:شجابچ ع گلبة يالمالچ مكان
منين اجاچ الواهس وحبيتي ؟
////////////////////\\\\\\\\\\\\\\
جسار :رجعت من الدوام طبيت للمضيف سلمت على عمامي وكعدت يمهم سولفنه شويه وترخصت منهم كمت طبيت للبيت شفت عماتي وخالتي تغريد عدها ٢ بنات ميساء ورشا ميساء ابد ما ارتاحله عكس اختها رشا اول مطبيت كمزت يمي
ميساء :هلو شيخ شلونك شلون صحتك مشتاقين
جسار:هلا بيج بويه ميلت راسي وكلت تحت رحمته درت على رقيه كتله حضريلي ملابس عفتها وصعدت فوك بعدني اول بايه بطابق الثاني حسيت احد حضني من ورا انداريت شفتها ميساء صرت ناررر من العصبيه حسيت على طبكت باب البنات باوعت ليلاف تباوع مصدومه لا يالله هسه عباله عندي شي وياه رجعت طبكت الباب التفتت عليه واني موجر نار
جسار:شهل تصرف مال جهااال انتي ما تستحين شهل تربيه السزز بصياح
ميساء :حس بيه والله احبك وهيه تبجي
جسار:ولج شكد شايف رخيصات مثلج مشايف يا ادبسزز ضربتها راشدي اريدها تصحه على نفسها عفته وصعدت طبيت غرفتي واني نارر موجره ضليت افكر هسه عباله عندي شي وياها كعدت على الجربايه شغلت جكاره ضليت صافن على هل جرأه مالتها الادبسزز ........
////////////////////////\\\\\\\\\\\\\\\\\\\\\\\
ليلاف : فتحت الباب انصدمت من المنضر الشفته كدامي بنيه ماعرفتها منو حاضنه جسار من ضهره وهوه ماسوه رد فعل اندار شافني اني رجعت وطبكت الباب جسمي يرجف هاي منو الي حضنته معقوله ايحبها اي اكيد لعد شلون حضنته اني غبيه فكرت بي ضليت افكر واضرب على راسي اني ليش فكرت بيك لييش معقوله حبيته لالا نزلت دمعه من عيني مسحتها بقوه لاااا مو ليلاف التضعف اني اعلمك شيخ جسار ابو النسوان طلعت تراكسود اسود بي خطوط من الجوانب بيضه وعلامه نايك اخذت ملابس وطلعت سبحت رجعت للغرفه خليت مورد خدود ومسكاره ضفرت شعري ضفيره هنديه رشيت عطر ونزلت اول مطبيت للهول ضلو صافنين عليه وعماتي وخاله ام جسار ايصلن على محمد
عمه سها :اللهم صلي على محمد وال محمد يمه شهل جمال خيه نورس بتج محجوزه القيس
نورس : هههههههه كبعيه وخذيها
ام جسار: عين الحاره بارده عليج بنيتي
ليلاف: ابتسمت بوجهن تقدمت كعدت يم البنات
رقيه :ولج ليلوف شهل جمال اتخبلين حبيبتي ولج لو ايشوفج شيخ جسار ايطير والله ههههههههه
ضي :فدوة اتخبل بت عمي
اسيل:عيني اسكتن روح تحسدن اختي وهيه اتغم بعيونهن
ليلاف:متت ضحك عليهن سالت رقيه اكلج رقيه هاي منو المرا
رقيه :شبيج هاي خالتي تغريد وهاي بناتها ميساء ورشا ميساء ماحبها لتتقربيلها
ليلاف:اباوع عليه تخزر بيه عابت اي والله تعرفت على رشا حبابه بشكل عكس اختها المسمومه جنت كاده ومطيه ضهري للباب ومنطلقه احجي واضحك لحد مسمعت صوته
جسار:يمه راح اطلع للمضيف تردون شي
ام جسار:لا يمه اريدنك سالم
جسار : تسلمين يلغاليه
ليلاف:ضليت على كعدتي متحركت ولا نطيت اي رد فعل بس رجفت جسمي خانتني مادري ليش هيج ايصير بيه من اسمع صوته باوعت على هاي كمزت وصاحت
ميساء:شيخ جسار ممكن طلب وهيه تباوع على ليلاف بسم
جسار: عندي شغل هسه بعدين عافه وطلع
ليلاف:رغم اني محرروك كلبي من الموقف بس ابتسمت بستهزاء على فشلتها تباوعلي بسم درت وجهي ضليت اسولف ويا البنات بعدين سالت ماما على البيت كالت
نورس :باجر من الصبح انروح انغسله وينقلون الغراض
ليلاف:تمام ضلينه كاعدين ونضحك ويا بيبي واسيل
اسيل :بيبي سولفينه شلون اتعرفتي على فاندام اوو العفو جدو
