تَرَاكَمت الأُمُور عَلَى قَلبِي أَين أذهَب ؟ ".
///////////////////\\\\\\\\\\\\\\\\\\\\\\\
ليلاف: من بعد مسافرو اهلي اني انطويت مادري حساس بداخلي ايكلي اكو شي حيصير وطبعا مثل متوقعت كعدت ساعه ب٨ حييل صارلي شكد نايمه كمت لميت شعري ولبست حجابي نزلت غسلت وجهي وطبيت للهول كلهم ملتمين خاله ام جسار وخاله ام ضي وعمو وجدو وبيبي والولد جانو يحجون من طبيت سكتو سلمت عليهم ورحت كعدت يم البنات سالت على اسيل كالو دتسبح فوك كاعده يمهم بس بالي مو وياهم هسه دكولون شلون هيج اتحسين وبيش مفاولتلهم بس اني من احس ابد ميخطأ احساسي كطعت سلسلت تفكيري خاله ام جسار
ام جسار: يمه ليلاف ليضل بالج دكينه على اهلج قبل ساعه واصلين وهمه هسه بل فندق
ليلاف:هاا تمام علي ونمر ايحششون ويداهرون ويا بيبي وبيبي اترزلهم ويضحكون اجوأ عائليه غصه بكلبي على اهلي ابد ممتعوده على فراكهم صافنه عليهم جان يحجي
جسار:يابه حضرو نفسكم اليوم عازمكم على عشه
علي:ونعم شيخ والله وثلاث انعام عمي طاك قابل مثل حضي
نمر:اي يابه الدخل عالي وبعدين هذولاك الناس ضايجين فا كلبه مطاوعه ايشوفهم هيج كلب والده الشيخ
جسار:يولو وخو زينب اذا ماسكتون اسوي بيكم مثل ذيج المرا واضيفكم يمي بل مركز ادبسززيه
علي :لا على بختك شيخنه كلشي ولا ضيافتك تكسر الضهر وعلي
نمر:عمي ياچلمه ردي المجانج روح ايسويها صدك
جسار:يلا بويه شبيجن صافنات كومن بدلن
علي:اي دكومن اجاجن عشه بلاش وين لاكياتها
نمر:هسه ساعه ميخلصن بين ميلبخن الوجه ويلفن الشال وموت يحمار لحد ميجيك الربيع
جسار:طاحضك على هيج مثل اغم مثلك يول صم حلكك وانتن اي مكياج ماريد
ليلاف: همه يحجون واني ابتسم مابيه حيل اروح بس عيب عزمنه كمنه احنه والبنات هنه صعدن قبلي واني رحت للمطبخ اشرب مي هوه طب ورايه
جسار:بويه شبيج ذبلانه هاي اول يوم وهيج صار بحالج جا باجر عكبه تزوجين شلون
ليلاف:دمعت عيوني شيخ ممتعوده على فراكهم واكو بداخلي احساس ماعرف شنو احس اكو شي ورا سفرتهم من حجيت هيج بهت بوجهي
جسار:ماكو شي بويه ليضل بالج ايرجعون انشالله
ليلاف:انشالله
جسار:يلا بويه اصعدي كملي ماضل وكت حتى مناك اخذجن نفتر بعد شتريدين كولي شيخج ممونسج
ليلاف:ضحكت ماعليك زود والله
جسار:فدوة لهل ضحكه يابعدي
ليلاف:خجلت عفته وصعدت طبيت لغرفه البنات لكيتهن مهوسات هاي التلبس وهاي الي تعدل بخلقتها كتلهن شكو ليش هيج كالباتها وبعدين مو كال ماريد مكياج
رقيه :خيه هوه احنه شحاطين بس مورد خدود ومسكاره حتى حمرا محطيت شوفي وجهي عبالك مرت شهيد
ليلاف:ضحكت على حجايتها لبسنه صايه كلنه نفس الشي علايم اسيل طلعنه سيت كلاصات بس الحجاب الوانهن مختلفه رشيت عطر ونزلنه وحده ورا الثانيه تلكونه الولد ايحششون
نمر:ولجن شنهي ماعدجن غير هاي العبايه كلجن نفس الشي هساع حتى اذا اصيح وحده منجن اتيه ياهيه منهن
علي :اي والله يخوي حقك اني هسه وفتر راسي اتحيرن
ضي:على. كيفكم اكلتونه وشربتونه بعدين هاي ستايل جديد احنه نزلنه على عنادكم ياب
نمر :وهوه ايعيب عليها على عنادكم ياب دمشي امشي وجه الجوب استايل ام الباجه
ليلاف:صدك ضحكنه بيبي مكدرت تجي وعمي هم كال ما اروح عاد رحنه البنات والولد ودكو على نمار اجه ويا قيس ابن عمتي سها طلعنه اني والبنات بسياره جسار شي اكيد كعدني بل صدر يمه والبنات ليورا والولد بسياره علي طول الطريق مشغل اغاني ومستمتع ايريد اغيرلنه جو وصدك اتغيرت نفسيتي واسيل هم فرحانه واتصور واجوأ البصره اجنن اول مرا اطلع بيها مشايفه شوارعها اخذنه للكورنيش كعدنه على النهر الجو ايجنن والمكان فد شي طبعا حاجزلنه مكان بس احنه بي خارج المطعم كعدنه وبدو والولد احششون
