محاسن الصدف 💗

الحلقه 8

#الكاتبة_ژوژو_الطشهه

#محاسن_الصدف

#الحلقه_8

#لايك_قبل_ما_تقري👍🏻

{ديري متابعه لي إيميلي عشان مجرد ما أنزل الحلقه تطلعلك طوووول❤️}

(قبل كل شي حبيباتي نبي نوضحلكن 3 حاجات
1_ نبيكن تحفظن موعد التنزيل لأنه في بنات لعند توا مش حفظاتنه ويسألن عن الحلقه وهك موعد التنزيل يوم بعد يوم 💗

2_اعذرني لو في أخطاء إملائية أو لخبطة في الأسماء نكتب بي سرعه وحلقات طويلة وبدون ما نعدلها لأنه مافيش وقت 💗

3_ الرواية ح تكون 15 حلقه مش 20 لأنه لقيت أنه مش ح نقدر نديرها 20 لأنه عندي ظروف وهك والحلقات طوال وح نعطيهن حقهن في الأحداث بي إذن الله وشي ثاني كل حلقه اطول من قبلها يعني انتي لما تقولي الحلقه قصيره لأنه انسجمتي بس💗
------------
عند محمد طايح ع السرير بي تعب ويرجف حراراته عالية بكل
مسك تيلفونه رن ع رتاج
محمد بي صوت ثقيل :ت ت ت تعالي
رتاج خافت وطلعت من دارها تجري فتحت باب داره وانصدمت لما شافاته بالحالة هدي كان يرجف حطت يدها ع راسه لقتها ناااااار 🔥🔥
رتاج شافتله بي صدمه وخوف :حرارتك عاليه بكل
محمد يشوفلها ويحكي بي تعب بكل يغمض في عيونه ويسكر فيهن طبعا توا الساعه 10:30
رتاج طلعت بي سرعه من داره وخشت لي دارها طلعت من شنطتها منشف قطني (فوطه) وعدت تجري لوطه للفندق نزلت خشت لي مطبخ الفندق لقت شغالات واجد من ضمنهن كانت في وحده ليبية
رتاج شافتلها :لو سمحتي انتي ليبيه صح
مراه كانت كبيرة في العمر :اي بنتي تفضلي
رتاج بي توتر ودموعها في عيونها :نبي اميه مثلجه ضروري توا ولو في شي ساخن
مراه شافتلها :تمام حاضر بنتي استني
قعدت رتاج تستنا فيها ودموعها ينزلن
شوي وجتها عطتها اميه ومعاها شيشة احتياط ومعاهن حساء ساخن بكل💗
رتاج ابتسمت :بارك الله فيك
مراه :ولو من عندك مريض
رتاج ابتسمت بي إحراج :مدير معايا هنا
مراه ابتسمت :ربي يشفيه
سلمت رتاج عليها وخشت تجري فوق لقت محمد وجهه يرجف بكل
حطت المنشف في الاميه ومسكت الكمادات حطتهن ع راسه
محمد يشوفلها بي تعب بكل عين مفتحه وعين مغمضه💗
رتاج :جبتلك حساء ساخن كويس بكل لازم تشربه
محمد هز راسه بي لا
رتاج شافتله وذبلت عيونها :لا ح تشربه أرجوك 🥺
محمد هز راسه بي رضا نظرتها كفيله تخليه يوافق💗
رتاج ساعداته يقعد ع حيله وقعدت توكل فيه وهوا من كثر ما كانت الحرارة قويه مش قادر حتا يحكي
رتاج بعد كملت ابتسمت وهوا رقد من التعب قعدت كل مره اديرله في كمادات 🤍
----------
في فيلا يحيا
قعد منصور يبكي بي صدمه وموسى يهدي فيه سمعنا نورس والي معاها وناضن بي خوف يشوفن شن فيه
يسمعن في منصور يبكي ومعاه يحيا وموسى يهدوا فيه
منصور :الله يحرق قلوبهم كيف ما حرقولي قلبي وحرقولي بيتي حسبي الله فيهم😭😭
نورس وأمها واختها شافن لي بعضهن بي صدمه وانهارن 💔💔💔
فريحه شهقت بي صدمه :ووووو حسبي الله ونعم الوكيل فيهم💔
يحيا قعد يسمع فيهن ناض طلع يالا المربوعه لقاهن واقفات جت عينه ع نورس الي تبكي بالعبرة وحاطه يدها ع قلبها من الصدمه 💔💔