بيبي: سدي بوزج لج شنو فاليوم منهو هاذ
اسيل:بيبي فاناد فاندام مو فاليوم ممثل أمريكي سويتي فاليوم فد اشويه اتصيحيله بولستان
بيبي:شمدريني يمصكوعه شطلعيلي اسماء
اسيل:بيبي هسه دسولفيلي على بطولاتج انتي وجدي
بيبي: وعاجبتج اتقلدين ام حلك الفاهي ولج اتخبل عليه يلا اخذني جان عمر ١٧ اطلع للبستان هوه يلحكني انضل انسولف لحد ما ابوي لكفني بوكتها كتلني كتله ومن سمع جدج مكتوله اجانه يركض بتفكه مالته واخذني من اهلي بعباتي لحد ما خلفت حامد يلا اهلي صالحوني
اسيل: دهر صابج يا ساميه عندج ٩ اخوه وطلعين بل بساتين انتي وردام لعد احنه شنكووول ولجن بنات سمعتن امشن نطلع للبستان
بيبي: هع ام حلك الفاهي غابل (قابل) مثل حب هل وكت ولج ايدي ملازمها جدج بل حرام اله واني على ذمته مثل هسه تحبل قبل العرس
اسيل : شلون بيه بيبي كليلي اريد واحد نفس جدوو ترا طكنه الجاف ارحمونه عاااد
بيبي :كومي منا ولج لا اكسر العصه على ضهرج ولج نويرس مين جبتي هل بنيه شنو من السان
نورس :هههههههه ولج اسيل عوفي بيبيتج راح ترجع عليه ولج
اسيل : عفته عفته بس والله راح اضل اني وياج عداوه لحد متلكيلي رجال مثل ردام
بيبي: ولكم جيبولي هل بنيه خلي ادبها شويه
ليلاف: متنه ضحك وراها كمنه للمطبخ اني والبنات انحضر بل عشه رقيه ومريم وكفن ايكلن واني وريم وضي انحضر واسيل فوك راسنه اتلكف ونعيط بيها ورشا واكفه تضحك ضلينه انسولف طبو الولد نمر ونمار وقيس وعلي سلمت عليهم ضل علي ونمر ايحششون على اسيل واسيل كلسع ذابتلها حجايه على علي وعلي ايكب عليه واحنه نضحك سمعنه صوت جوهري من ورا الولد
جسار:شهل صوت الضحك بويه عيب من الوادم جهال انتم
نمر :السموحه شيخ بس هاي ام لسان استلمتنه حاصل فاصل
ليلاف:مجاوب نمر اندار عليه سويت نفسي اعدل بل كلاصات واني اراقب نضراته الي حركتني حرك تقرب يم ياخذ كلاص همس وهوه حاد سنونه
جسار:غيري ملابسج وحطي شي على راسج لا ادفنج هنا
ليلاف: يحجي وعيونه ناطه من العصبيه ماجذب خفت بس استجمعت قوتي وباوعتله بتحدي العفو عموو هاذ لبسي وتعمدت اشد على كلمت عموو عيونه بكصته صارت اني عفته ورحت وكفت يم رقيه
جسار: طلعت من المطبخ صحت رقييييه تعالي وراي
رقيه : يمه ياستار شبي شيخ جسار ليلاف خاف على لبسج
ليلاف: مابي شي لبسي ترا راحت رقيه واجتي ورا شويه
رقيه: ليلاف ايكول خلي تصعد تبدل ملابسه لا اجي اجرها واني ابدللها
ليلاف : والله ما ابدل لو تطلع نخله براسه مابيهن شي ملابسي ومستورات وماكو احد بس ولد عمي هناا جنت احجي ومن فعله انداريت شفته واكف وعيونه ناطه عليه صاح بصوت عالي
جسار : هسه اصعدين اتبدلين بسرعهههه وذا فكيتي حلكج اتشوفين شي ميعجبج
ليلاف: خفت كلش وصوته جان عالي طلعت من المطبخ صعدت الدرج ركض فشلت من رشا وهاي العاره جانت واكفه تضحك اول ما طبيت الغرفه انفجرت بل بجي اني اصلا جنت على شعرايه بس احد ايكلي بز ابجي ضليت ابجي بحركه وادردم اي ابو النسوان ايفشل كدامها والله لو تموت ما ابدل واعلمك النسوان شجيب ستاذ جسار جنت احجي بحركه واطلع بل ملابس اشمر بيهن حسيت صوت الباب انطبكت حيل والقفل انطك انداريت شفته واكف كدامي بلعت ريكي بسلا سمعني عزا بعيني .......يتبع
بنات طبعا اني كلش اعتذر على التأخير بس والله عندي دراسه وهسه يلا تفرغت وهاذ بارت لعيونكم واعذروني عن التقصير +احبكم هواي
الكاتبه:
Zahraa 🤍✏️
يا المثل النفس بالروح ما تنمل.🥺🤍
