محاسن الصدف 💗

الحلقه 6

#الكاتبة_ژوژو_الطشهه

#محاسن_الصدف

#الحلقه_6

#لايك_قبل_ما_تقري👍🏻

{ديري متابعه لي إيميلي عشان مجرد ما أنزل الحلقه تطلعلك طوووول❤️}

عند رتاج قاعده في دارها رن تيلفونها شافت الرقم كان مسجل (مدير محمد )
رتاج :الو السلام عليكم
محمد تنحنح :وعليكم السلام
رتاج :شن جوك
محمد :تمام وانتي
رتاج :تمام
محمد :اسمعي بنقولك بكرا عندنا سفرة لي تركيا مؤتمر ضروري وضروري تمشي معايا بي ما إنك سكرتيرتي الخاصة
رتاج انصدمت :ي ي يعني مافهمتش كيف نمشي معاك
محمد :أنا وانتي مع بعض في الطيارة ومعانا شريكنا عادل غادي في مؤتمر ومهم بكل للشركة لازم نحظرة وانتي بي ما إنك سكرتيرتي لازم تسافري معايا بكرا ال 12
رتاج :اها فهمت باهي نسأل خويا ونرد عليك
محمد :تمام بس ضروري رآه 😒
رتاج :اوكي
سكرت منه وناضت وهيا كلها حماس طلعت للصالة لقت حنها في الصالة ادير في سلاطة عشاء وخوها اشرف يحظر في التلفزيون يالاها
رتاج شافتلهم :احم اسمعوني
شافولها هما ال 2
رتاج :رن عليا مدير محمد وقال.......
حكتلهم شن قال محمد بالتفصيل
جازيه:وكيف بتسافري معاه بدون محرم يا بنتي غلط هك وبعدين شن عرفك انتي بيه
رتاج :يا امي هدي شغل وهدي شركة كبيرة ومعروفه وشغل يخص الشركة وانا من الفندق مش ح نطلع من داري للمؤتمر ومن المؤتمر لي داري وبعدين كل حد دار ومسافر معانا شريكهم وفي غادي بنات واجد سفرة ضرورية مرات كان قلت لا يفصلني لأنه السكرتيره الي قبلي تسافر عادي
جازيه:باهي والله كان هكي عادي بطولوا
رتاج :تقريبا اسبوع أو أقل هكي المؤتمرات
شافت رتاج لي اشرف الي كان يفكر :شنو
اشرف :باهي تمام امشي بس تسمعيني هنا خليكي في دارك وقت الشغل بس لعند تروحي هدرزه مع الرجالة نقتلك
رتاج ابتسمت بي فرحه مخفيه :تمام نعدي نوتي روحي
خشت تجري للدار وهيا فرحانه بكلللللل 😍🤤 أول مره تسافر تركيا وكانت حاسه إنه حياتها بدت تتعدل♥️♥️
رفعت شنطة حطت فيها دبش طلعة واوشحه ونظرا لي حالتها المادية الضعيفه الي كان دبشها في غاية البساطة بس رتاج كان ذوقها حلو يعني تنسق الألوان وبي رغم بساطتها إلا أنه دبشها كان محترم وحلو قمصان تحت الركبة مع سراويل وحطت كم لبسة وعطرها وحاجاتها الي تحتاجهن بعد كملت رنت ع محمد
محمد كان يرجا فيها قاعد في حديقة القصر أول ما رنت رد طول
محمد :شن صار ؟
رتاج :تمام وافق
محمد ابتسم بي راحه :كويس بكرا ع الساعه 11:40 يجيبك لي مطار ## تلقيني غادي جيبي جواز السفر عشان نقدملك لأنه خدمة شركة ك تمشي طول وبالنسبه لي السفرة مدفوع عنك
رتاج استفزها اسلوبها كيف يحكي بي غرور :لا مافيش داعي توا ندفع حقي
محمد بي جدية :هدي سفرة تخش الشركة ومدفوعه من الشركة حتا الي قبلك هك
رتاج :اوك تمام
محمد :ح نقعدوا 5 ايام
رتاج :تمام تصبح ع خير
سكر محمد قبل لا يرد
رتاج "مغرور 😒"
خش محمد وقال لي رولا توتيلا دبشة
رولا :من بيعدي معاك
محمد :رتاج السكرتيرة
رولا انصدمت وشافت لي محمد وعيونها حقد ع رتاج :اها
رقت توتيلا دبشة
ومحمد خش يتعشا مع خوه سيف
سيف :وين الأيام هدي ما نشوفوا فيك بكل
محمد :شوفة عينك شغل الفترة هدي مضغوطين بكل
سيف :يعانون الله يا طيري
محمد :وانت شنو قاعد مزال في الجامعة راك مواليد ال 97 الي كيفك تخرجوا
سيف :والله جو سمح الجامعة بنات اشكال انواع وجو سمح مانبيش متخرج توا السنه الجاي بي إذن الله 🤤
محمد:كلا انت متاع بنات درجة أولى مش عارف كيف أي بنت تحبها
سيف : لأنه بنات عسل بكللل وانا نحبهن كلهن😍 مش كيفك انت معقد خاش في روحك ما عمرك حبيت بكل ولا تعرفلة طريق 😒😒
محمد شافلة ع جنب :ساد انت الي تحبهن كول وانت ساكت
قعد محمد يأكل وهوا يفكر في كلام خوه صح ليش هوا ما عمرة لفتت انتباها بنت ليش هوا ما عمراش حب ولا فكر يحب يشوف فيهن حاجه ممله ما يعرفش الحب ولا عمرة قلبه دق لي بنت ؟؟♥️..
-----------
( حبوباتي نبي نوضحلكن حاجه في بنات يقولن طوليها نبي نقوللكن لما نقرا هكي نفرح لأنه انت انسجمتن في الرواية لي درجة تبنها اطول من هك لأنه الرواية أكثر من 4000 كلمة طووووويلة بكل نكتب في الحلقه بالساعات انتن عشان انسجمتن تحسن فيها هك بس بس هيا طووويلة وهدا كله قاعدين في الحلقه 6♥️♥️)