ඈ.............. || G×G

03

ඈ.......................
03

කාමරයේ වූ විදුලි පංකාවේ හුලං ධාරා නිසා ඇද මත නිදාසිටින රාධිගේ කෙස් තත්පර ගනනාවට හුලං දිසාවට ඇදී යයි නැවතත් ඇය දෙසට ලංවෙයි. හුලං ධාරාවේ සීතලට , ලා නිල් පාට ඝනකම් ලොම් රෙදි පොරවනය ඈ තව තවත් ඇගේ සිරුරට තුරුළු කර ගත්තාය. නග්න සම ඝනකම් පොරවනයේ හමුව ඈට ලබාදුන්නේ උණුසුමකි.

හාත්පසම ඇත්තේ අදුරයි. මලකඩ කෑ යකඩ පොලු තුනක් මැද්දට වූ ජනේලයක් තිබුනද කාමරයේ කිසිදු ආලෝකයක් නම් නොවිය. ඒ අදුරු කාමරයේ බිමට වඩා අඩියක් පමණ උසට ඇතිරූ කොන්ක්‍රීට් තට්ටුවක් මත  තරුණියක් වැතිර සිටියේ එක් පයකට සම්බන්ද කරන ලද විලංගු සහිතවයි.

තම දෙනෙත් තදින් පියාගන සිටි ඈ අදුරන පැහැය කළු පැහැය පමණක් බව සිතුවද අද ඈ වසා සිටි දෙනෙත් මත දුටුවේ අදුර සමග මිශ්‍රවූ රක්ත පැහැයකි . මොහොතින් මොහොතට රත් පැහැය තව තවත් පැහැදිලිව ඇගේ දෑස් මත සටහන් විණි. 

" රාධි "

වසර ගනනාවකට පසු ඇගේ සවන් ලයාන්විත හඩක පහසින් මත්වී ගියාය නමුත් ඒ හඩ කතා කරන්නෙ කාටද යන්න ඇයට ගැටලුවකි.  අදුර සමග පැමිණ කඪෝර ඝෝෂාව ඇගේ මනස සම්පූර්ණයෙන්ම ඈට අහිමි කර තිබුනද එක්වරක් නොව දෙවරක් තෙවරක් ඇසුන හඩ  ඈ හට එක්කලේ නැවුම් බලාපොරොත්තුවකි.

" රාධි "

ඒ හඩ නැවත නැවතත් දෝංකාර දෙන්නට විය. ඈ  තම දෙනෙත් විවෘත කිරීමට උත්සාහ දැරුවාය නමුදු විඩාවෙන් පෙළුණු දෙනෙත් පියන් බරවී ඇත.
ඒත් සමගම උණුසුම් යමක් ඇගේ මුහුණේ වූ කෙස් හිමි හිමින් පිටුපසට කර නලල් තලය මත එහා මෙහා යන්නෙ ඇගේ සිරුරේ වූ සෑම රෝප කූපයක්ම ඉත්තෑකුරු මෙන් සෘජු බවට පරිවර්තනය කරමිනි.

" රාධි "
ඇගේ කන්පෙති නැවත ඇසුනු ඒ හඩින් වෙවුලා ගියාය. ඒ හඩ හිමි තැනැත්තිය ඇගේ කන්පෙති මත හුස්ම වැදෙන තරමට ලංවී ඇත එයිනුත් නොනැවතී  ඒ හඩ හිමි තැනැත්තියගේ තොල්පෙති අතර ඇගේ සිනිදු කන්පෙති සිරවී ඇති බව ඇයට දැනුනි.

" රාධි ...නැගිටින්න දරුවෝ "

වේගවත් වූ හුස්ම ද හදවතේ රිද්මයද ඇගේ  අදුරු වූ සිහිනය  අමතක කරදමා පියවි සිහිය ලබාදුන්නාය නමුදු තවමත් ඈ දෑස් විවෘත කලේ නම් නැත ඒ වෙනුවට ඇය සිනාසුනාය. ඇගේ සිහිනයයේ ඇයට මතක තිබූ  එකම දෙය වූ ප්‍රේමයේ උනුසුමට ඇය සිනාසුනාය. අපර්ණාගේ මේ හැසිරීමට ඇය සිනාසුනාය.