منظرها وجعله قلبه بكللللل وجا شعور خاطره يحظنها يسكتها يهون عليها بس لي لحظه فطن لي روحه وهوا يشوفلها ومع كل دمعة تنزل يحس وكأنه سكين انغرست في قلبه كان شعور يحيا غريب بكل وهوا بروحه مش فاهمه💔
يحيا بي وجع :أمي سكتيهن وانشاء الله يرجع حوشهم كيف قبل واحسن
فريحه دموعها ينزلن وتشوف لي منظرهن بي وجع :حاضر وليدي
خششتهن جوا للصالة وقعدت تهدي فيهن هيا وصفاء الي جابتلهن اميه وتسكت فيهن
في المربوعة موسى يسكت في منصور صاحبه ورفيق عمره
موسى : صلي على سيدنا محمد يا منصور
منصور يبكي :عليه الصلاة والسلام
موسى :توا أنت شن تبي فيها المنطقة الخاربهه هدك صح حوشك حرقوه ومش انت بس جيرانكم كلهم حرقوا الجيهه هدك وطيحوا فيهن الصواريخ مش عارفه الشعب شن دخله حسبي الله ونعم الوكيل فيهم لاكن توا نبيك تسمعني هدا قضاء ربي وقدرة الي نبي نقوله لك خلاص انقل هنا معانا ابني حوش هنا جنبي وانا ح نساعدك بي تكاليفه هنا امان ويالايا كويس بكل بناتك يخشن يقرن هنا ووضعكم كويس لاكن بعد هكي رجعه غادي والله ما تهون عليا نخليكم تمشي منطقة عسكريه ومش مستقرة واصلا مافيش داعي تشري اهي أنا عندي شقه جنبي هنا حلال عليكم انت وعيلتك ♥️♥️
منصور يسمع في كلام صاحبه وكأنه صب عليه اميه مثلجه في وسط النار الي كان في قلبه كلام موسى ريحاه بكل ونعم الصديق موسى راجل ونعم الرجال قليل في وقتنا توا يكون في صداقة وناس هكي♥️
منصور حظن موسى :الله لا يغيبك بارك الله فيك والله مش عارف شن نقولك يا موسى بس واجد عليا هك ع الأقل نقعدوا فيها بالإيجار 😢
موسى:لا والله حلفت أنا خلاص ما تقعد الا لكم بعدين أنا الحمدالله ربي ناعمني بي خيره وما عنديش حد نحطه فيها رأس ه الولد وبانيله فوق من الفيلا وبنت وحده ومسقدها متزوجه هدي كنت نأجر فيها وهك بس توا خلاص نصيبك♥️
منصور :الله يسعدك ويفرحك ويجبر بي خاطرك مش عارف شن نقول انت والله أكثر من خويا الي درته معايا حتا خوتي ما يديروها♥️
يحيا يسمع فيهم ومبتسم لي حديثهم ويشوف كيف صداقتهم سمحه ♥️
موسى ابتسم :رن ع العويلة وخبرهم حرام انفجعن
منصور :تمام صح
طلع موسى برا وقعد يرن ع حواء
حواء كانت قاعده يالاهن ناضت خشت الدار وقعد يحكيلها سكرت منه بي فرحه وجبر خاطر وخشتت قالتلها لي بناتها الي ع قد ما كانن زعلانات ارتاحن شوي بس مزال مضايقات مهما كان هدا حوشهن ومنطقتهن♥️
غيرت صفاء الجو وقعدت تهدرزلهن بعدها دارت بيتزا وقعدن يهدرزن ويحيا خش للمطبخ داير روحه يبي حاجه وهوا بس يبي يشوف نورس لما لقاها تهدرز وجو سمح أرتاح وطلع لي أصحابه يهدرز عليهم♥️♥️
-----------
عند رتاج بعد كملت لما حست الحرارة نزلت ارتاحت سكرت الباب ونزلت صفرة والحاجات وركبت لي غرفتها خشت رقدت أما محمد راقد بي تعب بعد ما رتاج طفت الضي وغطاته🤍..
-------
فات باقي الوقت عادي جدا ع الكل مافيش داعي نحكي في التفاصيل المملة 🤍