بقلم hafida el
البارت 13
من ثصة ندرا
دخلات لطواليط قضات حجتها وناضت حاسة بالدوخة وماشي على طبيعتها غسلات وجها وخرجات كان يلاه داخل لدار وهو يلمحها كتسد باب دلحمام
ستغرب وقال بشوية : اش كدير هاهاالبنت هنا
بقا واقف كيشوف فيها حتى شافها شدات فواحد الكورسي وشدا فالكورسي ومغمضة عنيها وزيرات على الكوري مشا عندها وقال : واش نتي بخير
ندرا رفعات راسها بزربة فاش سمعات صوت راجل ولات كتخاف تهدر مع شي رجل مع هزات راسها بالزربة وهيا تجيها الدوخة كانت اطيح وهو اشدها من كتفها
تحسين كلسها على الكورسي : واش نتي بخير
ندرا: انا بخ......
تحسين قاطعها فاش شاف بوقعة ديال الدم كبيرة على فلارها: نتي ماشي بخير شوفي الدم لي فراسك
ندرا كتهدر غير بزز حيت الجرحة كتحرقها : بغيت عمي
تحسين: وخا خليني نشوف الجرحة ديالي راني طبيب
ندرا: لا جيب عمي هو اللول
تحسين: وخا شنو سميت عمك
ندرا: محمد بن يوسف
تحسين مشا خرج بالزربة دخل على رجال وقال : شكون فيكم محمد بن يوسف
ناض محمد وقاف وقال: انا هو اولدي
تحسين: ممكن تجي معيا اعمي
خرجو بجوج ودخلو كي لمح ندرا مشا عندها كيجري
محمد: بنتي ما(شاف الدن فراسها) بنتي شكون دار ليك هاد الحالة ولدي تحسين شنو وقع
تحسين: حتى انا ماعرفتش جيت لقيتها هكاك انا غنمشي نجيب ليها باش نعقم ليها الجرحة ونرجع
محمد: وخا واش نتيالنتي بخير
ندرا: بخير بخير
محمد: خلبني نحيد ليك الزيف نشوف
بدا كيحيد ليها الزيف طلق ليها شعرها تسبسب كلو ونص فيه فازق بالدم وتيتلصق جا تحسين وهو اشوفها بشعرها لحمر طويل ورطب بقا ساهي فالجمال ديالها هبط عنو لعينيها المسدودين ومجيرا عليهم ونيفها لمقاد ووقنانفها لي عاظة عليهم بلحريق وبشرتها البيضاء مشا جيهتهم
تحسين: وخا خليني نشوف اعمي
بعد ليه محمد حتى هو باغي يعرف اش واقع وتحسين حتى هو جاه الفضول ووحد الرغبة باش يعرف عليها كولشي على هاد البنت فتح عنيه على جهدهم فاش شاف حجم الجرحة والنزيف
تحسين:راه خاصها تخيط الجرحة غامقة بزااااف
محمد: كفاش خليني نشوف
وراه تحسين الجرحة وهو يتصدم
محمد: نوضي ابنتي نديوك لسبيطار
داكشي لي دارو هزها تحسين وهي تشبتات فيه مشا حطها فاللوطو وركب نعاهم حتى محمد وكسيرة بيهم لسبيطار
خلاو لبنات غيموتو بالفقصة وكيقولو شكون ملات شعر لحمر لي هزها تحسين وهما كاع مداوها فمحمد لي ركب معاهم اما وداد سمعات مولات الشعر لحمر وهيا تكحز عند دنيز
وداد: دنيز سمعتي الهدرة لي كيقولو لبنات
دنيز: اه سعدات ديك البنت علم الله شكون هيا
شكون كنعرفو شبعر لحمر
دنيز : ندرا علا.....لا ميمكنش
وداد: ناري خاصني نمشي نتاكد واش بصح هيا
لمياء: ولكن علاش غادي اهزها
وداد: ماعرفتش
دنيز: راكم شتو ملي ضرباتها مليكة شداتها الدوخة كانت على شوية وتسخف
وداد: اه اوا تسناو حتى تجينا اخبارها .....
😍😍😍😍😍
