بقلم: hafida el
البارت 17
من قصة ندرا
محمد: تحسين
تحسين: واش نظرا بنتك نت
محمدشدو من كتفو: سكت اتسمعك سكوت
تحسين نفض يدو: واش كاين شي اب كيرمي بنتو وكاع هادشي لي كتشوفها فيه مقالك قلبك تقول ليها والو من اي نوع من الاباء نت
محمد كلس وشد راسو : طريت نعطيها لخوية انا معمرني رميتها انا كل مرا كنصيفط لفلوس لخوية باش مايخليهاش تتخصص من اي حاجة وكل عيد كون كانجيب ليها حوايج كاملين حتى من لحوايج الداخلية كنت كانجيبهم ليها ونعطيهم لخوية اعطيهم ليها
تحسين ضحك بصخرية: واش كيسحاب ليك البنت همها لخوايج لا همها تلقا الاب يوقف جنبها يبغيها دبا غير قول ليا نت واش فرحان من هادشي لي وقع ليها وهاد الضرب لي كلات غير قول ليا اشمن سباب لي خلاك ترمي بنتك للجحيم
محمد: قبل 19 لعام تلقيت مع نهان مامات ندرا كانت عايشة هنا فلعروبية مع عائلتها باباها وجدها والام ديالها توفات وجدها وكانت عايشة غير مع رجال داك نهار تلاقيتها كتسكي الماء عجباتني بزااف قلبي بدون شعور خفق ليها شافت فيا وبتاسمات ومشات وليت كل نهار نمشي لتما باش نشوفها وديما فاش كتشوفني كتبتاسم ليا ديك الابتسامة الساحرة ديالها حتى لواحد نهار قررت نهدر معاها ومشيت عندها وهي كتسكي قولت ليها: ممكن نهدر معاك واحد شوية
نهان: عافك سير فحالك بابا وجدي غادي اضربوني مقدا على مشاكيل
هزات قراعيها ومشات وفكرت بلي خاصني نمشي نطلبها من باها ودكشي لي كان مشا با وانا بفدقيت فالدار كنساين بفارغ الصبر باش يرجع فاش رجع لدار نضت وقفت وجه با مكانش كيبشر بالخير
قربت منو وقولت: با امضرا
الاب: مانسمعكش جبتي ليا ديك العائلة على لسانك سمعتي طلبت بنتهم لولدي قالو ليا لا مزال صغيرة فنفس الوقت دخل ولد الطاهر وعطاوها ليها طيحو من كرامتي تفو الله ينعل ها سلعة
انا فاش سمعت ديك الهدرة مشيت للبير لي كانت كتسكي منو داك نهار مجاتش نهار التاني مجاتش وبقات شي سيمانة مجاتش حتى سمعت بلي لغد ليه غادي تتزوج
وصل ليل تحت واحد الشجرة
(فلاش باك )كلس محمد تحت الشجرة وكيشوف فدارهم حتى حات فبالو واحد الفكرة ناض مشا لديك الدار وبدا كيدور ليها وهو كان مدور واحد لحاف على وجهو حتى بدا كيطلع مع سطح حتى وصل لسطح نقز فلمراح وبنو ليه قاع لبيوتا مسدودين
كيفاش غادي اعرف البيت ديالها تنهد وقرب لواحد البيت لقا فيه جدها ناعس وكيشخر رجع سدو بشوية وفتح واحد البيت اخر وهو اشوفها ناعسة بتاسم وسد الباب بشوية وقرب ليها كانت كاتبات ن غير شوية من الضوء القمر حط يدو على حنكها وهي تخلاعات جات تغوت وهو احط يدو على فمها
محمد كيهدر بهمس: ششش هدا انا مح
بلامة اكمل كلامو عنقاتو وكتبكي
نهان: عافك ماتخلينيش بوحدي بغاو ازوجوني بحسن وانا مابغيتش هئ هئ ماتخليهمش ازوجوني
محمد عنقها: ششش طول وانا معاك مكين لي غايديك بزز
بقاو مدا معانقين حتى بعدها عليه وشد ليها وجها بين يديه
محمد: واش كتبغيني انهان
نهان حمرو خدودها وهزات رايدسها باه
محمد: اذن تقدري ضحي معايا
نهان: اه ولكن شنو
محمد وقف ووقفها: لبسي جلابتك وياله معايا
نهان: فين
محمد: لبسي ويلاه تيقي فيا
😍😍🥺🥺
