بقلم: hafida el
البارت 8
من قصة ندرا
دخلات كتشوف فالدار ماتبدل فيها والو ملي كانت صغيرة جات مريم سلمات على ندرا
مريم: لباس عليك ابنتي
ندرا: لباس الحمد الله ونتي لباس عليك
مريم: الحمد الله اجي نوري ليك بيتك باش ترتاحي اتكوني عيتي من طريق
ندرا: او والله حتى عيت بغيت نرتاح شوية ونبدل عليا
مريم: اه اجي معايا
هزات ليها لفاليز وندرا هزات الصاك ودخلاتها لواحد البيت وفيها بلاكر ونمسية ديال جوج دناس
مريم: هانتي رتاحي ابنتي
ندرا: شكرا اعمتي
خرجات كريم وسدات موراها البابوخلاتها تاخد راحتها اما ندرا فاول حاجة دارتها فتحات الفاليز ودخلات لدوش بدلات عليها لبسلتت بيجامة وسعة وطويلة وحزمات زيفها وخرجات حطات تليفونها على النامسية وبدات كترتب حوايجها فلبلاكار من بعد ما سلات تكات شوية ولحمها مدكدك تكات شوية مابغاش اجيها نعاس وهيا تنوض خرجات من البيت شمات ريحت طياب عرفات عمتها اتكون فالكوزينة مشات تجاه الكوزينة دخلات لقات مريم كتقلي الحوت
ندرا: سلام عمتي
مريم دارت عندها: اهلا بنتي رتاحتي شوية
ندرا: اه مبغاش اجني نعاس
مريم: اجي كلسي نعمر ليك تاكلي
ندرا: لا انستنة حتى اجي عمي
مريم: وخا ابنتي
ندرا: نعاونك فشي حاجة
مريم: لا صافي راني كملت
ندرا: وخا انوجد على الطابلة
مريم: لي عجبك
ندرا وجدات على الطابلة ومريم قلات الحوت حتى دخل محمد : سلام اعليكم
مريم و ندرا: وعلكم السلام
كلس محمد وشاف ندرا واقفة حدا مريم مبتاسمة من نضرة ليها تدخل ليك لخاطرك بتاسم وقال : اجي ابنتي تكلسي
كلسات ندرا حداه وهزات مريم طبسيل ديال الحوت حطاتو على الطابلة وقالت: احياني عليك امحمد صافي مابقتيش كاتقولي ليا اجي تكلسي حدايا احبيبتي
محمد: يا المغيارة ديالي ههههنتي راكيي نوارت عنيا اجي كلسي ها بلاصتك
مريم: الله احفك ليا ازماني راه غير ضاحكة معاك
كلسو كيتغداو فجو ماليئ بالضحك من بعد ما سلاو تعاونو مريم وندرا فجميع الكوزينة ومنبعد كل وحدة مشات لبيتها دير القيلولة ديالها
فاقت على صوت الهدرة والضحك ناضت قبل ما تخرج حزماد زيفها على راسها وخرجات كانو كالسين فلمراح مريم و 3 دلبنات مشات جيهتهم وقالت : سلام
لبنات : سلام
ناضت واحد البنت كانت لبسة جلابة فالازرق سلمات عليها من لحنك لحنك وقالت: اهلا بيك بينتنا انا دنيز 18 لعام بنت عمك حسن
ناضت التانية حتى هيا كانت لبسة بيجامة : انا لمياء 18 لعام جارتكم غير هنا حدكم مرحبا بيك عندنا
ناضت حتى لخرة كانت لبسة خمار طوب واسع بصايو وجتى الفوقنية واسعة
سلام انا وداد20 سنة مرحبا بيك معانا انا بنت عمك حسن
ندرا: ترحب بيكم الجنة انا ندرا 18 لعام بنت عمكم احمد هههه
ضحكو لبنات وكاسو كيزيدو اتعرفو على بعضياتهم اما مريم خرجات مشات تكلس مع لعيلات برا
تفاعلو 😍😍😍😍😍
