الكاتبه: zahraa
مرحبه حبايب حبيت اوضح نقطه طبعا ضي اخت احمد ذكرته زينب صار غلط بل كتابه اسمها ضي مو زينب ....
اليوم التعرف على البطل القصه ...
////////////////////////
جسار.... السلام عليكم اني شيخ جسار من عشيره ال.... معروفه بل بصره موصافاتي عيوني خضر اسمر صاحب جسم وشوارب حسب شغلي اني نقيب بل استخبارات عمري ٣١ عندي اخو واحد وخوات ٢ رقيه وريم وعلي ريم عمرها ١٧ ورقيه ١٨ وعلي ٢٨ عندي عمام ٢ وعمات ٣ عمي احمد عايش بغداد وعنده بنات٢ حسب معرفتي بس بعد اوامر جدي الشيخ ولا واحد بينه يتواصل ويا بس ابوي مرا راحله من اجته ابنيه وبعد ما سمع جدي زعل على ابوي وراها تراضو ونقطعت علاقتنه بي ......
جسار: بيوم راجع من الدوام شفت امي تقربت بستها من راسها شلونج حجيه
هدى : هلا وليدي شلونك يمه اصبلك غده
جسار : ماريد يلغاليه جدي شلون صار بالي يمه
هدى: والله يمه بعده مريض وضغطه صاعد
جسار : اروح اشوفه رحت للمضيف طبيت سلمت على ابوي وعمامي جانو كاعدين تقربت على جدي دنكت بسته من راسه الله يساعدك شيخ ردام شلون صرت شيخي
شيخ ردام: بصوت همس الحمدالله وليدي
جسار : انداريت على ابوي كتله حجي حجزتله يم الدكتور العصر ناخذه
حامد: انشالله شيخ
الجد: بويه شيخ جسار اريد اطلب طلب منك
جسار: امر شيخ غالي والطلب رخيص
الجد : بوسه اريد اشوف عمك احمد وبناته قبل لا الله ياخذ امانته
جسار: عمرك طويل شيخ انشاالله هسه اصعد ابدل واخذ ابويه ونروح الهم اجيبهم واجيك
الجد : بارك الله بيك وليدي
جسار : بويه اصعد ابدل ونروحلهم اني وياك وعلي
حامد: خوش بويه
جسار: صعدت سبحت طلعت لبست دشداشه وعكال وساعه اخذت سبحتي ورشيت عطر وطلعت نزلت وصيت امي والبنات انو حيجون بيت عمي احمد حسب طلبات جدي فرحو هواي بست راس امي وطلعت اتوجهنه البغداد طول الطريق افكر شلون شكل عمي صاير بعد كل هل سنوات ابوي يندل بيتهم وصلنه الهم اول ما فتح الباب حضن ابويه وبجه انعصر كلبي علي
احمد : خويه حامد وهوه يحضنه
حامد : اخخ يا خويه شمشتاقلك
جسار: شلونك عمي
احمد:هلا بويه جسار كبران وليدي صاير تسد عين الشمس
جسار: ابتسمت بحب تسالمنه وطبينه جوه ضلينه انسولف وراها كتله عمي جدي طلب ايشوفك لان مريض
احمد : شبي مريض يحجي بخوف
جسار : ضغطه صعد فجأ ونضرب جلطه بس خفيفه وراها ضلينه انسولف كتله عمي هم يلا نطلع
احمد: اي بس يجن البنات من المدرسه
جسار: طلع عمي احمد وراها بشويه طبو عمي احمد ويا مرته سلمت علينه وطبن وراهم بنات اثنين وحده منهن سبحان الخلق فأبدع بشكله مدنكه راسه مرفعته عكس اختها ضلت اسلم وراها طلعنه قفلو البيت وانطلقنه للبصره وصلنه نزلت يم الساره مالتهم شفته نايمه واختها ادكعد بيها وراها كعدت ضلت صافنه عليه شكد حلوه ضليت صافن عليها هيه دنكت راسها اني انتبهت درت وجهي ورحت يم المضيف سويتلهم مجال حتى ايطبون طبو وشتغل الرمي شفتهن ختلن ورا امهن رفعت ايدي وقفتهم طبو واحنه رحنه بل مضيف اول مطب عمي احمد جدي كعد راحله عمي وحضنه بجه على حال جدي وراها اجوي عالم ايشوفون جدي ويسلمون على عمي احمد طبينه للبيت كلنه ولد عمي وجدي وعمامي سلم عمي احمد على بيبي وراها تعرفو ولد عمي على بنات عمي احمد واني صافن عليها شلون نزاكه وترافه انتبهت على روحي وكمت طلعت صدك جذب شيخ جسار بنيه تهزك لا رحت للمضيف كملت شكم شغله ورجعت برجعتي شفتها واكفه ودتحجي عليه ... حجيت ويا رقيه وطبينه جوه ضلينه انسولف شفت جدي صحه من شاف عمي احمد رواها صعدت نمت لان تعبان حست على دكه الباب صحت منوو
رقيه : شيخ ادكول بيبي انزل تعشه
جسار : اي بويه كعدت
رقيه : ماشي
جسار : طبيت سبحت طلعت لبست دشداشه ونزلت كلهم منجمعين عمامي ولد عمي على الاكل البنات ماكو كملنه اكل اجتي هيه واختها اينقلن بل اكل اني عيوني صارت براسي على لبسها اشرت الرقيه تجي هيه اتلم صبو جاي وكعدنه انسولف والعرفته هيه خامس علمي واختها رابع ضلو يسولفون واني صافن عليه وعلى هدوئه اخذو جدي الغرفته واحنه كل واحد بينه صعد اينام صعدت اتمددت غمضت جان تجي بالي استغفرت ربي تذكرت ضحكتها ويا احمد ابن عمي شتعلت نار ضليت اتكلب كمت طلعت نزلت شربت مي دصعد جان اشوفها دتمشي بتجاه الغرفه مال البنات وبدون حجاب شطتتت حجيت وياها اباوع عليها ترجف واني كلبي يرجف على رجفتها طبت للغرفه واني واكف اباوع عليها انتبهت على روحي ستغفرت ربي انوب اتصيحلي عمو اخخ يابه اكعد عاين عليه صعدت طفيت وكوه نمت .............
