف معزته تختلف هاي مرت الغالي
ليلاف:جنت واكفه دشرب مي طلع المي من خشمي والبنات فتصن بل ضحك وجهي اشتعل نار ماما جانت كاعده وبيبي صبينه اكل كعدت اكلت كملنه ضي غسلت الاماعين طبينه كعدنه بغرفه بيبي انسولف جان ايطب بملابسه مال الدوام رفعت راسي ضليت صافنه على الكتله مال الجمال الواكفه كدامي يمه كلبي ماحس اله ميساء السحاره طفرت يمه وتتموع اني اشتعلت بودي اضربها بل كلاص مال الجاي
بيبي:يا هلا بهل طول وليدي
جسار:هلا بيج حجيه تقرب باسه براسه
بيبي:يمه لكيتك مرا تلوك الطولك الحلو
جسار:ضحكت ورفعت حاجبي اي حجيه منهو هاي المرا
بيبي:يمه انته بس كول تم والباقي على حبوبتك
جسار:بيها الخير حجيه
ليلاف:همه يحجون واني صافنه على هاي شلون خجلت وجه الجوب عبالك ديحجون عليه اني صدك طكت الخبالات جنت كاعده بصف بيبي وهوه كعد كدامي وهيه بصفه ورقيه كاعده بصفي واسيل بصف بيبي مناك حجت رقيه
رقيه : والله يا خويه اذا لبالي ادبجلك سبع ليالي وذا مو لبالي حتى عرسك ما حضره
جسا:بويه ليش منهو البالج وهوه يرفع حواجبه
رقيه:تعرفها وكلنه نعرفها
اسيل:ترا دخنه بل الغاز منو المقصود ليلاف لو اني هههههههههههه
ليلاف:من حجت اسيل هيج وجابتها بشقه وهوه باوع عليه وغمز اني درت وجهي اشتعل نار وهوه ارفع راسك وطكها بضحكه بصوت عالي حتى اني ضحكت والمسمومه بس تخوزر متحملت طلعت من الغرفه
بيبي:انتي شنهو اليمصكوعه اني بالي وحده اله اخذه اخذه اله ادري بي عاشكها
ليلاف:تحجي وتباوع عليه كلت الوضع حيتأزم خلي اطفر احسن طلعت من الغرفه والبنات طلعن ورايه اضحكن ويصنفن على شكلي هوه صعد يسبح واني صعدت الم ملابسنه الي يمهم طبيت للغرفه لميت الملابس مالتي ومال اسيل ولبست الجبه والشال حتى انروح انكمل ونام بيتنه الجديد لان باجر اول يوم الي بهاي المدرسه الجديده والبنات ويانه طلعت جان ايصير بوجهي سابح ومبدل والعطر ايهف ضليت صافنه علي اني قبل لا جنت اعيب على الي يلبسون دشاديش وشماغ اكول عيع عربان بس من شفتها علي لااا الدشداشه اله اتلوك وغيره لا نزل ابتسم وتقرب عليه
جسار:ها بويه وين رايحه
ليلاف:ها مو دنروح لبيتنه الجديد كملنه
جسار:بيها الخير بويه عجبج البيت
ليلاف:اي عمو حلو
جسار:بهمس عموو
ليلاف:هاا شنو
جسار:لا بويه ماكو شي باجر اداومين انتي وختج مو
ليلاف:اي عمو انداوم ويا البنات
جسار:خوش بويه باجر انه اوديجن ويا البنات
ليلاف:لا عمو مشكور احنه انروح
جسار:وهوه يتقرب عليها بويه هيج انه جبير ودكوليلي عمو
ليلاف:يتقرب ويحجي همس متت من الخجل دنكت راسي وحجيت مو انته اكبر مني واني استحي منك فا اصيحلك عمو
جسار:بويه عوفي چلمه عمو صيحيلي شيخ ارحم من جلمت عمو