نمر: اكول ابو الشباب هاذ قميصك من ياباله ماخذه
ليلاف :قصده على نمار لان جان لابس قميص مشجر عبالك شجره
نمار :انجب لك شنو باله هاذ سعره اغله منك
علي : يمعود يا اغله منه ولك غير هوه البرده مال الهول مالتنه ومخيطه مسوي قميص
نمار : انجب انته الثاني
نمر: عوفه يمعود بس من اجه والعباس عبالي من بعيد شجره اجتنه تتمايل بطولها تمايل يا حلاته ومره شفته هلا
ليلاف: متنه ضحك ايغني ويطك ام صبعتين حتى جسار يضحك ويكلهم اخبال اي والله طلبنه احنه البنات كباب والولد طلبو سمج سكف كالو طيب وعلي ونمار يتعاركون هاذ ايكله لك لتاكل لكمتي واهاذ ايكله كبر لفك شاد محرك روز رايز مدلحك بيك ضلينه ناكل ونضحك صدك غيرنه جو وطلعه من العمر وراها كمنه طلعنه ضلينه نفتر بل سياره ورا شويه طبك السياره يم ابو عصاير اشترالنه عصاير طبيعيه شربنه وشترالنه موطه هنا الضحك صار بفلس جسار كال منو ايريد ايس كريم كلنه طلبنه بس ريم مرادت راح جابلنه واجه اخذناها ضلينه واكفين ناكل وريم مو كالت ماريد وهيه كلسع ادكول الرقيه انطيني شويه ورقيه تنطيها لحد ما زهكت جان اتخلي الكبوس بوجها مسحته وخلته فوك راسها صار شكله ايخرب ضحك اني لزمت بطني واضحك وجسار هم متنه الموطه ماعت نزلت على وجها وهيه اتلطع بيها يمه صدك ضحكت من كلبي ودكلها
رقيه:زهكتيني كلسع انطيني ونطيني هاج خوش انطيتج
ريم : طاحضج اي والله باعي شسوت بيه اني اعلمج اردها الج
اسيل : ريم عليج الله ديري عليه خلي اطكلج صوره
ريم : انجبي لج وخري حتى اضحكين عليه وخريي
اسيل: لا والله هههههههههه ولج شو ونبي ماضحك يولي اضل ذكرا صرتي شهيده الموطه هههههههههه
ليلاف: اكلنه وكملنه ورجعنه للبيت والموطه بقت براس ريومه هههههههههه نزلنه جانت الساعه ب١١ كلهم نايمين وريم اول ما وصلنه نزلت تركض قبل ميجون الولد ويشو فها حبيب الكلب واحنه نضحك على شكلها اني اخذت ملابس وطلعت للحمام (أجلكم الله) اسبح سبحت وطلعت. صار بوجهي
جسار: بنيتي بارده عليج اسبحين بليل نشفي شعرج لتتمرضين
ليلا: اي شيخ هسه انشفه داطب للغرفه لزم ايدي وقربني علي
جسار: كوليها بصوت همس
ليلاف: اتوترت من قربه وصوته دغدغ كلبي كتله بفها ه شنوو
جسار: كولي اسمي
ليلاف: شييخ استحي منك متطلع من لساني
جسار: ميخالف بويه كوليها
ليلاف: غمضت عيني وهمست جسار
جسار: عيونه اليوچد (اليشوف) بيهن اخخ شكد حلو اسمي بحلكم يولي
ليلاف: خجلت وخدودي صارن طماطه انوب امدنج عليه عبالك بته باسني بهدوء بخدي وكال
جسار: ساعدني عليه يخو زينب مو بنيه شذراية
ليلاف : سحت معت ضعت مادري وين رحت ههههههههههه عفته وركضت للغرفه وهوه يضحك
جسار: ههههههههههههه جبانه
ليلاف : لزمت كلبي ايريد يطلع من مكانه خرب ببليسك شكد جريئ همزين البنات جانو ملتهين بل تلفونات ايشوفون الفديوات مشطت ورحت لفراشي طبعن اني ورقيه واسيل بغرفه وريم وضي ومريم بغرفه البصفنه بس اليوم كلهن التمن يمنه بغرفه وحده ماكلكم صرنه لحم بس حلوه المه ضلينه انسولف ونضحك على موقف ريم وراها طفينه ونمنه ثاني يوم حست على صوت عيطه قويه فزيت ونزلنه اني واسيل نركض.............يتبع
برأيكم شنو راح ايصير وشنو المنتضر ؟
