بقلم: hafida el
البارت 37
من قصة ندرا
بقات غير كتعاير في راسها حتى شافت تاني التلي ديالها كيصوني لقاتو هو بقات كتقطع عليه شي 10 دلمرات وهي تطفي التليفون ونعسات
.....اما هو كان ناعس فالبيت لي عطا ليه عمو كان ناعس وهوكيصوني والو كتقطع عليه حتى عصباتو وهو اقول
فؤاد: وخا على مك دبا نوري ليك تقطعي عليا
حط التلي حداه وهو اتفكر تصاور لي دار ليها على غفلة هز التلي وبقا كيشوف فيهم وكيضحك وعاجبو الحال غير كيكبر بيهم وصغر حتى داتو عنيو وتلي حطو على صدرو حظا قلبو ونعس
صبح صباح فاق شاف فالساعة لقاها 7 ناض دخل لدوش دوش وخرج لبس عليه سروال وتقميجة ودار فوف منها فيستا ومشط شعرو ورش من بارفانو وخرج هبط لتحت مشا دار فنجان قهوى بالزربة وخرج ركب اللوطو ديالو وتاجه تيجاه دار محمد
اما ندرا فاقت حتى هي دوشات ولبسات عليها وبقات كتستناه اجي عندها حتى شافتو جا مشات ركبات حداه وكسيرة بها بعد ساعة وصلو لمدينة وفين كيديرو العقد هبطو دخلو لداخل دارو العقد ديالهم لمهم وخرجو مشابكين اليدين
تحسين: دبا امراتي لغزيزة خاصنا نمشيو نفطرو
ندرا : اه والله انموت بالجوع
مشاو دخلو لواحد القهوى راقية كلسو جا عندهم السيرفور
السرفور: مسيو مدام اش حب الخاطر
تحسين: جيب لينا لفطور
السرفور: وخا امسيو
مشا السرفور مشا جار لههم لفطور بكل ما يتشها لسان فطور بي معنا الكلمة حط ليهم
ندرا بقات غير كتشوف فتحسين لي كالس حداها وحوط خصرها بي يدو
تحسين هز ليها البيض بفورشيط ومدو ليها لفمها
ندرا فتحات فمها كلاتو وهي هزات تاني عطات ليه بقاو كيفطرو في جو رومنسي مرا ابوسها مرا اوكلها مرا توكلو
ندرا ملي سلات وهي تقول: بيت نمشي للحمام
تحسين : هاهو من ديك الجيها
ناضت ندرا كشات الحمام دخلات قضات حاجتها غير خرجات وهي تحس بيديها شدها شي حد
ندرا مع الدورة وهي تشوف محسين
ندرا ولات كتقفقف وهو شاد فيها ولات غير كتهز براسها
نظرا كتنتر منو: بعد مني طلق
محسين: اش عاد لغبور ازين
ندرا كتغوت: بعد مني تحسين اجي
تحسين سمع سميتو وهو ادور وجهو لقاه شاد فيها وهو انوض ليه هايج من كترت الاعصاب لي طلعو معاه مشا جيهتو ضربو نيشان لوجهو وطاح كاو فلرض
ندرا غير شافتو هكاك وهي تشد ليه لي كتفو
ندرا: تحسين عفاك براكة عليه
تحسين شاف فيه وشد في يد ندرا وقال: شوف هادي عمرك تقيصها سمعتي
عطا ليه واحد الركلة وخرجو مشاو ركبو فاللوطو وبقاو كيتسراو هو سولها شكون هداك عودات ليه كولشي وبقاو كيتسارو وجاب ليها اش حاجة عجباتو جابها ليها وهي غير كتشوف لي بغات كيجيبها ليها
😍😍😍😍😍
