Unicode
" အဲ့ဒီနှစ်မှာ ကျွန်တော့် အဖေက အရည်အချင်းပြည့်မီကြောင်း လက်မှတ်ရရှိပြီးတော့ မျိုးဥတစ်လုံး လက်ခံရရှိခဲ့ပြီး ကျွန်တော့်ကို မွေးလာခဲ့တယ်၊အခြား ဥတွေနဲ့ ပတ်သတ်တဲ့ အကြောင်းကိုတော့ ကျွန်တော်လည်း မသိတတ်ဘူး၊ အဲ့ဒီအကြောင်းအရာတွေအားလုံးကို လျှို့ဝှက်ထားတယ်၊ ကျွန်တော်သိတာ တစ်ခုကတော့ အဲ့ဒါတွေကို အသုံးပြုပြီးသွားပြီဆိုတာဘဲ "
အဆုံးသတ်မှာ အသုံးပြုပြီးသွားပြီဆိုတဲ့ စကားလုံးကို သူက တုံဆိုင်းစွာနဲ့ ပြောလာတယ်။
နောက်ဆုံးတော့ ဒီအရာတွေက တကယ်ကို မယုံနိုင်လောက်စရာတွေချည်းဘဲ။
" အိုး၊ အိုး..ဒါက ..." ကူယွမ်က အတော်လေး ထက်ထက်မြတ်မြတ်ရှိတာမှန်ပေမယ့် ဒီအကြောင်းအရာကြီးကို နားလည်ပေးနိုင်ဖို့တော့ အချိန်ယူနေရတုန်းဘဲ၊ ဒီသားက အသက် 23နှစ် ရှိပြီဆိုတော့ ဒုတိယသားများ ဖြစ်နေမလား ? သူမမှာ ဒါမျိုး အဆင်ပြေလွန်းတဲ့ သား လေးယောက်များ ထပ်ရှိနေသေးတာလား ။
သူမစိတ်ထဲ ဒီလိုသား 5ယောက်က ' မား' ဆိုပြီး တပြိုင်နက်ခေါ်လာမယ့် အကြောင်းကို စိတ်ကူးကြည့်မိတော့ တံထွေးတောင် နင်သွားတယ်။
ကျီ ချီစန်းက အလိုက်တသိနဲ့ အသီးဖျော်ရည်ကို ငဲ့ထည့်ပြီး ကူယွမ်ကို ကမ်းပေးလာတယ်။
ကူယွမ်မှာ သူမရဲ့ ထိတ်လန့်နေတဲ့ နှလုံးသားလေးကို နှစ်သိမ့်နိုင်ဖို့ ဖျော်ရည်ကို အမြန်ငုံ့သောက်လိုက်ရတယ်။
ကျီ ချီစန်းက သူမ စိတ်တည်ငြိမ်ေအာင်ထိန်းနိုင်တဲ့ အချိန်ထိ ငြိမ်သက်စွာ စောင့်ဆိုင်းနေတယ်။
ခဏကြာပြီးမှ ကူယွမ်က မေးခွန်းတစ်ခုကို စဉ်းစားမိသွားတယ် " ဟုတ်သားဘဲ မင်း..မင်း က ငါ့ကို အရင်က မြင်ဖူးထားတာလား "
သူမက တကယ်ကို ရှုပ်ထွေးနေပြီးတော့ ကိုယ့်ကိုယ်ကိုတောင် သေချာ နားမလည်နိုင်ဘူးဖြစ်နေတယ်၊ သူမရဲ့ ဒီသားကတော့ ဘယ်လိုများ ဖိအားတစက်လေးမှ မရှိဘဲ ' မား' ဆိုပြီး လွယ်လွယ်ကူကူ ခေါ်ထွက်နိုင်ပါလိမ့်။
YOU ARE READING
5 Big Shots kneeled and called me Mom ( Myanmar translation)
RomansaNot my own story.Just translation. Credits to: Original author and eng translator(s) Start Date - 19.9.2021