ليلاف:رفعت راسي اباوع بعيونه لونهن بلون الدشداشه رصاصي الوانها تتقلب ويا الاوان اليلبسهن همست بصوت ناصي شيخي هوه بهت وتقرب اكثر
جسار:ها يبعد شيخج
ليلاف:استوعبت شحجيت كتله ها لا ماكو شي عمو بعدني ممكمله حجايتي حسيت شفته طبكت على شفتي جسمي رجف لا ارادي مثل ذيج المرا ابتعد وحجه بصوت خدران
جسار:بويه ليش تعانديني لتصيحيلي عمو شيخ احسن وذا اسمع كايله عمو بعد هاذ يكون عقابج فاهمه يبعد شيخج حجاها وغمزلي
ليلاف:دنكت راسي وكلت حاضر شيخ
جسار:عفيه ببنيتي يلا ننزل قبل لا ارتكب الجريمة حجاها وضحك
ليلاف:ها لالا حنزل نزلت اني وهوه ورايه كلسع ايذب حجايه
جسار:بويه مو طول يكول نبعه ريحان
ليلاف:هوه يحجي واني كلسع اتعثر وهوه يضحك شافتنه بيبي جانت واكفه تتوضه رفعت ايدها ودعت همزين ما كو احد بس احنه
بيبي:يمه بيوم التنزلون بصباحيه عرسكم وافرح بيكم
جسار: ادومين يلغاليه بوجودج اهمشي اخذت الموافقه النهائيه حجيه
ليلاف:همه يحجون واني اتبلعم فشلت من بيبي عفتهم وطلعت جانت ماما وام جسار والبنات رايحين للبيت مالتنه طلعت بل طرمه واكفه اجه لزمني من ايدي ومشه كتله عمو هد ايدي عيب روح احد ايشوفنه
جسار:انه اشكلت على جلمت عمو يول يحجي بعصبيه
ليلاف:اسفه نسيت بعدني داحجي وباسني بس هل مرا معافني اله حسيت مروره الدم وختنكت اريد هوه يلا عافني وكال كلمه اتكولين عمو هيج تكون عقوبتج
ليلاف:دنكت راسي وهوه يحجي همس نبره صوته اجننن طلعنه اني ويا وصلني للبيت وهوه راح طبيت شفت البنات واكفات ديروحن جلبنه بيهن مقبلن يبقن ودعناهم وطبينه للبيت رتبت الملابس وحضرت ملابس المدرسه كملت كلشي صاحتني اسيل انزل اتعشه كتلهم ماريد صعدت تلهف
اسيل:وذا اكلج بابا عزم سياده النقيب على العشه هم متنزلين
ليلاف:جنت داطلع ملابس اطب اسبح حجت هيج طفرت كولي والله بابا عزمه
اسيل:والله كله تعال اتعشه هنا يمنه كاله اكمل شكم شغله واجيكم
ليلاف:يمه حيجي يعني شلبس هاذ لو هاذ شخلي بوجهي وخري عني خلي اسبح حتى انزل
اسيل:يمه يمه باعي شلون انخبصت ولج علكيفج راح اتموتين ونبتلي بيج هههههههههههه
ليلاف:عابتلج غير حبيبي وحيجي شتريديني اضل كاعده
اسيل:ولج ليلوف شكلتي منو حبيبج
ليلاف:حبيبي وروحي وشيخي وكل دنيتي
اسيل:يمه يمه الحك شيخ جسار عليها ولج والله لو يسمع هيج تحجين لا صدك يجينه بل تفكه ياخذج وينهزم بيج هههههههههه
ليلاف:ضحكت واخذت ملابس وطبيت سبحت طلعت لبست تراكسود احمر وبي اسود خليت مورد خدود ومسكاره وكحله برزت لون عيوني اول مرا اخلي كحله خليت مورد للشفه وسويت شعري ذيل حصان جففته بل شسوار رشيت عطر حتى اضافيري صبغتهن لو احمر ورشيت عطر طلعت عروس طبت اسيل ضلت صافنه