///////////\\\\\\\\\\\\\\\
ليلاف: كعدت على صوت اسيل وهيه ادكعد بيه
اسيل: ليلاف ولج ليفه علايم احمد ولج اكعدي تنبل
ليلاف: ولج كعدت والله ميلام بيج من ايكول سلل صدك سل انتي شمرت عليها المخده
اسيل : عابتلج اي والله
ضي : يلا بنات كملنه الريوك انزلن اتريكن
ليلاف : اوك كلبي هيه حننزل كمت طبيت غسلت ولمين شعري فرشت اسناني طبيت بدلت لبست دشداشه لونها اسود وبيها ورد ناعم ابيض حلوه ولبست حجابي ونزلت صبحت عليهم
ضي : ياهلا بهل صباح الخير
رقيه : هلا بهل وجه الحلو اليطرد النعمه
ريم : اسكتي رقيه غير جنها العافيه اتخبل بت عمي
ليلاف : وجهج الحلو كلبي على عنادج واني اعيبلها ضحكنه ونقلنه الريوك وكعدنه هل مرا كلنه واحمد ونمر كلسع ايذبون حجايه على اسيل وريم
احمد :سلل من يمج الصمون
اسيل: سل بكلبك اسيل مو سل
احمد : بكلبي اني اعلمج
ليلاف : يحجون بهمس واحنه نضحك عليهم جان اسمع صوت الشيخ
جسار: ضحكونه وياكم على شنو هل ضحك بويه
ليلاف : فشلت فشله لم يفشلها التاريخ فشلا 😩
مريم: ولج ليلاف بسمار الج على ضحكتج
ليلاف : اسكتي عابتله بس ايفشل رفعت راسي جان يخزرني خزره بحيث كمت ارمش من الخوف كلت بسلا سمعني
رقيه :ولج باعي شلون خزرج بسلا سمعج بنات اقرن الفاتحه على روح ليلاف بت نورس
ليلاف : انجبي رقيه حركعج بل كلاص بيش طالبتني بس هوه هيج عيونه اسكتن
ضي: عوفنها خطيه باعن شلون كامت ترجف
ليلاف : ايضحن بصوت ناصي واني مدنجه بسلا سمعني وبابا وماما وعمامي منطلقين ويا بيبي وجدو
واني حايره بنضراته جنهن سهام كملنه نقلنه الاكل خاله ام جسار وخاله ام احمد وكفن ايسون بل غده وماما استساعدهم انس سالت رقيه اكلج اليوم عمو جسار ميطلع من البيت
رقيه : لا ميطلع ماعنده دوام اليوم العصر يطلعون للمضيف
ليلاف:ليش هوه وين ايداوم
رقيه : يولي شبيج جسار نقيب بل جيش وعلي ضابط
اسيل: بربج رقيه علي صدك ضابط
رقيه : صحكت على شكله غمزتلها كتله اي ليش
اسيل : هاا لا بس هيج تفاجأت بكلبي اويلي عليج اسيل هم حلو وهم ضابط يمااااا😩
ليلاف : كملنه البيت نضفنه امي واسيل ومريم الفوك والبنات الجوه كملت كتلهن حصعد اسبح وانزل اساعدكم بل غده كالن روحي صعدت توني فتحت الباب مال الغرفه جان انجر من ايدي احس انخلعت من مكانه شهكت خله ايده على حلكي وتوجه لغرفته الفوك اني كمت ارفس بيده ...............يتبع
شنو حيصير برايكم ومنو الجرها من ايدها ؟؟
:فحضنتها حضن المنتظر فبكت!!.. كم كلمات حب مرت عليها وما أدركت... ما بعمرها حتى لنظراتي أبصرت... جريئة منذ عرفتها! واليوم من غزلي بها استحت!!! 🤎
احبكم جميعا ادعموني حتى استمر 🤎
Zahraa...✏️