اسيل:ولج يمصكوعه علايم بيبي هاي شطالعه وين رايحه عدنه حفله ولج مرت الرجال متكشخ هيج كشخه
ليلاف:يعني حلوه لتهبطين معنوياتي رجأن
اسيل:ولج يا حلوه غير صاروخ ارحمي بحال سياده النقيب خطيه هههههههههه
ليلاف:دنحجي سمعت صوته كلبي كام ايدك نزلت اسيل وحجت
اسيل:يلا ليلوف انزل قبل استقبل نسيبي هههههههه
ليلاف:نزلت واني نزلت وراها جان واكف ديغسل على المغسله رفع راسه شافني رأسن اندار عليه وفتح عينه ابتسمت على ردت فعله وخجلت بنف الحضه
تقربت علي اخذت منشفه انطيته اله اخذها وحجه بصوت رجفني رجف
جسار:بويه شطالعه ارحمي بحالي وين انطي وجهي بهليل
ليلاف:متتت خجل دنكت راسي ضحك وباسني بخدي وطب للهول يم بابا طبيت للمطبخ ماما جانت اتحضر بل عشه شافتني حجت
نورس :يمه صلوات على محمد وين رايحه العرس
اسيل:عوفيها فرحانه يمه اجها حبيب الكلب ههههههههه
ليلاف:ضربتها على راسها وحجيت بصوت ناصي لا ماما تسمع انجبي عابتلج همزين ماما مسمعت جان انفضحت
كملنه عشه ونقلنه الاكل اني واسيل بابا جان ايسولف ويا وهوه عينه عليه جنت ادنج اصفط السفره وهوه يباوع رفعت راسي لكيته صافن على صدري بعدين خزرني خجلت طلعت كلت الاسيل انتي كملي نقل واني حجيب الصمون جبته وكعدت كباله وبصفي اسيل هوه كلسع ايباوع عليه ومنطلق يحجي ويا بابا ويضحك ابتسمت على ضحكته ودعيت من الله متغيب من وجها اندار عليه لكاني صافنه عليه وابتسم رفع حاجبه وغمز دنكت راسي واسيل همست باذني
اسيل:يماااااااا باعي النضره ولج اووووي ليلاف
ليلاف:ضحكت عله حجايتها كملنه اكل صبينه جاي هوه ضل يسولف واني اباوع علي صارت بل ١١ استأذن كال
جسار :حلوه الكعده وياكم هم يلا باجر ورايه دوام عمي انه اخذ ليلوف واسيل ويا البنات للمدرسه
احمد : بعد عمك راح انزحمك ويانه
جسار:لا يعمي تعبكم راحه يلا اودعناكم طلع اني طلعت ورا التف عليه وكال
جسار:بويه طبي جوه بارده عليج
ليلاف:لا عادي اوصلك للباب واطب باوعلي وبتسم
جسار:تعالي
ليلاف:ها
جسار:شبيج بويه تعالي تقربي
ليلاف:اتقربت شويه همست ها شيخ شبيك هوه صافن على شفتي عرفته شحيوسوي تقرب باسني بهدوء وتبعد
جسار :ام عيون الغزلان دوهنتيني بعشكج يبعد شيخج وطوايفه
ليلاف:يحجي بهمس واني جسمي يرجف من نبرت صوته
جسار:طبي جوه بويه بارده عليج
ليلاف :بتسمت بخجل وطبيت صعدت كلبي ايدك وطايره فرح طبيت للغرفه اسيل كمزت عليه شحجه وياج شكال كتلها مكال شي نمت على جربايتي واني الضحكه مرسومه بكلبي وعلى شفتي ............يتبع
:أنا التفرد بينهُن' من قال أني مثلهُن 🤍 ؟ .
طبعا كلش اعتذر على التاخير الصار بس عندي دراسه هواي وما الحك احك شعري استلمونه بهل متحانان ركع انشالله حسوي كل اربعاء وخميس وجمعه انزل بارت +كلش احبكم 🤍
